ಜನನ : ೧-೮-೧೯೫೦ ನಗರ ಶಿವಮೊಗ್ಗಾ ಜಿಲ್ಲೆ

ಮನೆತನ : ಸಂಗೀತಗಾರರ ಮನೆತನ. ಮಗಳು ಅರ್ಚನಾ ಉಡುಪ ಪ್ರಸಿದ್ಧ ಗಾಯಕಿ

ಗುರುಪರಂಪರೆ : ಆರಂಭದಲ್ಲಿ ಬಾಲಕೃಷ್ಣ ಅವರಲ್ಲಿ ಪ್ರಾಥಮಿಕ ಶಿಕ್ಷಣ. ಮುಂದೆ ಪಂ. ಶಿವರಾಜ ಗವಾಯಿಗಳ ಬಳಿ ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ ಕಲಿಕೆ. ಶಿವಮೊಗ್ಗ ಸುಬ್ಬಣ್ಣ, ಕೆ.ಎಸ್.ನಿಸ್ಸಾರ್ ಅಹಮದ್, ಸಾ. ಶಿ.ಮರುಳಯ್ಯ ಇವರ ಪ್ರೋತ್ಸಾಹ ಸುಗಮ ಸಂಗೀತ ಕ್ಷೇತ್ರದ ಅಭ್ಯುದಯಕ್ಕೆ ಪ್ರೇರಕ. ಮೈಸೂರು ಅನಂತಸ್ವಾಮಿ ಅವರಲ್ಲೂ ಮಾರ್ಗದರ್ಶನ.

ಸಾಧನೆ : ಕಾಲೇಜು ದಿನಗಳಲ್ಲಿ ಆಕಾಶವಾಣಿ ಯುವವಾಣಿ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳುವ ಮೂಲಕ ಸುಗಮ ಸಂಗೀತ ಕ್ಷೇತ್ರಕ್ಕೆ ಪಾದಾರ್ಪಣೆ. ಆಕಾಶವಾಣಿ ’ಬಿ’ ಹೈ ಶ್ರೇಣಿ ಕಲಾವಿದರು. ದೂರದರ್ಶನ ಕೇಂದ್ರದಲ್ಲೂ- ಖಾಸಗಿ ಜಾಲಗಳಾದ ಈ ಟಿವಿ ಕನ್ನಡ, ಉದಯ ಕೇಂದ್ರಗಳಿಂದಲೂ ಇವರ ಕಾರ್ಯಕ್ರಮ ಪ್ರಸಾರವಾಗುತ್ತಿದೆ. ರಾಜ್ಯಾದಾದ್ಯಂತವೇ ಅಲ್ಲದೆ, ಹೊರ ರಾಜ್ಯಗಳಲ್ಲೂ ತಮ್ಮ ಗಾನಸುಧೆ ಹರಿಸಿದ್ದಾರೆ. ಅಲ್ಲದೆ ಸ್ಪಿರಿಟ್ ಆಫ್ ಯೂನಿಟಿ ಕನ್ಸರ್ಟ್‌‌ನಲ್ಲಿ ಸುಗಮ ಸಂಗೀತ ನಡೆಸಿಕೊಟ್ಟ ಹೆಗ್ಗಳಿಕೆ. ಸಂಗೀತ ಸಂಯೋಜನೆಯನ್ನು ಮಾಡಿರುತ್ತಾರೆ. ಕರ್ನಾಟಕ ಸುಗಮ ಸಂಗೀತ ಪರಿಷತ್ತಿನ ಖಜಾಂಚಿಯಾಗಿ ಸೇವೆ.

ಪ್ರಶಸ್ತಿ – ಸನ್ಮಾನ : ಅನೇಕ ಸಂಘ ಸಂಸ್ಥೆಗಳಿಂದ ಗೌರವಿಸಿ ಸನ್ಮಾನಿಸಲ್ಪಟ್ಟಿದ್ದಾರೆ. ೨೦೦೪-೦೫ರ ಸಾಲಿನ ಕರ್ನಾಟಕ ಸಂಗೀತ ನೃತ್ಯ ಅಕಾಡೆಮಿಯ ವಾರ್ಷಿಕ ಪ್ರಶಸ್ತಿ ಸಹ ಇವರಿಗೆ ಸಂದಿದೆ.