ಮರೆಮ್ಮ ಬಸಣ್ಣ ಶಿರವಾಟ

ಪುರಾಣ ಪುಣ್ಯಕಥೆಗಳನ್ನು ಹಾಗೂ ಐತಿಹಾಸಿಕ ಮಹತ್ವದ ಪ್ರಜಾನಾಯಕರ ಬದುಕಿನ ಕಥೆಗಳನ್ನು ಶಕ್ತಿಶಾಲಿ ಜನಪದ ಮಾಧ್ಯಮವಾದ ಬುರಕಥಾ ಮೂಲಕ ಪ್ರಸ್ತುತ ಪಡಿಸುತ್ತ ಐದು ದಶಕಗಳನ್ನು ಸವೆಸಿರುವ ಮರೆಮ್ಮ ಬಸಣ್ಣ ಶಿರವಾಟಿ ಅವರು ಪ್ರಸಿದ್ಧ ಬುರಕಥಾ
ಕಲಾವಿದರು.
ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ಜನದನಿಯಾದ ಬುರಕಥೆಯನ್ನು ಜನತೆಯ ನಡುವೆ ಹರಡಿಸುತ್ತ, ಜನಸ್ತೋಮವನ್ನು ಸೆಳೆದಿರುವ ಮಾರಿಯಮ್ಮನವರು, ಕರ್ನಾಟಕ ಹಾಗೂ ತೆಲಂಗಾಣ ಪ್ರಾಂತ್ಯಗಳಲ್ಲಿ ಬಹು ಜನಪ್ರಿಯ ಹಾಡುಗಾರ್ತಿ.
ನೆನಪಿನ ಶಕ್ತಿಯಿಂದಲೇ ೭೦ಕ್ಕೂ ಹೆಚ್ಚು ಪ್ರಸಂಗಗಳನ್ನು ಹಾಡುವ ಮರೆಮ್ಮ ಅವರ ಸಿರಿಕಂಠದಿಂದ ಕಥೆಗಳನ್ನು ಜನರಿಗೆ ಮುಟ್ಟಿಸುವ ಪ್ರತಿಭಾವಂತೆ. ಈಕೆ ಇಳಿವಯಸ್ಸಿನಲ್ಲಿಯೂ ಶಿಷ್ಯ ಪರಂಪರೆಯ ಮೂಲಕ ತನ್ನ ತಂಡದೊಡನೆ ಬುರಕಥಾ ಪ್ರಕಾರವನ್ನು ಜೀವಂತವಾಗಿಟ್ಟಿರುವ ಕಲಾವಿದೆಯಾಗಿದ್ದು, ಈಕೆಯ ಬಗ್ಗೆ ಪಿ.ಎಚ್.ಡಿ. ಸಂಶೋಧನೆ ಸಹ ನಡೆದಿರುವುದು ಉಲ್ಲೇಖನಾರ್ಹ.