Categories
ರಾಜ್ಯೋತ್ಸವ 2004 ರಾಜ್ಯೋತ್ಸವ ಪ್ರಶಸ್ತಿ ವೈದ್ಯಕೀಯ

ಡಾ. ಎಸ್.ಜಿ. ರಾಮನಾರಾಯಣ್ರಾವ್

ನೇತ್ರ ವೈದ್ಯಕೀಯ ಕ್ಷೇತ್ರದಲ್ಲಿ ಡಾ. ಮೋದಿಯವರ ನಂತರ ಚಿರಪರಿಚಿತವಾದ ಮತ್ತೊಂದು ಹೆಸರೇ ಡಾ. ಎಸ್.ಜಿ. ರಾಮನಾರಾಯಣ್ ರಾವ್ ಅವರು.
ನೇತ್ರ ವೈದ್ಯಕೀಯದಲ್ಲಿ ಇಂಗ್ಲೆಂಡ್ನ ರಾಯಲ್ ಕಾಲೇಜ್ ಆಫ್ ಸರ್ಜನ್ನಿಂದ ಫೆಲೋಶಿಪ್ ಪಡೆದ ನಾಡಿನ ಮೊದಲಿಗರಿವರು. ಮಾಡರ್ನ್ ಕಣ್ಣಿನ ಆಸ್ಪತ್ರೆ ನಿರ್ದೇಶಕರಾಗಿ ಸೇಂಟ್ ಜಾನ್ಸ್ ಮೆಡಿಕಲ್ ಕಾಲೇಜು, ಸೇಂಟ್ ಮಾರ್ಥಾಸ್ ಆಸ್ಪತ್ರೆಗಳಲ್ಲಿ ಮುಖ್ಯ ನೇತ್ರತಜ್ಞರಾಗಿ, ಲಯನ್ಸ್ ಕಣ್ಣಿನ ಆಸ್ಪತ್ರೆಯ ಮುಖ್ಯಸ್ಥರಾಗಿ ನೂರಾರು ಜನ ಅಂಧರನ್ನು ಬೆಳಕಿನ ಲೋಕಕ್ಕೆ ಕರೆತಂದ ವೈದ್ಯ ಬ್ರಹ್ಮರಿವರು. ವೈದ್ಯವಿಜ್ಞಾನದ ಅಭ್ಯಾಸದ ಜೊತೆಗೆ ಅಂಧ ಜನರಲ್ಲಿ ವೈದ್ಯ ಲೋಕದ ತಿಳುವಳಿಕೆ ಮೂಡಿಸುವ ಇವರ ಸೇವೆ ಅಪ್ರತಿಮವಾದುದು. ಈವರೆಗೆ ಹತ್ತು ಸಾವಿರಕ್ಕೂ ಹೆಚ್ಚು ಬಡಜನರಿಗೆ ಶಸ್ತ್ರಚಿಕಿತ್ಸೆ ಮಾಡಿರುವ ಇವರು ವೃತ್ತಿಯನ್ನು ಒಂದು ಸೇವೆಯಾಗಿ ಬಡಜನರ ಸೇವೆಯನ್ನೇ ಒಂದು ಸವಾಲಾಗಿ ಸ್ವೀಕರಿಸಿದ ಅಪರೂಪದ ವೈದ್ಯರು.
ನೇತ್ರ ವೈದ್ಯಕೀಯ ಕ್ಷೇತ್ರದಲ್ಲಿ ನಾಡು ಹೆಮ್ಮೆಪಡುವಂಥ ಸಾಧನೆ ಮಾಡಿದ ಅಪರೂಪದ ನೇತ್ರತಜ್ಞ ಡಾ. ಎಸ್.ಜಿ. ರಾಮನಾರಾಯಣ್ ರಾವ್ ಅವರು.