Categories
ಜಾನಪದ ರಾಜ್ಯೋತ್ಸವ 2018 ರಾಜ್ಯೋತ್ಸವ ಪ್ರಶಸ್ತಿ

ಶ್ರೀ ಗುರುವ ಕೊರಗ

ಕರಾವಳಿ ಕರ್ನಾಟಕದ ಕೊರಗ ಪರಂಪರೆಯ ಕಲೆಯನ್ನು ಉಳಿಸಿ ಬೆಳೆಸಿದ ಪ್ರಮುಖರು ಗುರುವ ಕೊರಗ, ಕಡ್ಡಾಯಿ ನುಡಿಸುವುದರ ಮೂಲಕ ಆದಿಮ ಸಂಸ್ಕೃತಿಯ ಅನನ್ಯತೆಯನ್ನು ಪರಿಚಯಿಸಿದ ಕಲಾವಿದರು.
ಕರಾವಳಿಯ ಗುಡ್ಡೆಯಂಗಡಿಯವರಾದ ಗುರುವ ಅವರು ಕೊರಗ ಬುಡಕಟ್ಟು ಸಮುದಾಯಕ್ಕೆ ಸೇರಿದವರು. ಸಹಳ, ಸಜ್ಜನ ವ್ಯಕ್ತಿತ್ವದ ಅವರು ಕಲಾರಂಗಕ್ಕೆ ಪಾದಾರ್ಪಣೆ ಮಾಡಿದ್ದು ೧೨ನೇ ವಯಸ್ಸಿನಲ್ಲಿ. ಎಳವೆಯಲ್ಲೇ ಡೋಲು ಬಾರಿಸುವುದು ಮತ್ತು ಬುಟ್ಟಿ ಹಣೆಯುವ ಕಾಯಕದಲ್ಲಿ ತೊಡಗಿಸಿಕೊಂಡವರು. ಸಾಂಪ್ರದಾಯಿಕ ಡೋಲು ಬಾರಿಸುವಿಕೆಯಲ್ಲಿ ಅಪ್ರತಿಮ ಪ್ರತಿಭೆ ಅವರದ್ದು. ಡೋಲು ಸಂಸ್ಕೃತಿಯ ಉಳಿವಿಗೆ ಅಹರ್ನಿಶಿ ಶ್ರಮಿಸಿದವರು. ೧೦೨ರ ವಯಸ್ಸಿನಲ್ಲೂ ಕಲಾಸೇವೆ ನಿರಂತರವಾಗಿದ್ದು ಗುರುವ ಕೊರಗ ಅವರ ಕಲಾನೈಪುಣ್ಯತೆಗೆ ಹಲವು ಗೌರವ-ಸನ್ಮಾನಗಳು ಸಂದಿವೆ.