೧. ರೋಜಾದ ಹಬ

 

ರೋಜಾದ ಹಬ್ಬಾ ಬಂತರಿ ತಿಥಿಯಾದಿನಾ
ತಯಾರಾಗಿ ನಿಂತಾರೋ ಎಲ್ಲಾ ಜನಾ ಶಿವನ ಕುತುಬಿ ದಿನಾ
ನಮಾಜಿಗೆ ಹೊಂಟಾರೋ ಎಲ್ಲಾ ಜನಾ ಶಿವನ ಸದರಿನ ದಿನಾ

೨. ಕುರ್ಬಾನಿ ಜಾಹೀರಾದ ಪದಾ

ಕುಂತಿರು ದೈವಕ ತಿಳಿಸುವೆ ಕೇಳರಿ ಇಟ್ಟ ಖ್ಯಾಲಾ
ಶಾಸ್ತರ ಸಂದ ತಿಳಿಸುವೆ ಇಂದ ಕೂಡಿರು ಸಭೇಕ ನಾ ||
ಮಾಡಿ ರಿವಾಯಿತ ಅಂತೇನಿ ಜನದಾಗ ನಾನಾ
ಮಕ್ಕೇದ ಪಾಯಾ ಹಾಕ್ಯಾರೋ ಶರಣಾ
ಕಟ್ಟಿದಾಂಗ ಬೀಳೂದು ನಿತ್ಯನಾ ಶರಣರ ಚಿಂತಿ ಪೂರ್ಣಾ || ೧ ||

ಕನಸಿನಲ್ಲಿ ತಿಳಿಸ್ಯಾರಲ್ಲಾ ಶಿವನ ಲೀಲಾ
ಮಗನ ಶಿರನಾ ಕೊಯ್ಯಬೇಕೋ ತೀವ್ರನಾ
ಇಬ್ರಾಹಿಮ ಕಲಿಲುಲ್ಲಾ ನೆನೆದಾರೋ ಶಿವನಾ
ಇಸ್ಮಾಯೀಲ ಮಗನನ್ನ ಕರದಾರಲ್ಲಾ
ಉಣಿಸ್ಯಾರೋ ತಿನಸ್ಯಾರೋ ಪ್ರೇಮಲಿಂದನಾ || ೨ ||

ಮಗನ ಶಿರಾ ಕೊಯ್ವರ ನಿಲ್ಲೂದು ಇಮಲಾ
ಅಲ್ಲಾನ ಹುಕುಮ ಆದೀತೋ ಪೂರ್ಣಾ
ಸುಂದರ ಮಗನ ಚಂದ್ರನ ಕಿರಣ ಗಟ್ಟಿ ಮನಸ ಮಾಡಿ ಶರಣಾ
ಭಕ್ತಿಲಿಂದ ಥರದ ಮೇಲೆ ಕೊಯ್ದಾರೋ ಶರಣಾ
ಜಾಹಿರಾತೋ ಜಗದೊಳು ಕಲಿಲುಲ್ಲಾ ಇಬ್ರಾಹಿಮ ಶರಣರು ಸೇಲನಾ || ೩ ||

ದುಂಬಾ ಬಿದ್ದಿತೋ ಥರದ ಮ್ಯಾಲಾ
ಕಡೆಗಿದ್ರೋ ಇಸ್ಮಾಯಿಲಾ ತಂತ್ರ ಯಾರಿಗೆ ತಿಳಿಲಿಲ್ಲಾ
ಆಮ್ಯಾಲೆ ನಿಂತಿತೋ ಮಕ್ಕಾ ಇಮಲಾ ಸಂಬನ ಧ್ಯಾನಾ ಮಾಡ್ಯಾರೋ ಶರಣಾ
ವರ್ಷಕ್ಕೊಮ್ಮೆ ದುಂಬಾ ಕೊಡುವ ನಿಯಮಾ
ಬಕರೀದ ಹಬ್ಬನಾ ಅಂತೇನಿ ಉಳದೀತೋ ಮಜಕೂರ ನೇಮನಾ || ೪ ||

ಮಾಡಿ ಹೇಳಿನಿ ಸ್ವಲ್ಪ ಕವನಾ ಕೆರ ಊರ ಶಾಹೀರ ಮೇಲನಾ
ಇಮಾಮ ಶಾಹೀರ ಮಾಡುವರೊ ಕವಿನಾ
ಗೈಬಿ ಅಜಮೀರ ಗುರುಸ್ಥಲನಾ ಕಲ್ಗಿಗೆ ಮಾಡುರೋ ಮರ್ದನಾ || ೫ ||