“Tank Irrigation in Karnataka – A Historical Survey” ಹೆಸರಿನ ನಮ್ಮ ಇಂಗ್ಲಿಷ್ ಪುಸ್ತಕ ೧೯೯೩ರಲ್ಲಿ ಪ್ರಕಟವಾಯಿತು. ಈ ಪುಸ್ತಕದ ಲೇಖಕರಲ್ಲಿ ಒಬ್ಬರಾದ ಡಾ. ಜಿ.ಆರ್. ಕುಪ್ಪುಸ್ವಾಮಿಯವರು ೧೯೯೬ರಲ್ಲಿ ನಿಧನರಾದರೆಂದು ತಿಳಿಸಲು ವಿಷಾದವಾಗುತ್ತದೆ. ಕೆರೆಗಳ ಬಗ್ಗೆ ಬರೆಯಲಾರಂಭಿಸಿದವರಲ್ಲಿ ಅವರು ಪ್ರಮುಖರಾಗಿದ್ದರು. ೧೯೯೫ ರಲ್ಲಿ ಶ್ರೀ ಸಿ.ಟಿ.ಎಂ. ಕೊಟ್ರಯ್ಯನವರು “Irrigation systems under Vijayanagar Empire” ಹೆಸರಿನ ಅಧಿಕಾರಯುತ ಪುಸ್ತಕವನ್ನು ಪ್ರಕಟಿಸಿದರು.

ಇನ್ನೊಂದು ಮಹತ್ವದ ಬೆಳವಣಿಗೆಯೆಂದರೆ, ಕರ್ನಾಟಕ ರಾಜ್ಯ ಸರ್ಕಾರದಲ್ಲಿ ಸಣ್ಣ ನೀರಾವರಿ ಖಾತೆಯ ಸಚಿವರಾದ ಮಾನ್ಯ ಶ್ರೀ ಕುಮಾರ ಬಂಗಾರಪ್ಪನವರು ವಿಶ್ವಬ್ಯಾಂಕಿನ ನೆರವಿನಿಂದ ಹಾಳು ಬಿದ್ದ ಅನೇಕ ಕೆರೆಗಳ ಪುನರುದ್ಧಾರ ಕಾರ್ಯಕ್ರಮವನ್ನು ಹಮ್ಮಿಕೊಂಡಿರುವುದು

ನಮ್ಮ ಕೆರೆಗಳ ಇಂದಿನ ಅವನತಿಗೆ ಮುಖ್ಯಕಾರಣ, ಕೆರೆಯು ಗ್ರಾಮದ ಸ್ವತ್ತು. ಅದರ ಸಂರಕ್ಷಣೆ ತಮ್ಮ ಕರ್ತವ್ಯ ಎಂಬ ಭಾನೆ ಜನರಲ್ಲಿ ಸಂಪೂರ್ಣ ನಶಿಸಿಹೋಗಿರುವುದು. ಈ ಸ್ಥಿತಿಗೆ ಕಾರಣ ಬ್ರಿಟಿಷರ ಕಾಲದಲ್ಲಿ ನಮ್ಮ ಗ್ರಾಮ ಆಡಳಿತವನ್ನು ಸರ್ಕಾರ ವಹಿಸಿಕೊಂಡದ್ದು. ಅದೇ ಪದ್ಧತಿ ಇಂದಿಗೂ ಮುಂದುವರಿದಿದೆ. ನಮ್ಮ ಸಲಹೆ: ಈಗಿನ ರಾಜ್ಯ ಪಂಚಾಯಿತಿ ಕಾನೂನನ್ನು ತಿದ್ದುಪಡಿಮಾಡಿ, ಗ್ರಾಮದ ಕೆರೆಗಳನ್ನು ಗ್ರಾಮ ಪಂಚಾಯಿತಿಗೆ ಸಂಪೂರ್ಣವಾಗಿ ವಹಿಸಿ, ಅದರ ಸಂರಕ್ಷಣೆ, ನಿರ್ವಹಣೆ ಗ್ರಾಮಕ್ಕೆ ವರ್ಗಾಯಿಸಿ, ಪ್ರತಿಯೊಂದು ಕೆರೆಗೂ ಒಂದು ಕೆರೆ ಪಂಚಾಯಿತಿಯನ್ನು ರಚಿಸುವುದು.

ಈ ಪುಸ್ತಕದ ಕನ್ನಡ ಅನುವಾದಕರಾದ ಶ್ರೀ ನೀಲತ್ತಹಳ್ಳಿ ಕಸ್ತೂರಿಯವರಿಗೆ ನಮ್ಮ ಅನಂತ ವಂದನೆಗಳು.

ಕೊನೆಯದಾಗಿ ಹಂಪಿ ಕನ್ನಡ ವಿಶ್ವವಿದ್ಯಾಲಯದ ಕುಲಪತಿ ಡಾ. ಎಂ.ಎಂ. ಕಲಬುರ್ಗಿಯವರಿಗೆ ನಮ್ಮ ಕೃತಜ್ಞತೆಗಳನ್ನು ಮಾತಿನಲ್ಲಿ ಹೇಳಿ ಮುಗಿಸಲು ಸಾಧ್ಯವಿಲ್ಲ. ಅವರ ಉಪಕಾರವನ್ನು ನಾವು ಮರೆಯುವ ಹಾಗಿಲ್ಲ. ಇಂಗ್ಲಿಷ್ ಭಾಷೆಯ ನಮ್ಮ ಪುಸ್ತಕ ಎಲ್ಲ ರಾಜ್ಯಗಳಲ್ಲಿಯೂ ಮನ್ನಣೆ ಪಡೆದಿದೆ. ಕರ್ನಾಟಕದಲ್ಲಿ ಕನ್ನಡ ಅನುವಾದವೂ ಅಷ್ಟೇ ಜನಪ್ರಿಯವಾಗುವೆಂದು ಆಶಿಸುತ್ತೇವೆ.

 – ಶ್ರೀ ಜಿ.ಎಸ್. ದೀಕ್ಷಿತ್
ಶ್ರೀ ಎಸ್.ಕೆ. ಮೋಹನ್