ತುಳು ಸಾಹಿತ್ಯ ಚರಿತ್ರೆ: ಭಾಷೆ: ತುಳು – ಮಲೆಯಾಳಂ (೨)

೦೪. ಮೂಲ ದ್ರಾವಿಡದ ಪದಾದಿಯ ‘ವ್‌’ ಕಾರ ತುಳುವಿನಲ್ಲಿ ‘ಬ್‌’ ಕಾರವಾಗುತ್ತದೆ.

೦೫. ಮೂಲ ದ್ರಾವಿಡದ ‘ಳ್‌’, ‘ಲ್‌’ ಕಾರಗಳು ತುಳುವಿನಲ್ಲಿ ‘ರ್‌’ ಆಗುತ್ತದೆ.

೦೬. ಮೂಲ ದ್ರಾವಿಡದ ‘ರ್‌’ ತುಳುವಿನಲ್ಲಿ ‘ತ್‌’, ‘ದ್‌’ ಆಗುತ್ತದೆ.

೦೭. ಮೂಲ ದ್ರಾವಿಡದ ಪದಾದಿಯ ‘ಚ್‌’ ತುಳುವಿನಲ್ಲಿ ‘ಕ್‌’ ಆಗುತ್ತದೆ.

೦೮. ಮೂಲ ದ್ರಾವಿಡದ ಪದಾದಿಯ ‘ಕ್‌’ ಕಾರದೊಂದಿಗೆ ‘ಉ’ ಇದ್ದರೆ ತುಳುವಿನಲ್ಲಿ ‘ಓ’ ಆಗುತ್ತದೆ. ಆಗದೆ ಉಳಿದುದೂ ಇದೆ.

೦೯. ಮೂಲ ದ್ರಾವಿಡದ ‘ಉ’, ‘ಊ’ ಗಳು ತುಳುವಿನಲ್ಲಿ ‘ಉ’, ‘ಊ’ ಗಳಾಗಿಯೇ ಉಳಿಯುತ್ತದೆ.

೧೦. ಮೂಲ ದ್ರಾವಿಡದ ‘ಇ’, ‘ಎ’ ಗಳಾಗಿಯೇ ಉಳಿದಿವೆ.

೧೧. ಮೂಲ ದ್ರಾವಿಡದ ‘ಈ’, ‘ಏ’ ಗಳು ‘ಈ’, ‘ಏ’ ಗಳಾಗಿಯೇ ಉಳಿದಿವೆ.

೧೨. ಮೂಲ ದ್ರಾವಿಡದ ‘ಈ’, ‘ಊ’ ಆದುದು ಇದೆ.

೧೩. ಮೂಲ ದ್ರಾವಿಡದ ‘ಎಯ್‌ / ಐ’ ತುಳುವಿನಲ್ಲಿ ‘ಎ’ ಆಗಿದೆ.

೧೪. ಮೂಲ ದ್ರಾವಿಡದ ‘ಆ’ ಧ್ವನಿಮಾ ‘ಏ’ ಆಗಿದೆ.

೧೫. ಮೂಲ ದ್ರಾವಿಡದ ‘ಏ’ ತುಳುವಿನಲ್ಲಿ ‘ಓ’ ಆಗಿದೆ.

೧೬. ಮೂಲ ದ್ರಾವಿಡದ ‘ಎ’ ಧ್ವನಿಮಾ ತುಳುವಿನಲ್ಲಿ ‘ಏ’ ಆಗಿದೆ.

೧೭. ಮೂಲ ದ್ರಾವಿಡದ ‘ಆವ್‌’ ಅಕ್ಷರ (Syllable) ತುಳುವಿನಲ್ಲಿ ‘ಆ’ ಆಗಿದೆ.

೧೮. ಮೂಲ ದ್ರಾವಿಡದ ಪದಾಂತ್ಯಾನುಸ್ವಾರ ಮಲಯಾಳ ಉಳಿಸಿಕೊಂಡಿದೆ, ತುಳು ಕಳಕೊಂಡಿದೆ.

೧೯. ಮೂಲ ದ್ರಾವಿಡದ ಪದದಾದಿಯ ‘ಅ’, ‘ಆ’ ಧ್ವನಿಮಾಗಳು ತುಳುವಿನಲ್ಲಿ ಬದಲಾಗದೆ ಉಳಿದಿವೆ.

೨೦. ಅನುನಾಸಿಕ ಧ್ವನಿಮಾಗಳಾದ ‘ಞ’, ‘ಙ’ಗಳು ತುಳು ಮಲೆಯಾಳಗಳಲ್ಲಿವೆ.

ಈ ಮೇಲೆ ಹೇಳಿದವುಗಳಲ್ಲದೆ ಬೇರೆ ಕೆಲವು ಬದಲಾವಣೆಗಳಾಗಿ ತುಳು ಮಲೆಯಾಳಂ ಭಾಷೆಗಳಲ್ಲಿನ ಜ್ಞಾತಿ ಪದಗಳಾಗಿ ಉಳಿದಿವೆ.

ತುಳು ಮಲೆಯಾಳ ಭಾಷೆಗಳ ಸಂಪರ್ಕದಿಂದ ಪರಸ್ಪರ ಸ್ವೀಕರಿಸಿಕೊಂಡ ಪದಗಳು ತುಳು ನಿಘಂಟುವಿನಲ್ಲಿ ಸೇರಿಕೊಂಡ ಮಲೆಯಾಳಂ ಪದಗಳು:

ಇತ್ಯಾದಿ ಅನೇಕ ಪದಗಳು ಸೇರಿಕೊಂಡಿವೆ. ಅಲ್ಲದೆ ಪಿಕ್ಕಾಸ್‌, ಕೈಕೊಟ್ಟು, ಪಾರೆಂಗಿ, ಕುಂಞತ್ತಿ, ಕಡ್ಪತ್ತಿ, ಮುಟ್ಟಾಳೆ (ಮುಟ್ಟಪ್ಪಾಳೆ), ನೇಜಿ, ಬೋರಿ, ಕರ್ಕ್‌, ಕೊದಂಟಿ, ಉಳಿ, ಬಾಜಿ, ಬಟ್ಟಿ, ಕಾಂಟ್ಯ, ತೋಟೊ, ಬಾಣಬೊಟ್ಟು ಮೊದಲಾದ ಅನೇಕ ಪದಗಳನ್ನು ಸಮಾನವಾಗಿ ನಿತ್ಯ ವ್ಯವಹಾರದ ಮಾತುಗಳಲ್ಲಿ ತುಳು ಮಾತನಾಡುವವರೂ ಮಲೆಯಾಳ ಮಾತನಾಡುವವರೂ ಬಳಸುತ್ತಾರೆ.

ಅಮೃತ ಸೋಮೇಶ್ವರರು ಹೇಳಿರುವ ‘ಮೋಯ ಮಲಯಾಳ – ಕನ್ನಡ ಪದಕೋಶದಲ್ಲಿ’ ತುಳುವಿನಿಂದ ಮೋಯ ಮಲಯಾಳದಲ್ಲಿ ಸ್ವೀಕರಿಸಿದ ಪದಗಳ ಒಂದು ಪಟ್ಟಿ ಹೀಗಿದೆ –

ಇವುಗಳಲ್ಲಿ ಬೋರಿ, ಕಂಡು, ಕೂಂಜಿ, ಅರೆಮಡಲ್‌, ಪೂಜಿ ಕೆಟ್ಟ್‌ನ್ನ, ಅಡರ್‌ಕುಪ್ಪುಳು, ಕುಜಿಲಿ ಇತ್ಯಾದಿ ಪದಗಳನ್ನು ಮಲೆಯಾಳ ಮಾತನಾಡುವ ಇತರ ಸಮುದಾಯದವರೂ ಬಳಸುತ್ತಾರೆ.

‘ಮೋಯ ಮಲಯಾಳ’ ಎಂಬ ತನ್ನ ಪ್ರಬಂಧದಲ್ಲಿ ಎಂ. ರಾಮ ಅವರು ತುಳು ತಿಂಗಳನ್ನು ಅದೇ ರೀತಿಯಲ್ಲಿ ಅಥವಾ ಅಲ್ಪ ಸ್ವಲ್ಪ ಧ್ವನಿಮಾ ವ್ಯತ್ಯಾಸದೊಂದಿಗೆ ಉಪಯೋಗಿಸುತ್ತಾರೆಂದು ಗುರುತಿಸಿದ್ದಾರೆ.

ಮಲೆಯಾಳ ತುಳು ಸಂಬಂಧವನ್ನು ಸೂಚಿಸುವ ಇನ್ನೊಂದು ಪದವೇ ‘ಪೊಲಿ’ ‘ವೃದ್ಧಿ’ ಎಂಬ ಅರ್ಥದಲ್ಲಿ ಕೇರಳದ ಪುರಕ್ಕಳಿಯ ವೇಳೆಯಲ್ಲಿಯೂ ತುಳುನಾಡಿನಲ್ಲಿ ಬತ್ತದೈ ಪೈರು ಕಟಾವು ಮಾಡಿ ತೆನೆಬಡಿದು ಭತ್ತದ ರಾಶಿ ಮಾಡಿ ಅದರ ಸುತ್ತ ಜನ ನಿಂತು ಪೊಲಿ ಹಾಡುತ್ತಾರೆ.

ಅನ್ಯದೇಶಿಯ ಪದಗಳ ಬಳಕೆಯಲ್ಲಿಯೂ ತುಳು ಮಲೆಯಾಳಗಳ ಸಂಬಂಧವನ್ನು ಗುರುತಿಸಿಕೊಳ್ಳಬಹುದು. ಇತರ ದ್ರಾವಿಡ ಭಾಷೆಗಳೆಂಬಂತೆ, ತುಳು ಮಲೆಯಾಳ ಭಾಷೆಗಳನ್ನಾಡುವವರೂ ಅನ್ಯದೇಶೀಯ ಪದಗಳನ್ನು ಬಳಸುತ್ತಾರೆ. ಸಾಮಾನ್ಯವಾಗಿ ಗ್ರೀಕ್‌, ಅರೆಬಿಕ್‌, ಪರ್ಶಿಯನ್‌, ಪೋರ್ಚುಗೀಸ್‌, ಇಂಗ್ಲೀಷ್‌ಮೊದಲಾದ ಅನ್ಯದೇಶೀಯ ಭಾಷೆಗಳ ಪದಗಳೂ ಹಿಂದೂಸ್ಥಾನಿ, ಮರಾಠಿ ಮೊದಲಾದ ದ್ರಾವಿಡೇತರ ಭಾಷೆಗಳ ಪದಗಳೂ ಈ ಭಾಷೆಗಳಲ್ಲಿ ಸೇರಿಕೊಂಡಿವೆ. ಎರಡು ಭಾಷೆಗಳ ಸಮಾನವಾಗಿ ಬಳಕೆಯಾಗುತ್ತಿರುವ ಕೆಲವು ಪದಗಳನ್ನು ಗಮನಿಸಬಹುದು.

ಇತ್ಯಾದಿ ಇನ್ನೂ ಅನೇಕ ಪದಗಳು ಬಳಕೆಯಲ್ಲಿವೆ.

ಮಲೆಯಾಳದಲ್ಲಿ ಹೊಸತಾಗಿ ಉಂಟಾದ ಒಂದು ಪದ ‘ಅಡಿಪ್ಪೊಳಿ’. ಬಹಳ ಚೆನ್ನಾದುದು ಎಂಬ ಅರ್ಥದಲ್ಲಿ ಬೆಳದೆ ಬಂದ ಈ ಪದವು ಕಾಸರಗೋಡು ಭಾಗದ ತುಳುವಿನಲ್ಲೂ ಉಪಯೋಗಿಸಲು ಪ್ರಾರಂಭಿಸಿದ್ದಾರೆ. ಉದಾ: ಅವು ಅಡಿಪೊಳಿ ಸಿನೆಮ. ಹಾಗೇ ತುಳುವಿನಲ್ಲಿ ಹೊಸತಾಗಿ ಬಳಕೆಗೆ ಬಂದ ಒಂದು ಪದ ‘ರಪ್ಪ’ ಎಂಬುದು. ಕೂಡಲೇ, ಅತಿಬೇಗ ಎಂಬ ಅರ್ಥದಲ್ಲಿ ಬಳಕೆಗೆ ಬಂದ ಈ ಪದವನ್ನು ಕಾಸರಗೋಡಿನ ಮಲೆಯಾಳ ಮಾತನಾಡುವವರೂ ಉಪಯೋಗಿಸುತ್ತಾರೆ.

ಉದಾ: ಞಾನ್‌ ಅವುಡೆ ಪೋಯಿಟ್ಟ್‌ ರಪ್ಪ್‌ ಬರ್‌ನ್ನ.
ಯಾನ್‌ ಅವುಳು ಪೋದು ರಪ್ಪ ಬರ್ಪೆ.

ಬಹಳ ಪುರಾತನ ಕಾಲದಿಂದಲೇ ತುಳು ಮಲಯಾಳ ಭಾಷೆಗಳೊಳಗೆ ಆತ್ಮೀಯ ಸಂಬಂಧ ಇತ್ತು ಹಾಗೂ ಇದೆಯೆಂಬುದಕ್ಕೆ ಮೇಲಿನ ಉಲ್ಲೇಖಾಂಶಗಳು ನಿದರ್ಶನಗಳಾಗಬಹುದು.