ದಿನಾಚರಣೆಗಳು:
ಡಾರ್ವಿನ್ ದಿನ
ಮಹಾನ್ ವಿಜ್ಞಾನಿ ಚಾರ್ಲ್ಸ್ ಡಾರ್ವಿನ್ ಅವರ ಜನ್ಮದಿನದ ಸಂದರ್ಭದಲ್ಲಿ ವಿಜ್ನಾನಕ್ಕೆ ಅವರು ನೀಡಿರುವ ಕೊಡುಗೆಯನ್ನು ಸ್ಮರಿಸಲು ಮತ್ತು ವಿಜ್ಞಾನದ ಮಹತ್ವವನ್ನು ಲೋಕದಲ್ಲಿ ಹೆಚ್ಚು ಹೆಚ್ಚು ತಿಳಿಯಪಡಿಸಲು ಫೆಬ್ರವರಿ 12 ದಿನವನ್ನು ಡಾರ್ವಿನ್ ದಿನವನ್ನಾಗಿ ವಿಶ್ವದಾದ್ಯಂತ ಆಚರಿಸಲಾಗುತ್ತಿದೆ.
ಘಟನೆಗಳು:

ವಾಸ್ಕೋ ಡ ಗಾಮ ಭಾರತಕ್ಕೆ ತನ್ನ ಎರಡನೇ ಯಾತ್ರೆಗಾಗಿ ಲಿಸ್ಬನ್ ನಗರದಲ್ಲಿ ತನ್ನ ನೌಕೆಗೆ ಹುಟ್ಟುಹಾಕಿದನು.
ಇಂಗ್ಲೆಂಡಿನ ಸಿಂಹಾಸನವನ್ನು 9 ದಿನಗಳವರೆಗೆ ಹೊಂದಿದ್ದ ಲೇಡಿ ಜೇನ್ ಗ್ರೇ ಅನ್ನು, ಈ ಘಟನೆಯಾದ ಒಂದು ವರ್ಷದ ನಂತರದಲ್ಲಿ ರಾಜದ್ರೋಹದ ಆಪಾದನೆಯ ಮೇರೆಗೆ ಶಿರಃಚೇದನಗೊಳಿಸಲಾಯಿತು.
ಹೇಂಗ್ಜು ಎಂಬ ನಗರವನ್ನು ವಶಪಡಿಸಿಕೊಳ್ಳಲು ಬಂದ 30,000 ಜಪಾನ್ ಸೈನಿಕರ ಸೇನೆಯನ್ನು, ಆ ಪ್ರದೇಶದ ರಕ್ಷಣೆಗೆ ಹೋರಾಡಿದ ಕ್ವಾನ್ ಯಲ್ ಅವರ ನೇತೃತ್ವದ ಕೇವಲ 3,000 ಸೈನಿಕರ ಪಡೆ ಯಶಸ್ವಿಯಾಗಿ ಸೋಲಿಸಿ ಹಿಮ್ಮೆಟ್ಟಿಸಿತು.
ಯೂರೋಪಿನ ಅತ್ಯಂತ ಪ್ರಾಚೀನ ರಂಗಮಂದಿರವಾದ ಇಟಲಿಯ ನೇಪಲ್ಸ್ ನಗರದಲ್ಲಿದ್ದ ‘ಟೀಟ್ರೋ ಡಿ ಸಾನ್ ಕಾರ್ಲೋ’ ಒಪೇರಾ ಹೌಸ್ ಬೆಂಕಿಗಾಹುತಿಯಾಗಿ ನಾಶಗೊಂಡಿತು.
ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್ ಬಳಿಯ ಬಾತ್ರಸ್ಟ್ ಎಂಬಲ್ಲಿ ಚಿನ್ನದ ನಿಕ್ಷೇಪವನ್ನು ಪತ್ತೆಹಚ್ಸಿರುವುದಾಗಿ ಎಡ್ವರ್ಡ್ ಹಾರ್ಗ್ರೇವ್ಸ್ ಪ್ರಕಟಿಸಿದರು.
ಅಮೆರಿಕದ ಮಿಚಿಗನ್ ವಿಶ್ವವಿದ್ಯಾಲಯವು ಪ್ರಾರಂಭಗೊಂಡಿತು.
ನ್ಯೂಜಿಲೆಂಡಿನ ಇಪ್ಪತ್ತನೆಯ ಶತಮಾನದ ಭೀಕರ ನೌಕಾ ಅಪಘಾತ ಸಂಭವಿಸಿತು. ಎಸ್ ಎಸ್ ಪೆಂಗ್ವಿನ್ ಎಂಬ ಅಂತರ್ದ್ವೀಪೀಯ ಹಡಗು ವೆಲ್ಲಿಂಗ್ಟನ್ ಬಂದರಿನ ಸಮೀಪದಲ್ಲಿ ಮುಳುಗಿ ಸ್ಪೋಟಗೊಂಡಿತು.
ವಾಷಿಂಗ್ಟನ್ ನಗರದಲ್ಲಿ ಲಿಂಕನ್ ಮೆಮೋರಿಯಲ್ ಶಂಕುಸ್ಥಾಪನೆ ನೆರವೇರಿತು.
ಪ್ರಸಿದ್ಧ ಪಿಯಾನೋ ವಾದಕ ಜಾರ್ಜ್ ಗೆರ್ಶ್ವಿನ್ ಅವರಿದ್ದ ‘ರಾಪ್ಸೊಡಿ ಇನ್ ಬ್ಲೂ’ ತಂಡವು ‘ಎನ್ ಎಕ್ಸ್ಪೆರಿಮೆಂಟ್ ಇನ್ ಮಾಡರ್ನ್ ಮ್ಯೂಸಿಕ್’ ಎಂಬ ಹೆಸರಿನ ತನ್ನ ಮೊದಲ ಪ್ರದರ್ಶನವನ್ನು ನ್ಯೂಯಾರ್ಕ್ ನಗರದ ಏವೋಲಿಯನ್ ಸಭಾಂಗಣದಲ್ಲಿ ನೀಡಿತು. ಈ ಕಾರ್ಯಕ್ರಮವನ್ನು ಪಾಲ್ ವೈಟ್ಮ್ಯಾನ್ ಅವರ ತಂಡ ಪ್ರಸ್ತುತಪಡಿಸಿದ್ದು, ಜಾರ್ಜ್ ಗೆರ್ಶ್ವಿನ್ ಅವರು ಪಿಯಾನೋ ನುಡಿಸಿದ್ದರು.
ಫೆಬ್ರುವರಿ 5ರಂದು ಚೌರಿ ಚೌರಾದಲ್ಲಿ ಸಂಭವಿಸಿದ ಹಿಂಸಾತ್ಮಕ ಘಟನೆಯಲ್ಲಿ 22 ಪೊಲೀಸರು ಮೃತರಾದದ್ದರಿಂದ, ಅದರಿಂದ ನೊಂದ ಅಹಿಂಸಾ ಪ್ರತಿಪಾದಕರಾದ ಗಾಂಧೀಜಿಯವರು, ಅಸಹಕಾರ ಚಳುವಳಿಯನ್ನು ಹಿಂತೆಗೆದುಕೊಂಡರು.
ಮಹಾತ್ಮ ಗಾಂಧೀಜಿ ಅವರ ಚಿತಾಭಸ್ಮವನ್ನು ಅಲಹಾಬಾದ್ ತ್ರಿವೇಣಿ ಸಂಗಮದಲ್ಲಿ ವಿಸರ್ಜಿಸುವ ಸಲುವಾಗಿ ತೃತೀಯ ದರ್ಜೆಯ ಬೋಗಿ ಸಂಖ್ಯೆ 2949ರಲ್ಲಿ ತರಲಾಯಿತು. ಚಿತಾಭಸ್ಮದಲ್ಲಿ ಸ್ವಲ್ಪ ಭಾಗವನ್ನು ಪರಮಹಂಸ ಯೋಗಾನಂದ ಅವರಿಗೆ ನೀಡಲಾಯಿತು. ಅವರು ಅದನ್ನು ಕ್ಯಾಲಿಫೋರ್ನಿಯಾದ ಗಾಂಧಿ ಶಾಂತಿ ಪ್ರತಿಷ್ಠಾನ ಸ್ಮಾರಕದಲ್ಲಿ ಇರಿಸಿದರು.
ಲಿಯಾನ್ಸ್ ಅವರ ಲಿಯೋ ಗಣಕ ಯಂತ್ರದ ಮೂಲಕ ಸಂಬಳದ ಪಟ್ಟಿ ತಯಾರಿಸಲಾಯಿತು. ಚರಿತ್ರೆಯಲ್ಲಿ ಇದೇ ಮೊಟ್ಟಮೊದಲ ಬಾರಿಗೆ ಕಂಪ್ಯೂಟರ್ ಅನ್ನು ವಾಣಿಜ್ಯ ಉದ್ದೇಶಗಳಿಗಾಗಿ ಬಳಸಲಾಯಿತು.
ಸೋವಿಯತ್ ಒಕ್ಕೂಟವು ಶುಕ್ರಗ್ರಹದೆಡೆಗೆ ‘ವೆನೆರಾ 1’ ಉಪಗ್ರಹವನ್ನು ಕಳುಹಿಸಿತು.
ಸೋವಿಯತ್ ಒಕ್ಕೂಟವು ತನ್ನ ಪ್ರಜೆ ನೊಬೆಲ್ ಪುರಸ್ಕೃತ ಸಾಹಿತಿ ಅಲೆಕ್ಸಾಂಡರ್ ಸೋಲ್ ಸೆನಿಸ್ಟನ್ ಅವರನ್ನು ಗಡಿಪಾರು ಮಾಡಿತು. ಇವರು ಸೋವಿಯತ್ ಯೂನಿಯನ್ ಮತ್ತು ಕಂಮ್ಯೂನಿಸಮ್ಮಿನ ಟೀಕಾಕಾರರಾಗಿದ್ದರು.
ಪಾಕಿಸ್ತಾನದ ಲಾಹೋರಿಲ್ಲಿ ಮಿಲಿಟರಿ ಸರ್ವಾಧಿಕಾರಿಯಾದ ಜಿಯಾ ಉಲ್ ಹಕ್ ಹೊರಡಿಸಿದ್ದ ಮಹಿಳೆಯರ ಪ್ರಮಾಣಿಕೆಯನ್ನು ಅಸಮಾನ ದೃಷ್ಟಿಯಿಂದ ಕಾಣುವ ‘ಲಾ ಆಫ್ ಎವಿಡೆನ್ಸ್’ ಅನ್ನು ವಿರೋಧಿಸಿ ನೂರು ಜನ ಮಹಿಳೆಯರು ಪ್ರತಿಭಟನೆ ನಡೆಸಿದರು. ಈ ಮಹಿಳೆಯರ ಪ್ರತಿಭಟನೆಯನ್ನು ಬಗ್ಗುಬಡಿಯಲು ಅಶ್ರುವಾಯು, ಲಾಠಿ ಪ್ರಹಾರಗಳನ್ನು ನಡೆಸಿ, ಪ್ರತಿಭಟಿಸಿದ ಮಹಿಳೆಯರಿಗೆ ಕಾರಾಗ್ರಹ ವಾಸವನ್ನೂ ವಿಧಿಸಲಾಯಿತು. ಕಡೆಗೆ ಈ ಪ್ರತಿಭಟನಾಕಾರರು ಕಾನೂನಿನ ಅನ್ಯಾಯವನ್ನು ಅಳಿಸುವುದರಲ್ಲಿ ಯಶಸ್ವಿಯಾದರು.
ನಾರ್ವೆಯ ನ್ಯಾಷನಲ್ ಗ್ಯಾಲರಿಯ ಬೀಗ ಮುರಿದು ಒಳನುಗ್ಗಿದ ಕಳ್ಳರು ಎಡ್ವರ್ಡ್ ಮಂಚ್ ಅವರ ಪ್ರಸಿದ್ಧ ವರ್ಣಚಿತ್ರವಾದ ‘ದಿ ಸ್ಕ್ರೀಮ್’ ಅನ್ನು ಅಪಹರಿಸಿದರು.
ನಿಯರ್ ಶೂಮೇಕರ್ ಬಾಹ್ಯಾಕಾಶ ವಾಹನವು ‘433 ಎರೋಸ್’ ಎಂಬ ಆಸ್ಟರಾಯ್ಡ್’ನ ತಡಿಯನ್ನು ಮುಟ್ಟಿ, ಹೀಗೆ ಆಸ್ಟರಾಯ್ಡ್ ಸ್ಪರ್ಶಿಸಿದ ಪ್ರಥಮ ಬಾಹ್ಯಾಕಾಶ ವಾಹನವೆಂಬ ಕೀರ್ತಿಗೆ ಪಾತ್ರವಾಯಿತು.
ಸ್ಯಾನ್ ಫ್ರಾನ್ಸಿಸ್ಕೋ ನಗರವು ಅಲ್ಲಿನ ಮೇಯರ್ ಗಾವಿನ್ ನ್ಯೂಸಂ ಅವರ ಆದೇಶದ ಮೇರೆಗೆ ಸಲಿಂಗ ವಿವಾಹಿತರಿಗೆ ಪರವಾನಿಗಿ ನೀಡಲು ಪ್ರಾರಂಭಿಸಿತು.
ಮುಂಬೈನ ಸಂಕಲ್ಪ ಹೋಟೆಲ್ ಸಮೂಹವು 30 ಅಡಿ ಉದ್ದದ ದೋಸೆ ತಯಾರಿಸುವ ಮೂಲಕ ಗಿನ್ನೆಸ್ ದಾಖಲೆ ಮಾಡಿತು. ಈ ಹಿಂದೆ ಇದು 25 ಅಡಿ ಉದ್ದದ ದೋಸೆಯ ದಾಖಲೆ ನಿರ್ಮಿಸಿತ್ತು.
ಆಂಧ್ರ ಪ್ರದೇಶದ ವಿಜಯವಾಡ ಸಮೀಪದ ಕೊಂಡಪಲ್ಲಿ ಗ್ರಾಮದಲ್ಲಿ ತಯಾರಾಗುವ ಸಾಂಪ್ರದಾಯಿಕ ಶೈಲಿಯ ಮರದ ಬೊಂಬೆಗಳಿಗೆ ಜಿಐ (ಜಿಯಾಗ್ರಾಫಿಕಲ್ ಇಂಡಿಕೇಟರ್) ಮಾನ್ಯತಾ ಪ್ರಮಾಣ ಪತ್ರವನ್ನು ಚೆನ್ನೈನ ಪೇಟೆಂಟ್ ಕಚೇರಿಯು ನೀಡಿತು. ಇದರಿಂದಾಗಿ ಕೊಂಡಪಲ್ಲಿಯ ಬೊಂಬೆಗಳಿಗೆ ವಿಶ್ವಮಾನ್ಯತೆ ಲಭಿಸುವುದರ ಜೊತೆಗೆ ಈ ವಿನ್ಯಾಸಕ್ಕೆ ಈ ಗ್ರಾಮದ ಕುಶಲಕರ್ಮಿಗಳಿಗೆ ಪೇಟೆಂಟ್ ಕೂಡಾ ಲಭಿಸಿತು.
ಬೆಂಗಳೂರಿನ 80 ವರ್ಷಗಳಷ್ಟು ಹಳೆಯದಾದ ಎಂಟಿಆರ್ ಫುಡ್ಸ್ ಕಂಪೆನಿಯನ್ನು ನಾರ್ವೆಯ ಓರ್ ಕ್ಲಾ ಕಂಪೆನಿಯು 100 ದಶಲಕ್ಷ ಡಾಲರ್ ಕೊಟ್ಟು ಖರೀದಿಸಿದೆ ಎಂಬ ಸುದ್ದಿಯನ್ನು ಹಾಂಕಾಂಗಿನ ಫೈನಾನ್ಸ್ ಏಷ್ಯಾ ಡಾಟ್ ಕಾಂ ವೆಬ್ ಸೈಟ್ ಪ್ರಕಟಿಸಿತು.
ಬೋಸ್ಟನ್ ನಗರದಲ್ಲಿರುವ ಹಾರ್ವರ್ಡ್ ವಿಶ್ವವಿದ್ಯಾಲದಕ್ಕೆ, ದಕ್ಷಿಣ ಅಮೆರಿಕದ ಖ್ಯಾತ ಇತಿಹಾಸ ತಜ್ಞೆ ಡ್ರ್ಯೂ ಗಿಲ್ ಪಿನ್ ಫೌಸ್ಟ್ ಅವರು ಅಧ್ಯಕ್ಷರಾಗಿ ಆಯ್ಕೆಗೊಂಡಿದ್ದಾರೆ. 1636ರಲ್ಲಿ ಪ್ರಾರಂಭಗೊಂಡ ಈ ವಿಶ್ವವಿದ್ಯಾಲಯಕ್ಕೆ ಮಹಿಳೆಯೊಬ್ಬರು ಅಧ್ಯಕ್ಷರಾಗುತ್ತಿರುವುದು ಇದೇ ಮೊದಲು.
ವಿಶ್ವವಿದ್ಯಾಲಯ ಧನಸಹಾಯ ಆಯೋಗದ ಅಧ್ಯಕ್ಷ ಡಾ. ಸುಖದೇವ್ ಥೋರಟ್, ಕರ್ನಾಟಕ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆ ಗೀತಾ ನಾಗಭೂಷಣ, ಗುಲ್ಬರ್ಗದ ಕೈಗಾರಿಕೋದ್ಯಮಿ ಗಳಂಗಳಪ್ಪ ಪಾಟೀಲ, ಖಾಜಾ ಬಂದಾ ನವಾಜ್ ದರ್ಗಾದ ಸಜ್ಜಾದಾ ನಶೀನ್ ಹಾಗೂ ಖಾಜಾ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರಾದ ಡಾ. ಸೈಯದ್ ಶಾ ಖುಸ್ರೋ ಹುಸೇನಿ ಹಾಗೂ ಬೀದರಿನ ಚೆನ್ನಬಸಪ್ಪ ಹಾಲಹಳ್ಳಿ ಅವರನ್ನು ಗುಲ್ಬರ್ಗ ವಿಶ್ವ ವಿದ್ಯಾಲಯವು 2008ರ ಸಾಲಿನ ಗೌರವ ಡಾಕ್ಟರೇಟ್ ಪದವಿಗೆ ಆಯ್ಕೆ ಮಾಡಿತು.
ಆಕ್ಸ್ ಫರ್ಡ್ ವಿಶ್ವವಿದ್ಯಾಲಯವು ತನ್ನ ಹಳೆಯ ವಿದ್ಯಾರ್ಥಿ ಹಾಗೂ ಯೋಜನಾ ಆಯೋಗದ ಉಪಾಧ್ಯಕ್ಷ ಮೊಂಟೆಕ್ ಸಿಂಗ್ ಅಹ್ಲುವಾಲಿಯಾ ಅವರಿಗೆ ಜೂನ್ 18ರಂದು ಗೌರವ ಡಾಕ್ಟರೇಟ್ ಪ್ರದಾನ ಮಾಡಲು ನಿರ್ಧರಿಸಿತು.
2008ರ ಜುಲೈ 1ರಿಂದ ಜಾರಿಗೆ ಬರುವಂತೆ ರಾಜ್ಯದ ಎಲ್ಲ ಅಧಿಸೂಚಿತ ಸಾರಿಗೆ ವಾಹನಗಳಿಗೆ ವೇಗ ನಿಯಂತ್ರಕವನ್ನು ಕಡ್ಡಾಯ ಮಾಡಿ ಹೈಕೋರ್ಟ್ ಆದೇಶ ನೀಡಿತು.
ಬಾಹ್ಯಾಕಾಶ ಇತಿಹಾಸದಲ್ಲಿ ಇದೇ ಪ್ರಥಮ ಬಾರಿಗೆ ಎರಡು ಬೃಹತ್ ಉಪಗ್ರಹಗಳು ಪರಸ್ಪರ ಡಿಕ್ಕಿ ಹೊಡೆದು, ವಿಜ್ಞಾನಿಗಳಲ್ಲಿ ಭಾರಿ ಅಚ್ಚರಿಗೆ ಕಾರಣವಾದವು. ಅಮೆರಿಕದ ಖಾಸಗಿ ಒಡೆತನದ ಸಂಪರ್ಕ ಉಪಗ್ರಹ ಇರಿಡಿಯಂ 33 (1,235 ಪೌಂಡ್) ರಷ್ಯದ ಸೇನಾ ಉದ್ದೇಶದ ಕಾಸ್‌ಮಾಸ್ 2,251 ಉಪಗ್ರಹಕ್ಕೆ ಅಪ್ಪಳಿಸಿತು.

ಜನನ:
ಆಧುನಿಕ ಜೀವವಿಜ್ಞಾನಕ್ಕೆ ಬುನಾದಿ ಒದಗಿಸಿದ ಮಹಾನ್ ವಿಜ್ಞಾನಿ ಚಾರ್ಲ್ಸ್ ಡಾರ್ವಿನ್ ಅವರು ಇಂಗ್ಲೆಂಡಿನ ಶ್ರೋಪ್ಸ್ ಹೈರ್ ಬಳಿಯ ಶ್ರೂಸ್ಬರಿ ಎಂಬಲ್ಲಿ ಜನಿಸಿದರು. “ನಿಸರ್ಗವು ಗುಣಗಳನ್ನು ಗುರಿಯಿಲ್ಲದೆ ನೀಡುತ್ತದೆ ಮತ್ತು ಪರಿಸರದ ಪರಿಸ್ಥಿತಿಗಳು ಈ ಗುಣಗಳಲ್ಲಿ ಉತ್ತಮವಾದವುಗಳನ್ನು ಆರಿಸುತ್ತದೆ. ಈ ರೀತಿಯಲ್ಲಿ ಹೊಸ ಜೀವಿಗಳು ಹುಟ್ಟುತ್ತವೆ” ಎಂದು ಅವರು ತಮ್ಮ ಸಂಶೋಧನೆಗಳಿಂದ ಮನವರಿಕೆ ಮಾಡಿಕೊಂಡರು. ಅವರ ಈ ನೈಸರ್ಗಿಕ ಆಯ್ಕೆ ಸಿದ್ಧಾಂತವು ಜೀವಶಾಸ್ತ್ರದ ಬುನಾದಿಯೆಂದು ವಿಜ್ಞಾನ ಲೋಕ ಒಪ್ಪಿಕೊಂಡಿತು. ಬ್ರಿಟನ್ನಿನ ಅತ್ಯಂತ ಶ್ರೇಷ್ಠ ವೈಜ್ಞಾನಿಕ ಪ್ರಶಸ್ತಿಯಾದ ರಾಯಲ್ ಸೊಸೈಟಿಯ ಕೋಪ್ಲೆ ಪದಕ ಅವರಿಗೆ ಸಂದಿತ್ತು.
ಅಬ್ರಹಾಂ ಲಿಂಕನ್ ಅವರು ಅಮೆರಿಕದ ಕೆಂಟಕಿಯ ಬಳಿಯ ಹಾಡ್ಗೆನ್ ವಿಲ್ಲೆ ಎಂಬಲ್ಲಿ ಜನಿಸಿದರು. ಮಾರ್ಚ್ 1861ರಿಂದ ಎಪ್ರಿಲ್ 1865ರಲ್ಲಿ ಹತ್ಯೆಯಾಗುವವರೆಗೆ ಅಮೆರಿಕದ ಅಧ್ಯಕ್ಷರಾಗಿದ್ದ ಅವರು ದೇಶದ ಆಂತರಿಕ ಕ್ರಾಂತಿಯ ಪರೀಕ್ಷೆಯ ಕಾಲದಲ್ಲಿ ಸಮರ್ಥವಾಗಿ ಆಡಳಿತ ನಡೆಸಿ ದೇಶದ ಸಮಗ್ರತೆಯನ್ನು ಕಾಯ್ದುಕೊಳ್ಳುವುದರ ಜೊತೆಗೆ, ಗುಲಾಮಗಿರಿಯನ್ನು ಹೋಗಲಾಡಿಸಿ, ದೇಶದ ಗಣರಾಜ್ಯ ಸ್ವರೂಪವನ್ನು ಹೆಚ್ಚು ಶಕ್ತಿಯುತಗೊಳಿಸಿ, ಆರ್ಥಿಕ ಸ್ಥಿತಿಯನ್ನು ಆಧುನಿಕಗೊಳಿಸಿದರು.
ಸ್ವಾಮಿ ದಯಾನಂದ ಸರಸ್ವತಿ ಅವರು ಗುಜರಾತಿನ ತಂಕರ ಎಂಬಲ್ಲಿ ಜನಿಸಿದರು. ಹಿಂದೂ ಸಮಾಜವನ್ನು ವೇದ ಕಾಲದ ಮೌಲ್ಯಗಳ ಬೆಳಕಿನಲ್ಲಿ ಆಧುನಿಕಗೊಳಿಸಿ, ಭಾರತೀಯರಲ್ಲಿ ಧರ್ಮದ ಆಚರಣೆಯ ಹೆಸರಿನಲ್ಲಿ ತುಂಬಿಕೊಂಡಿದ್ದ ಮೌಢ್ಯ ಗಳನ್ನು ಕಿತ್ತೊಗೆಯಲು ಶ್ರಮಿಸಿದರು. ಭಾರತೀಯರಿಗೆ ‘ಸ್ವರಾಜ್ಯ’ ಎಂಬುದನ್ನು ಮೊಟ್ಟಮೊದಲ ಬಾರಿಗೆ ಘೋಷಿಸಿದವರು ಕೂಡಾ ಇವರೇ. ಮುಂದೆ ಬಂದ ಅನೇಕ ಸ್ವಾತಂತ್ರ್ಯ ಹೋರಾಟಗಾರರು ಮತ್ತು ಸಮಾಜ ಸೇವಕರಿಗೆ ಗುರು ಮತ್ತು ಪ್ರೇರಣೆಯಾದ ಇವರು 1883ರ ಅಕ್ಟೋಬರ್ 30ರಂದು ಅಜ್ಮೀರದಲ್ಲಿ ನಿಧನರಾದರು.
ಟಿಬೆಟ್ಟಿನ ಬೌದ್ಧ ಧರ್ಮಗುರು 13ನೆಯ ದಲೈ ಲಾಮ ಜನಿಸಿದರು.
ರೆನಾಲ್ಟ್ ಸಹ ಸಂಸ್ಥಾಪಕ ಲೂಯಿಸ್ ರೆನಾಲ್ಟ್ ಪ್ಯಾರಿಸ್ ನಗರದಲ್ಲಿ ಜನಿಸಿದರು.
ಅಮೆರಿಕದ ಭೌತಶಾಸ್ತ್ರಜ್ಞ ಜೂಲಿಯನ್ ಸ್ಕ್ವಿಂಗರ್ ಅವರು ನ್ಯೂಯಾರ್ಕ್ ನಗರದಲ್ಲಿ ಜನಿಸಿದರು. ಥಿಯರಿ ಆಫ್ ಕ್ವಾಂಟಮ್ ಎಲೆಕ್ಟ್ರೋ ಡೈನಮಿಕ್ಸ್ ಗಾಗಿ ಅವರಿಗೆ 1965 ವರ್ಷದ ಭೌತ ಶಾಸ್ತ್ರದ ನೊಬೆಲ್ ಪುರಸ್ಕಾರ ಸಂದಿತು.
ಪ್ರೊ. ಎ. ಆರ್. ಕೃಷ್ಣಶಾಸ್ತ್ರಿ ಅವರು ಚಿಕ್ಕಮಗಳೂರು ಜಿಲ್ಲೆಯ ಅಂಬಳೆಯಲ್ಲಿ ಜನಿಸಿದರು. ಕೃಷ್ಣಶಾಸ್ತ್ರಿಗಳು ಸೆಂಟ್ರಲ್ ಕಾಲೇಜಿನಲ್ಲಿ ‘ಪ್ರಬುದ್ಧ ಕರ್ನಾಟಕ’ವನ್ನು ಪ್ರಾರಂಭಿಸಿದರಲ್ಲದೆ, ಕರ್ನಾಟಕದ ಎಲ್ಲ ಕನ್ನಡ ಸಂಘಗಳಿಗೆ ಪ್ರೇರಕವಾದ ‘ಕರ್ನಾಟಕ ಸಂಘ’ವನ್ನು ಸ್ಥಾಪಿಸಿದರು. 1968ರಲ್ಲಿ ನಿಧನರಾದ ಇವರಿಗೆ ಮೈಸೂರು ವಿಶ್ವವಿದ್ಯಾಲಯದ ಗೌರವ ಡಾಕ್ಟರೇಟ್, ಸಾಹಿತ್ಯ ಸಮ್ಮೇಳನಾಧ್ಯಕ್ಷತೆ, ಕೇಂದ್ರ ಸಾಹಿತ್ಯ ಅಕಾಡೆಮಿ ಗೌರವ ಮುಂತಾದ ಅನೇಕ ಗೌರವಗಳು ಅವರಿಗೆ ಸಂದಿದ್ದವು.
ಚಿತ್ರ ಕಲಾವಿದ ವಿ.ಟಿ. ಕಾಳೆ ಅವರು ಬಾಗಲಕೋಟೆ ಜಿಲ್ಲೆಯ ಹುನಗುಂದದಲ್ಲಿ ಜನಿಸಿದರು. ಮುಂಬೈನ ಜೆ.ಜೆ. ಶಾಲೆಯ ಪದವಿ ಪಡೆದು ಮಹತ್ವದ ಸಾಧನೆ ಮಾಡಿರುವ ಇವರಿಗೆ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಯೂ ಸೇರಿದಂತೆ ಅನೇಕ ಗೌರವಗಳು ಸಂದಿವೆ. ಇವರು ಕರ್ನಾಟಕ ಲಲಿತ ಕಲಾ ಅಕಾಡೆಮಿಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದಾರೆ.
ಸಾಹಿತಿ ವೈದೇಹಿ ಅವರು ಕುಂದಾಪುರದಲ್ಲಿ ಜನಿಸಿದರು. ಸಾಹಿತ್ಯ ಪ್ರಕಾರದ ಎಲ್ಲ ಶಾಖೆಗಳಲ್ಲೂ ಮಹತ್ವದ ಬರವಣಿಗೆ ಮಾಡಿರುವ ಇವರಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿ ಗೌರವ, ರಾಜ್ಯ ಸಾಹಿತ್ಯ ಅಕಾಡೆಮಿ ಗೌರವ ಸೇರಿದಂತೆ ಅನೇಕ ಗೌರವಗಳು ಸಂದಿವೆ.
ಗುಂಡಪ್ಪ ರಂಗನಾಥ ವಿಶ್ವನಾಥ್ ಅವರು ಭದ್ರಾವತಿಯಲ್ಲಿ ಜನಿಸಿದರು. ಅವರು ಒಟ್ಟು 13 ಶತಕಗಳನ್ನು ಸಿಡಿಸಿದ್ದು, ಅವರು ಶತಕ ಸಿಡಿಸಿದ್ದ ಒಂದೂ ಪಂದ್ಯದಲ್ಲಿ ಭಾರತ ಸೋತಿಲ್ಲ. ಅವರು ಆಡಿದ 15 ವರ್ಷಗಳಲ್ಲಿ 91 ಪಂದ್ಯಗಳನ್ನು ಮಾತ್ರಾ ಆಡಿದ್ದು ಅವುಗಳಲ್ಲಿ ಒಟ್ಟು 6080ರನ್ನುಗಳನ್ನು ಕೂಡಿಹಾಕಿದ್ದರು. ವಿಶ್ವನಾಥರು ಆಡುತ್ತಿದ್ದ ಸೊಗಸಿನ ಆಟದಲ್ಲಿ ಅವರ ಸ್ಕ್ವೇರ್ ಕಟ್ ಮೋಹಕತೆಗೆ ಕ್ರಿಕೆಟ್ ಯುಗದಲ್ಲಿ ಬಹಳ ಪ್ರಸಿದ್ಧಿ ಇರುವುದರ ಜೊತೆಗೆ ಅವರ ಶ್ರೇಷ್ಠ ಕ್ರೀಡಾ ಮನೋಭಾವಕ್ಕೆ ಕೂಡಾ ತುಂಬಾ ಗೌರವವಿದೆ.
ಅಮೆರಿಕದ ಪ್ರಸಿದ್ಧ ವಿಡಿಯೋ ಆಟ ತಯಾರಿಕಾ ಸಂಸ್ಥೆ ‘ಬಾಸ್ ಕೀ ಪ್ರೊಡಕ್ಷನ್’ ಸ್ಥಾಪಕರಾದ ಕ್ಲಿಫ್ ಬ್ಲೆಸ್ಸಿನ್ ಸ್ಕಿ ಅವರು ಮಸಾಚುಸೆಟ್ಸ್ ಬಳಿಯ ನಾರ್ತ್ ಆಂಡೋವರ್ ಎಂಬಲ್ಲಿ ಜನಿಸಿದರು. ಎಪಿಕ್ ಗೇಮ್ಸ್ ಸಂಸ್ಥೆಯಲ್ಲಿ ನಿರ್ದೇಶಕರಾಗಿ ಮತ್ತು ತಮ್ಮ ಬಾಸ್ ಕೀ ಪ್ರೊಡಕ್ಷನ್ ಸ್ಥಾಪಕರಾಗಿ ಅಲ್ಲದೆ, ಅವರು ಅನ್ ರಿಯಲ್ ಫ್ರಾಂಚೈಸ್, ಅನ್ ರಿಯಲ್ ಟೂರ್ನಮೆಂಟ್ ಮತ್ತು ಗೇರ್ಸ್ ಆಫ್ ವಾರ್ ಫ್ರಾಂಚೈಸ್ ಮುಂತಾದ ನಿರ್ಮಾಣಗಳಲ್ಲಿ ನಿರ್ವಹಿಸಿದ ಪಾತ್ರಗಳಿಗೂ ಪ್ರಸಿದ್ಧರಾಗಿದ್ದಾರೆ.

ನಿಧನ:
ಜರ್ಮನಿಯ ಪ್ರಸಿದ್ಧ ಚಿತ್ರಕಾರ ಅಲ್ಬ್ರೆಕ್ಟ್ ಆಲ್ಟ್ ಡೋರ್ಫರ್ ನಿಧನರಾದರು.
ಈಜಿಪ್ಟಿನ ಶಿಕ್ಷಕ, ‘ಮುಸ್ಲಿಂ ಬ್ರದರ್ ಹುಡ್’ ಸಂಘಟನೆಯ ಸ್ಥಾಪಕ ಹಸನ್ ಅಲ್-ಬನ್ನ ನಿಧನರಾದರು. ಅವರು ಸ್ಥಾಪಿಸಿದ ಈ ಸಂಸ್ಥೆ ರಾಜಕೀಯಕ್ಕೊಂದು ಮಾದರಿ ಮತ್ತು ಧರ್ಮಾರ್ತ ಕಾರ್ಯಗಳ ಉದ್ದೇಶಕ್ಕಾಗಿ ಎಲ್ಲ ಇಸ್ಲಾಂ ದೇಶಗಳಲ್ಲಿ ಗೌರವ ಪಡೆದಿತ್ತಾದರೂ, ಮುಂದೆ ಬಂದ ವರ್ಷಗಳಲ್ಲಿ ಬಹಳಷ್ಟು ಕಡೆಗಳಲ್ಲಿ ಈ ಸಂಘಟನೆ ಉಗ್ರಗಾಮಿ ಚಟುವಟಿಕೆಗಳ ಸ್ವರೂಪ ಪಡೆದ ಕಾರಣ ಹಲವಾರು ಇಸ್ಲಾಂ ಆಚರಣೆಯ ದೇಶಗಳನ್ನೂ ಒಳಗೊಂಡಂತೆ ನಿಷೇಧಕ್ಕೊಳಗಾಗಿದೆ.
ವಿಶ್ವದ ಎಲ್ಲೆಡೆ ಪ್ರಕಟಗೊಂಡು ಜನಪ್ರಿಯವಾಗಿರುವ ‘ಪೀನಟ್’ ಕಾಮಿಕ್ ಸೃಷ್ಟಿಕರ್ತ ಚಾರ್ಲ್ಸ್ ಎಂ. ಶುಲ್ಜ್ ಅವರು ಕ್ಯಾಲಿಫೋರ್ನಿಯಾ ಬಳಿಯ ಸ್ಯಾಂಟ ರೋಸಾ ಎಂಬಲ್ಲಿ ನಿಧನರಾದರು.
ಅಮೆರಿಕದ ನ್ಯೂಯಾರ್ಕಿನಲ್ಲಿ ಉಂಟಾದ ಕೊಲ್ಗಾನ್ ಏರ್ ಫ್ಲೈಟ್ 3407 ದುರಂತದಲ್ಲಿ ಅಮೆರಿಕದ ಇತಿಹಾಸಜ್ಞ ಆಲಿಸನ್ ಡೆಸ್ ಫೋರ್ಜಸ್, ಸಂಘಟನೆಕಾರ ಬೆವರ್ಲಿ ಎಕರ್ಟ್, ಡಚ್ ಅಕಾರ್ಡಿಯನ್ ವಾದಕ ಮ್ಯಾಟ್ ಮಾಥ್ಯೂಸ್, ಅಮೆರಿಕದ ಗಿಟಾರ್ ವಾದಕ ಕೊಲೆಮನ್ ಮೆಲ್ಲೆಟ್ ಮತ್ತು ಅಮೆರಿಕದ ಸ್ಯಾಕ್ಸಾಫೋನ್ ವಾಡ ಗೆರಿ ನೀವುಡ್ ಸೇರಿದಂತೆ ಆ ವಿಮಾನದಲ್ಲಿ ಪಯಣಿಸುತ್ತಿದ್ದವರೆಲ್ಲ ಮೃತರಾದರು.