ತುಳು ಸಾಹಿತ್ಯ ಚರಿತ್ರೆ: ಭಾಷೆ: ತುಳು – ಮೋಯ ಮಲೆಯಾಳ (೨)

ಸಮಯ

ತಿಂಗಳುಗಳು

ಲೋಹಗಳು

ಕ್ರಿಯಾಧಾತುಗಳು

ತದ್ಭವಗಳು

ವಿವಿಧ ವಿಷಯಗಳಿಗೆ ಸಂಬಂಧಿಸಿದ ಸದೃಶ ಶಬ್ಧ ಸಮೂಹಗಳನ್ನು ನೋಡಿದ್ದಾಯಿತು. ಇನ್ನು ನಿರ್ದಿಷ್ಟ ನಿಯಮಗಳಿಗನುಸರಿಸಿ ಧ್ವನಿಮಾ ಪಲ್ಲಟಗೊಳ್ಳುವ ರೀತಿಗಳನ್ನು ಸ್ಥೂಲವಾಗಿ ತಿಳಿದುಕೊಳ್ಳಬಹುದು.

ತುಳುವಿನ ಅನುಸ್ವಾರಾಂತವಲ್ಲದ ಅನೇಕ ಪದಗಳು ಮೋಯ ಮಲೆಯಾಳದಲ್ಲಿ ಅನುಸ್ವಾರಾಂತವಾಗುತ್ತವೆ.

ತುಳುವಿನಲ್ಲಿ ಎ ಕಾರಾಂತವಾದ ಹಲವು ಪದಗಳು ಮೋಯ ಮಲೆಯಾಳದಲ್ಲಿ ಅಕಾರಾಂತವಾಗುತ್ತವೆ:

ಕೇರಳ ಮಲೆಯಾಳದಲ್ಲಿ ೞ (ಳ) ಕಾರಯುಕ್ತ ಪದಗಳು ಮೋಯ ಮಲೆಯಾಳದಲ್ಲಿ ದ ಕಾರಯುಕ್ತವಾಗಿಯೂ ತುಳುವಿನಲ್ಲಿ ರ ಕಾರಯುಕ್ತವಾಗಿಯೂ ಕನ್ನಡದಲ್ಲಿ ಳ ಕಾರಯುಕ್ತವಾಗಿಯೂ ಕಾಣಿಸಿಕೊಳ್ಳುತ್ತವೆ:

ಕುಂಬಳೆ ಕಡೆಯ ಮೋಯ ಮಲೆಯಾಳದಲ್ಲಿ ದ ಕಾರದ ಬದಲು ಯ ಕಾರ ಬರುತ್ತದೆ.
ಉದಾ : ಕೋಯಿ, ಬಾಯ ಮೋಯ ಮಲೆಯಾಳದ ಱ (ರ) ಕಾರಯುಕ್ತ ಪದಗಳು ತುಳುವಿನಲ್ಲಿ ದ ಕಾರಯುಕ್ತವಾಗುತ್ತವೆ:

ತುಳುವಿನ ಸಕಾರಯುಕ್ತ ಕೆಲವು ಮೋಯ ಮಲೆಯಾಳದಲ್ಲಿ ಚಕಾರ ಯುಕ್ತವಾಗುತ್ತವೆ:

ತುಳುವಿನ ಕೆಲವು ಕ ಕಾರಾದಿಯಾದ ಪದಗಳು ಮೋಯ ಮಳೆಯಾಳದಲ್ಲಿ ಚ ಕಾರಾದಿಯಾಗಿ ಮಾರ್ಪಡುತ್ತವೆ:

ಇನ್ನು ಕೆಲವು ತ ಕಾರಾದಿಯಾಗಿ ತುಳು ಪದಗಳು ಮೋಯ ಮಳೆಯಾಳದಲ್ಲಿ ಚ ಕಾರಾದಿಯಾಗಿ ಮಾರ್ಪಡುತ್ತವೆ:

ತುಳುವಿನ ಗ ಕಾರ ಮೋಯ ಮಳೆಯಾಳದಲ್ಲಿ ವ ಕಾರವಾಗಿ ಮಾರ್ಪಡುವುದಕ್ಕೆ ಉದಾಹರಣೆ :

ತುಳುವಿನ ಕೆಲವು ಪದಗಳಲ್ಲಿ ಮೋಯ ಮಳೆಯಾಳವು ನೇರವಾಗಿ ಸ್ವೀಕರಿಸಿ ಏನೊಂದು ವ್ಯತ್ಯಾಸವಿಲ್ಲದೆ ಬಳಸುತ್ತದೆ.

ಕೆಲವು ಅನ್ಯ ಭಾಷೆಗಳ ರೂಪಾಂತರ ಶಬ್ಧಗಳನ್ನು ಎರಡೂ ಆಡುನುಡಿಗಳೂ ಬಳಸುತ್ತವೆ. ಇವುಗಳ ಸ್ವರೂಪ ಹೆಚ್ಚು ಕಡಿಮೆ ಒಂದೇ ರೀತಿಯಲ್ಲಿರುತ್ತದೆ:

ಪರಸ್ಪರ ಸಾದೃಶ್ಯ ಸಂಬಂಧವೇನೂ ಇಲ್ಲದ ಪದಗಳೂ ತುಳು ಮತ್ತು ಮೋಯ ಮಲೆಯಾಳದಲ್ಲಿ ಸಾಕಷ್ಟು ಇವೆ. ಆಯಾ ಭಾಷೆಯ ಸ್ವಂತ ಸೊತ್ತು ಎನ್ನಬಹುದಾದ ಇಂಥ ಪದಗಳು ಭಾಷೆಯ ಅನನ್ಯತೆಯನ್ನೂ ಎರಡು ಭಾಷೆಗಳ ನಡುವಿನ ವ್ಯತ್ಯಾಸವನ್ನೂ ಸೂಚಿಸಲು, ಅಂಶಗಳೂ ಆಗಿವೆ.

ತುಳು ಮತ್ತು ಮೋಯ ಮಲೆಯಾಳದ ಅದೆಷ್ಟೋ ನುಡಿಗಟ್ಟುಗಳಲ್ಲಿ ಪರಸ್ಪರ ಸಾದೃಶ್ಯ ಕಂಡುಬರುತ್ತವೆ.

ಈ ಎರಡು ಆಡುನುಡಿಗಳಲ್ಲಿ ಗಾದೆ ಮಾತುಗಳಲ್ಲೂ ಹೋಲಿಕೆಯನ್ನು ಗಮನಿಸಬಹುದು:

ತು. : ಕೋರಿ ಉಪ್ಪುನಾಗ ಕೊಂರ್ಗು ಮೆಚ್ಚುವಾ?
ಮೋ. ಮ. : ಕೋದಿ ಇರ್ಕುಂಬೊ ಕೊಂರ್ಗು ಮೆಚ್ಚುವಾ?
ಕ. : ಕೋಳಿ ಇರುವಾಗ (ಪಲ್ಯಕ್ಕೆ) ಕೊಕ್ಕರೆ ಮೆಚ್ಚುಗೆಯಾದೀತೆ

ತು. : ಅಂಡೆದ ಬಾಯಿ ಕಟ್ಟೊಲಿ, ದೊಂಡೆದ ಬಾಯಿ ಕಟ್ಟೊಲಿಯಾ?
ಮೋ. ಮ.: ಅಂದಂಡೆ ಹಾಯಿ ಕೆಟ್ಟಂ, ತೊಂಡಂಡೆ ಬಾಯಿ ಕೆಟ್ಟಾವೊ?
ಕ. : ಅಂಡೆಯ ಬಾಯಿ ಕಟ್ಟಬಹುದು, ಗಂಟಲಿನ ಬಾಯಿ ಕಟ್ಟಬಹುದೇ?

ತು. : ಅಂಬಡೆಗ್‌ಅಮೆ ತಪ್ಪೆರೆ ಇಜ್ಜಿ
ಮೋ. ಮ.: ಅಂಜಟಕ್‌ಅಮ ತಪ್ಪೊಂ ಇಲ್ಲ
ಕ. : ಅಮಟೆಗೆ ಸೂತಕ ತಪ್ಪುವಂತಿಲ್ಲ (ಸದಾ ತಾಪತ್ರಯ)

ತು. : ಅಡಿ ತತ್ತ್ಂಡ ಆನೆಲಾ ಮಗುರು
ಮೋ. ಮ.: ಅಡಿ ಮರಿಞ್ಞಿಂಗಿ ಅನೆಯಂ ಮರಿಯುಂ
ಕ. : ಅಡಿ ತಪ್ಪಿದರೆ ಆನೆಯೂ ಮುಗುಚೀತು

ತು. : ಆ ಕಾಡಂಗ್‌ಈ ಮುಜು
ಮೋ. ಮ.: ಆ ಕಾಟ್ಲಿಕ್‌ಈ ಮುಜು
ಕ. : ಆ ಕಾಡಿಗೆ ಈ ಮುಸುವ (ಸರಿಯಾದ ಜೋಡಿ)

ತು. : ಎರ್ಮೆದ ಪುಡು ಕಕ್ಕೆಗ್‌ಎಂಚ ತೆರಿಯು?
ಮೋ. ಮ.: ಎರ್ಮಂಡೆ ಪುಣ್ಣು ಕಾಕಕ್‌ಎಂದರಿಯುಂ?
ಕ. : ಎಮ್ಮೆಯ ಹುಣ್ಣು ಕಾಗೆಗೆ ಹೇಗೆ ತಿಳಿದೀತು?

ತು. : ದೆಂಜಿಲಾ ಇಜ್ಜಿ. ದೆಂಜಿಗ್‌ಪಾಡಿ ಕೈಲಾ ಇಜ್ಜಿ.
ಮೋ. ಮ.: ನಂಡುಂ ಇಲ್ಲ. ನಂಡಿನಿಟ್ಟ ಕೈಯಂ ಇಲ್ಲ
ಕ. : ಏಡಿಯೂ ಇಲ್ಲ. ಏಡಿಗಿಕ್ಕಿದ ಕೈಯೂ ಇಲ್ಲ.

ತು. : ಕುದ್ರೆಗ್‌ದುಂಬು ಕುಡು
ಮೋ. ಮ.: ಕುದ್ರನ್‌ಮುನ್ನು ಕುಡು
ಕ. : ಕುದುರೆಗಿಂತ ಮೊದಲು ಹುರುಳಿ (ಅತಿಸಿದ್ಧತೆ)

ತು. : ಬಿಸಲೆದ ಎಟ್ಟಿ ಓಡೆ ಲಾಗ್ಯು?
ಮೋ. ಮ.: ಚಟ್ಟಿಲಿಟ್ಟ ಇಟ್ಟಿ ವಾಟಕ್ಕ್‌ತುಳ್ಳುಂ?
ಕ. : ಪಾತ್ರೆಯಲ್ಲಿನ ಸಿಗಡಿ ಎಲ್ಲಿಗೆ ಹಾರೀತು? (ನಿರ್ಬಂದಿತ ಸ್ಥಿತಿ)

ತು. : ತೆಳ್ಪು ಆಂಡ ತೆಲ್ಲವು ಮಂದೊ ಆಂಡ ರೊಟ್ಟಿ
ಮೋ. ಮ.: ತೆಳ್ಪು ಆಯೆಂಗಿ ತೆಳ್ಳೊಂ ಮಂದೊ ಆಯೆಂಗಿ ಒರೋಟಿ
ಕ. : ತೆಳುವಾದರೆ ನೀರುದೋಸೆ, ಮಂದವಾದರೆ ರೊಟ್ಟಿ (ಸಂದರ್ಭ ಸಾಧಕತೆ)

ತು. : ಮದಿಪು ದುಂಬು ಮಾಯೆ ಪಿರ
ಮೋ. ಮ.: ಮದಿಪು ಮುನ್ನೆಂ ಮಾಯಾ ಪಿನ್ನೆಂ
ಕ. : (ಜನರ) ನಿರ್ಣಯ ಮೊದಲು, ಮಾಯೆ (ದೈವ) ಮತ್ತೆ.

ದಿಗ್ದರ್ಶನಾರ್ಥವಾಗಿ ಕೆಲವು ಉದಾಹರಣೆಗಳನ್ನು ಕೊಟ್ಟಿದ್ದಾಯಿತು.ಇನ್ನು ಕೆಲವು ನಿಟ್ಟಿನಿಂದ ಪರಿಶೀಲಿಸುವುದು ಸಾಧ್ಯ. ಕೇರಳ ಮತ್ತು ಕನ್ನಡ (ತುಳು) ನಾಡಿನ ಗಡಿಪ್ರದೇಶದ ಭಾಷಾ ಸ್ವರೂಪಗಳ ಅಧ್ಯಯನ ಅನೇಕ ದೃಷ್ಟಿಗಳಿಂದ ಗಮನೀಯವಾಗುತ್ತದೆ. ಆಡುಮಾತುಗಳಲ್ಲಿ ಲಭ್ಯವಿರುವ ಅನೇಕ ವಿಶಿಷ್ಟ ಶಬ್ಧರೂಪಗಳ ಸಹಾಯದಿಂದ ಪೂರ್ವ ದ್ರಾವಿಡ ಭಾಷೆಯ ಕೆಲವೊಂದು ಅಂಶಗಳನ್ನು ಗುರುತಿಸಲು ಸಾಧ್ಯವಾಗಬಹುದು. ಭಾಷೆಗಳ ಅಧ್ಯಯನದ ಇನ್ನೊಂದು ಮುಖ್ಯ ಪ್ರಯೋಜನವೆಂದರೆ, ಇದು ವಿವಿಧ ಮನುಷ್ಯ ಸಮಾಜಗಳ ಮೂಲ ಸಂಬಂಧಗಳ ಬಗೆಗೆ ಬೆಳಕು ಚೆಲ್ಲುತ್ತದೆ. ಇದು ಎಲ್ಲಕ್ಕಿಂತಲೂ ಪ್ರಸ್ತುತವಾದ ವಿಚಾರ.

ನಮ್ಮ ನಾಡಿನ ಸಮೃದ್ಧ ಉಪಭಾಷೆಗಳ ಕಡೆಗೆ ಅಧ್ಯಯನಶೀಲರ ಲಕ್ಷ್ಯ ಹರಿದು ಹೆಚ್ಚಿನ ಸಂಖ್ಯೆಯಲ್ಲಿ ಉಪಭಾಷಾ ಕೋಶಗಳು ಬೆಳಕಿಗೆ ಬರುವಂತಾದರೆ ಭಾಷಾ ಸಾಹಿತ್ಯ, ಸಂಸ್ಕೃತಿಗಳ ವ್ಯಾಸಂಗಾಸಕ್ತರಿಗೆ ಉಪಕಾರವಾದೀತು.

ಆಕರಸೂಚಿ

೧. ಡಾ. ಯು. ಪಿ. ಉಪಾಧ್ಯಾಯ, ೨೦೦೧ ತುಳು ಕೈಪಿಡಿ, ಪ್ರ. : ಕರ್ನಾಟಕ ತುಳು ಸಾಹಿತ್ಯ ಆಕಾಡೇಮಿ, ಮಂಗಳೂರು

೨. ಅಮೃತ ಸೋಮೆಶ್ವರ, ೨೦೦೧ ಮೋಯ ಮಲೆಯಾಳ – ಕನ್ನಡ ಪದಕೋಶ, ಪ್ರ. : ಪ್ರಕೃತಿ ಪ್ರಕಾಶನ ಕೋಟೆಕಾರು, ದ. ಕ.

೩. ಡಾ. ಬಿ. ರಾಮ ಚಂದ್ರರಾವ್‌, ೧೯೮೬ ತುಳು ಭಾಷೆ, ಪ್ರ. : ಐ. ಬಿ. ಎಚ್‌ ಪ್ರಕಾಶನ, ಬೆಂಗಳೂರು.