ಶ್ರೀಮತಿ ಮಧುರಾ ಛತ್ರಪತಿ

ಪ್ರಸಿದ್ಧ ವಾಣಿಜ್ಯೋದ್ಯಮಿ, ಅನೇಕ ಸಂಸ್ಥೆಗಳ ಸಂಸ್ಥಾಪಕರು ಹಾಗೂ ಅಧ್ಯಕ್ಷೆ ಶ್ರೀಮತಿ ಮಧುರಾ ಎಂ. ಛತ್ರಪತಿ ಅವರು.
ಬೆಂಗಳೂರು ವಿಶ್ವವಿದ್ಯಾಲಯದಿಂದ ಬಿ.ಎಸ್ಸಿ, ಪದವಿ, ಪತ್ರಿಕೋದ್ಯಮದಲ್ಲಿ ಸ್ನಾತಕೋತ್ತರ ಪದವಿ, ಸಿಎಫ್ಟಿಆರ್ಐನಿಂದ ಆಹಾರ ತಂತ್ರಜ್ಞಾನದಲ್ಲಿ ಸ್ನಾತಕೋತ್ತರ ತರಬೇತಿ ಪಡೆದಿರುವವರು ಶ್ರೀಮತಿ ಮಧುರಾ ಎಂ. ಛತ್ರಪತಿ ಅವರು.
ಫುಡ್ ಅಸೋಸಿಯೇಷನ್ನಲ್ಲಿ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿಯಾಗಿರುವ ಶ್ರೀಮತಿ ಮಧುರಾ ಎಂ. ಛತ್ರಪತಿ ಅವರು ಆಹಾರ ತಂತ್ರಜ್ಞೆ ಮಹಿಳಾ ಹೋರಾಟಗಾರ್ತಿ, ಪತ್ರಿಕೋದ್ಯಮಿ, ವಿವಿಧ ಬ್ಯಾಂಕುಗಳ ಆಡಳಿತ ಮಂಡಳಿಯ ಸದಸ್ಯೆ, ಹಾಗೂ ಜಿಲ್ಲಾ ರೋಟರಿಯ ಮಹಿಳಾ ಗವರ್ನರ್. ರಾಜ್ಯಾದ್ಯಂತ ಹಲವಾರು ಮಹಿಳಾ ಉದ್ದಿಮೆದಾರರನ್ನು ರೂಪಿಸಿದ ರೂವಾರಿ. ಫುಡ್ ಅಸೋಸಿಯೇಟ್ಸ್ ಆಹಾರ ಉತ್ಪಾದನೆಯ ಪ್ರಮುಖ ಸಂಸ್ಥೆಯಾಗಿದ್ದು, ವಿವಿಧ ದೇಶಗಳಿಗೆ ಹುಣಸೇಹಣ್ಣಿನ ಪುಡಿಯನ್ನು ರಫ್ತು ಮಾಡುತ್ತಿದೆ. ಕೊಲ್ಲಾಪುರದ ಚಪ್ಪಲಿಗಳಲ್ಲಿ ಜಾಗತಿಕ ಟೆಲಿಹೋಲ್ಡ್ ಚಪ್ಪಲಿಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದವರು ಶ್ರೀಮತಿ ಮಧುರಾ ಛತ್ರಪತಿಯವರೇ.
ಶ್ರೀಮತಿ ಮಧುರಾ ಎಂ.ಛತ್ರಪತಿ ಅವರ ಪರಿಶ್ರಮವನ್ನು ಗುರುತಿಸಿ ಬೆಂಗಳೂರು ಮಹಾನಗರ ಪಾಲಿಕೆ ಹಾಗೂ ಇನ್ನಿತರ ಸಂಸ್ಥೆಗಳು ಪ್ರಶಸ್ತಿ ಪುರಸ್ಕಾರಗಳನ್ನು ನೀಡಿವೆ. ತಂತ್ರಜ್ಞಾನ ಕಾರ್ಯಾಗಾರಗಳನ್ನು ಏರ್ಪಡಿಸುವ ಮೂಲಕ ಭಾರಿ ಉದ್ದಿಮೆದಾರರನ್ನು ರೂಪಿಸುತ್ತಿರುವವರು ಶ್ರೀಮತಿ ಮಧುರಾ ಛತ್ರಪತಿ ಅವರು.