ಮರಗಳ ಪರಿಚಯ ಒಂದು ಕೈಪಿಡಿ – ಭಾಗ ೨: 2. ಅಧಿಕಾರ : ಲೇಖಕರು : ಸಿ. ಡಿ. ಪಾಟೀಲ

ನಾವು ಸಸ್ಯದ ವೈಜ್ಞಾನಿಕ ಹೆಸರಿನ ಕೊನೆಯಲ್ಲಿ Linn, DC, Roxb ಎಂದು ಬರೆಯುತ್ತೇವೆ. ಆ ಮೂರನೆಯ ಹೆಸರು, ಆ ಸಸ್ಯದ ನಿಯೋಜಿತ ಅಧಿಕಾರವನ್ನು ಪಡೆದ ಅಧಿಕಾರಿಯ ಹೆಸರು. ಸಾಮಾನ್ಯವಾಗಿ ಆ ಕಾರ್ಯಕರ್ತನ ಹೆಸರನ್ನು ಸಸ್ಯದ ಹೆಸರಿನ ಮುಂಭಾಗದಲ್ಲಿ ಒಂದು ನಿರ್ಧಿಷ್ಟ ಸಂಕೇತಾಕ್ಷರದಿಂದ ಸೂಚಿಸುತ್ತಾರೆ.

ಉದಾ : ಗುಲಗಂಜಿ (Abrus precatorius Linn.), ಸೀಗೆ (Acacia concinna DC.), ಬೆಳ್ಳುಳ್ಳಿ (Allium sativum Linn.), ಹೆಸರು (Phaseolus aurens Roxb.) ಇತ್ಯಾದಿ.

ಇಲ್ಲಿ `Linn’ ಎಂಬುದು ಲಿನೆಯಸ್ ಎಂಬವನ, DC. ಎಂಬುದು Casimir de Candolle ಎಂಬವನ ಹಾಗೂ Roxb. ಎಂಬುದು Roxburgh ಎಂಬವನ ಸಂಕೇತಾಕ್ಷರವಾಗಿದ್ದು ಅದು ಆ ಸಸ್ಯವನ್ನು ಕುರಿತ ಲೇಖನ ಅಥವಾ ಹೆಸರಿನ ಮೇಲೆ ಅವನಿಗಿರುವ ಹಕ್ಕನ್ನು (copyright) ಸೂಚಿಸುತ್ತದೆ.

ಸಸ್ಯದ ನಿಯೋಜಿತ ಅಧಿಕಾರವನ್ನು ಪಡೆದ ಅಧಿಕಾರಿಗಳು