ಜಾನಪದ ಪರಂಪರೆಯಲ್ಲಿ ಸಹಸ್ರಾರು ಭಕ್ತರನ್ನು ಒಂದೆಡೆ ಸೇರಿಸಿ ಗೊರವರ ಪವಾಡದ ನುಡಿಗಳನ್ನಾಡುವ ಮೂಲಕ ಏಳುಕೋಟಿ ಏಳುಕೋಟಿ ಚಾಂಗಲೋ ಘೋಷದಲ್ಲೇ ಲಕ್ಷಾಂತರ ಆಸ್ತಿಕರನ್ನು ಒಂದೆಡೆ ಸೇರಿಸುವ ಪವಾಡ ಪರಂಪರೆಯಲ್ಲಿ ಗೊರವರ ಮೈಲಾರಪ್ಪನವರು ಜನಪ್ರಿಯ.
ಕರಿಯ ಕಂಬಳಿ ಅಂಗಿ, ಕೈಯ್ಯಲ್ಲಿ ಕೊಳಲು, ಢಮರುಗ, ತ್ರಿಶೂಲ, ಭಂಡಾರದ ಬಟ್ಟಲು, ದೋಣಿ ಹಿಡಿದ ವಿಶಿಷ್ಟ ಗೊರವರ ವೇಷ ಧರಿಸುವ ಮೈಲಾರಪ್ಪ ತಮ್ಮ ಕಾರಣಿಕ ನುಡಿಗಳ ಮೂಲಕವೇ ಜನಮನ್ನಣೆಗಳಿಸಿದವರು.
ಮೈಲಾರಲಿಂಗೇಶ್ವರ ದೇವರ ಆರಾಧಕರಾದ ಗೊರವರ ಮೈಲಾರಪ್ಪ ದೋಣಿ ಸೇವೆಯಲ್ಲಿ ಕುಣಿದು ಕುಪ್ಪಳಿಸುವ ಮೂಲಕ ಜನಮಾನಸದಲ್ಲಿ ಸ್ಥಾನ ಪಡೆದಿರುವ ಮೈಲಾರಪ್ಪ ಅವರು ಜನಪದ ಪರಂಪರೆಯನ್ನು ಜನಪ್ರಿಯಗೊಳಿಸುವಲ್ಲಿ ಪ್ರಮುಖರು.
