ಗೋಷ್ಠಿ – ೨:ಸಿರಸಂಗಿ ಕಾಳಮ್ಮ(ಕಾಳಮ್ಮನನ್ನು ಪೂಜಿಸುವಾಗ)

ಪುಟ : ೫೬ –೫೭

ಜಯ ಮಂಗಳೋ ನಿತ್ಯ ಸುಬ ಮಂಗಳೊ              || ಪ ||

ಎತ್ತಯೆತ್ತ ನೋಡಿದರೆ ಎಳ್ಳು ಜೀರಿಗೆ ಮಾಳss
ಸುತ್ತಾಲು ನೋಡಿದರೆ ಸಿರಿವೊನ್ನೇ ತೆಂಗಿನ ತೋಪು
ಚಿತ್ತೈಸಿ ನೋಡಿದರು ಕಾಳಮ್ಮಗೇss                          || ೧ ||

ಪಂಚಾಳ ಪ್ರಬಲೋಕ ಕಂಚಿನೊಲಗಿರುವಾ
ಎತ್ತಿದರೈವsರುs ಪಂಚದಾರುತಿಯಾss                     || ೨ ||

ಅರದನಿಗೆ ರೂಪನಿಗೆ ಅಧಿಕಾರಭೈರನಿಗೆ
ಮುದ್ದಿಸಿದರೈದೇರು ಮಾದೇವಿಗೇ                      || ೩ ||

ಎತ್ತಿದರಾರುತಿಯ ಪಂಚಕನ್ನೇರು
ಚನ್ನಪಟ್ಟಣದೊಳಗಿರುವ ಕ್ವಾಟೆ ಕಾಳಮ್ಮಗೇ           || ೪ ||

ಆವೀನ ಆಸೀಗೆ ಚೌಳಾನ ತಲೆದಿಂಬು
ನಾಗಸರ್ಪಾನ ಅರೆದೆಂಟು ಕಾಳಮ್ಮಗೇ                || ೫ ||

ಆಕಾಸ ಆಸೆಮಾಡಿ ಭೂಮೀಗೆ ಮಂತೂಡಿ
ಏಳು ತಲೆ ಸರ್ಪಾನ ಕಡೆಗಣ್ಣಲೊಪ್ಪಿರಲೂ              || ೬ ||

ಕಾಲಿಗುಂಗರದವಳೇ ಊರುತ ಜಾರುತ
ಬಂಗಾರ ನಡವೀಗೆ ಬಳಕೂತss
ಬಂಗಾರ ನಡವೀಗೆ ಬಳಕೂತ ತಳಕೂತ
ಬಂದು ನಿಂತವಳೆ ಕಾಳಮ್ಮ ಕಳಸಾಕೇss
ಬಂದು ನಿಂತವಳೆ ಕಾಳಮ್ಮ ಕಳಸಾಕೇ
ಎತ್ತಿದರೈವಾರು ಪಂಚುದಾರುತಿಯಾss                     || ೭ ||

ಅಣಿಯಲ್ಲಿ ಗಂದಾಯಿಕ್ಕಿ ಎದೆಯಲ್ಲಿ ಜನಿವಾರಧರಿಸಿ
ಅಂಗ ಅಂಗಾಕೆ ಪೂಜೇಯೂ ರಚಿಸೂವ
ರಂಗನಾಥಮ್ಮ ಕಾಳಮ್ಮಗೆ                             || ೮ ||

*          *          *

ಕಾಲಮ್ಮನ ಕರಗ

ಪುಟ . ೮೬

ವೋಗುವಾಗ ಚಿಬ್ಲಲ್ಲಿ ಬರುವಾಗ ಕರಗ್ದಲ್ಲಿ
ವೊರಟ್ಮೇಕ ವೋಳೆಯಲ್ಲಿ | ಕಾಳಮ್ನ
ಗುಡ್ಡಾರು ವೋಗಿ ಕರತನ್ನಿ                              || ೧ ||

ಗುಡ್ಡಾರು ನಿವೋಗಿ ಕರತನ್ನಿ
ಒಡ್ಡು ವಾಲಗದ ಗರತಿಯ | ಕಾಳಮ್ನ
ದೊಡ್ಡ ಬೀದೀಲಿ ಮರೆಯೋಳ                          || ೨ ||

ಕರಗ ಬಿತ್ತದಂತ ಕಾದಿದ್ದ ಬೀದೀಲಿ
ಕರಗ ಬಂದು ಗುಡುಗೋದೊ | ಕಾಳಮ್ಮ
ಕಾದಿದ್ದು ಆರತಿ ಬೆಲಗೀಳೊs                                   || ೩ ||

ಅರತಿ ಬೆಳಗಿ ಆರ್ಬೆರಳು ನೋಯ್ತಾವೆ
ಪಾದಕ್ಕೆ ಬಗ್ಗಿ ನಡುನೋಯ್ತು | ಕಾಳಮ್ಮ
ದೂಪsವ ಬೆಳಗಿ ಬುಜ ನೊಂದೊ                       || ೪ || 

ಕಾಳಮ್ಮನ ನೆಲೆ

ಬಳಗೇರಿ ವಳಗೆ ಗುಡುಗನಾಡುವಳಾರು
ಗುರುಗಂಜಿ ಸೀರೆ ನರಿಯೋಳು | ಕಾಳಮ್ಮ
ಗುಡುಗಾಡಿ ಗುಡಿಗೆ ವೊರಟಾಳು                        || ೫ ||

ಪುಟ : ೮೭

ಗಂಗೆ ತಡಿಯಲ್ಲಿ ಯಾಕ್ನಿಂತೆ ಕಾಳಮ್ಮ
ಸೀತಾಳಗಾನ ಸುಳಿಗಾನ | ಕಾಳಮ್ಮ
ತೋಪೊಳ್ಳೆದಂದು ನೆಲೆಗಂಡ                          || ೬ ||

ಅಳ್ಳಿ ತೋಪ್ನೋಳೆ ಬೆಳ್ಳಿ ಜಡೆಯೋಳೆ
ಅನ್ನೇಡಂಕಣದ ಗುಡಿಯೋಳೆ | ಕಾಳಮ್ಮ
ಚುನ್ನದ ಗೆಜ್ಜೇಲಿ ಬರಗವಳೆ                             || ೭ ||

ಕನಕ ಬಂದಾವೆ ಕಾಣನಲ್ಲೊ ಕಾಳಮ್ನ
ಕಾವಿ ದೋತುರ ಯುಡಿವೊನ್ನ | ಬಂದಾವೆ
ಕಾಣನಲ್ಲ ಕಾಲಮ್ನ ಗುಡಿಯಲ್ಲಿ || ೮ ||

ಅಲಂಕಾರ :

ಸುಂಗಾರವಾದಳೊ ನಡುಬೀದ್ಗೆ ಬಂದಾಳೊ
ಬಂಗ ಬರಸಾವಳೆ ಬಡವೇಯ | ಯಣ್ಮಗಳ
ಪತ್ತಿಗೆ ಎಣ್ಣೆಯ ತರಯೇಳಿ                              || ೯ ||

ಪಿಲ್ಲಿ ಕಾಲಿನವಳೆ ಪಿರಿಯಾ ಪಟ್ಟಣದವಳೆ
ಕಲ್ಮೇಲೆ ಪಾದ ತೊಳಿಯೋಳೆ | ಕಾಳಮ್ಮ
ಪಿಲ್ಲಿ ಸವರಿಗೆ ಬೆಲೆಯೇಳು                              || ೧೦ ||

ಆಲದ ಮರದಡಿಗೆ ಆಕವರೆ ಕುಲಿಮೆsಯ
ಆಲದ ಮರ ಬೆಂದು ಎಲೆಬೆಂದೊ | ಕಾಳಮ್ಮ
ಕಳಸಕ್ಕೆ ಬೆಳ್ಳಿ ಅದಬಂದೊ                             || ೧೧ ||

ಪುಟ : ೮೮

ಅತ್ತಿsಯ ಮರದಡಿಗೆ ಅತ್ತಿಸವರೆ ಕುಲಮೇಯ
ಅತ್ತಿsಯ ಮರ ಬೆಂದು ಎಲೆ ಬೆಂದೊ | ಕಾಳಮ್ಮ
ಲಿಂಗಕ್ಕೆ ಬೆಳ್ಳಿ ಅದ ಬಂದೊ                             || ೧೨ ||

ಬಂಡಿ ಸುಂಗಾರಾಗಿ ಬಂದಾವೆ ಬೀದೀಗೆ
ಕೊಂಬಿsಗೆ ಅನಸು ಕೊರಳೀಗೆ | ಕಿರುಗೆಜ್ಜೆ
ಬಂದಾವೆ ಕಾಳಮ್ಮನ ಗುಡಿ ಬಳಸಿ                     || ೧೩ ||

ಪೂಜೆ :

ಕಲ್‌ಬಾವಿ ಸುತ್ತ ನೆಲ್ಲಕ್ಕಿ ರಂಗೋಲೆ
ಅಲ್ಲಿ ಕಾಳಮ್ಮನಿಗೆ ಸಿವಪೂಜೆ | ಆಯ್ತವೆಂದು
ಬೆಳ್ಳಿಯ ಗಂಟೆ ಡಣಿರೆಂದೂ                             || ೧೪ ||

ಅಳ್ಳಕೊಳ್ಳದ ನೀರು ಬೆಳ್ಳಿಯ ಕೈ ಚಂಬು
ಅಲ್ಲಿ ಕಾಳಮ್ಮಗೆ ಸಿವ ಪೂಜೆ | ಆಯ್ತವೆಂದು
ಕಂಚಿನ ಕಾಳೆ ನುಡಿದಾವೊ                    || ೧೫ ||

ದೊಡ್ಡ ಬೀದಿಯೋಳೆ ಅಡ್ಡ ಚಂದ್ರದೋಳೆ
ದೊಡ್ಡ ಬೀದೀಲಿ ಬರುವೋಳೆ | ಕಾಳಮ್ಮ
ಅಡ್ಡ ಬೀಳೋರ್ಗೆ ಗಡುವಿಲ್ಲ                             || ೧೬ ||

ಸವಾರಿ :

ಏರಿಮ್ಯಾಲೆ ನಿಂತವ್ಳೆ ನೀರಾಳ ನೋಡ್ತವ್ಳೆ
ಏರಿಗು ನೀರಿಗು ಸಮನೆಂದು | ಕಾಳಮ್ಮ
ಏರವ್ಳೆ, ವೊನ್ನ ಕುದುರೇಯ                             || ೧೭ ||

ಪುಟ : ೮೯

ಅರಕೆರೆ ಬನ್ನೂರು ಅಡಕೆ ಇಲ್ಲ ತೆಂಗಿಲ್ಲ
ಮದರಂಗದ ಬಾಳೆ ಮೊದಲಿಲ್ಲ | ಕಾಳಮ್ಮ
ಅಂತು ನೋಡವ್ವ ನಡುತೋಟ                         || ೧೮ ||

ಅಂತು ನೋಡಿದಳು ನಡುತೋಟದೊಳಗಿರುವ
ವೊಂಬಾಳೆಯ ಆಗ ಜಡಿದಾಳೊ                       || ೧೯ ||

ಕೆಂಗುದುರೆ ಮ್ಯಾಲೆ ಬಂದವಳೆ ಕಾಳಮ್ಮ
ಕೆಂಜಾಣೆ ಬೆನ್ನ ಬಡರಿದ್ದ | ಕಾಳಮ್ಮ
ಕೆಂಬಾರ್ದಲ್ಲಿ ಕುದುರೆ ಇಳಿದಳೊ                        || ೨೦ ||

ಹೊಳಗೆ ಹೋಗಿ ಬರುವುದು :

ಪಟ್ಣ ಸೀರೆ ಉಟ್ಟವಳ ವೊಟ್ಟೇಲಿ ಜಿಗಣಿ ತಗದವಳೆ
ಪಟ್ಟಣದೊಳೆಗೋಗಿ ಬರುವಾಗ |  ಕಾಳಮ್ಮ
ಬಟ್ಟೆ ವೊಳುದಾವೊ ಬಿಸುಲೀಗೆ                         || ೨೧ ||

ಕಾವಿಯ ಜೋತರ ಕಾಲಿಗೆ ನೇತರ
ಕಾವೇರಿಗೋಗಿ ಬರುವೋಳೆ | ಕಾಳಮ್ಮ
ಕಾಯೊಡೆದು ಕೈಯ ಮುಗಿದಾರು                      || ೨೨ ||

ಭಕ್ತರ ಸೇವೆ :

ಈಗ ಬಂದವರಾರು ನಿನ್ಪಾದ ತೊಳದವರಾರು
ಬಾಗಿಲಿಗೆ ನೀರು ಆರಿದಾವೆ | ಕಾಳಮ್ಮ
ಬಂದಂತ ಪೂಜೆ ಇಳಿದಾವೆ.                            || ೨೩ ||

ಪುಟ : ೯೦

ರುದ್ರ ಕ್ವಾಪದಿಂದ ಒದ್ದಳಲ್ಲೊ ನಿಲವ
ನುಗ್ಗು ನುರಿಯಾದೊ ವೊಸಕೀಲು | ಕಾಳಮ್ಮ
ಬಗ್ಗಿ ಪಾದಕ್ಕೆ ಸರಣನ್ನಿ

ಒಡೆಯನ ಕುದ್ರೆಗೆ ಒಡೆದವರೆ ತೆಂಗಿನಕಾಯಿ
ಒಡತಿ ಕಾಳಮ್ನ ಮರಿಗುದ್ರೆ | ಪಾದಕ್ಕೆ
ಒಡೆದವರೆ ತೆಂಗಿನ ಎಳಗಾಯಿ

ಬನ್ನಿ ತಾಳಲ್ಲಿರೋಳೆ ಕೊನ್ನಿ ಪಾದಕ್ನೀರ
ನಾನೊಲ್ಲೆ ಮಗಳೆ ಅಸಿವಿಲ್ಲ  | ಕಾಳಮ್ಮ
ಆಲುವೊಳೆಯಲ್ಲಿ ಅಗಲೂಟಿ

ಆಲುವೊಳೆಯಲ್ಲಿ ಅಗಲೂಟಿ ಮಾಡ್ವಾಗ
ಆಲಿsನ ಕೋಡಿ ಅರಿದಾವು