ಶ್ರೀ ದೇವರಾಜ ಸರ್ಕಾ

ಶಿಕ್ಷಣ ಕ್ಷೇತ್ರದ ಪ್ರಗತಿಗಾಗಿ ತಾವೇ ಒಂದು ಪ್ರಯೋಗಾಲಯವಾಗಿ ದುಡಿದ ಅದ್ಭುತ ಶಿಕ್ಷಣ ತಜ್ಞ ಎಚ್.ಬಿ. ದೇವರಾಜ ಸರ್ಕಾ.
೧೯೨೯ರಲ್ಲಿ ಹಾಸನದಲ್ಲಿ ಜನಿಸಿದ ಶ್ರೀಯುತರು ಹಂತ ಹಂತವಾಗಿ ಶಿಕ್ಷಣ ಕ್ಷೇತ್ರದಲ್ಲಿ ಮೇಲೇರಿ ಪೋಸ್ಟ್ ಡಾಕ್ಟೋರಲ್ವರೆಗೆ ತಮ್ಮ ಶಿಕ್ಷಣವನ್ನು ವಿಸ್ತರಿಸಿದರು. ೧೯೫೦ರಲ್ಲಿ ಜೀವಶಾಸ್ತ್ರ ಅಧ್ಯಾಪಕನಾಗಿ ವೃತ್ತಿ ಬದುಕನ್ನು ಆರಂಭಿಸಿ ೧೯೯೩ರವರೆಗೆ ಪ್ರಾಣಿಶಾಸ್ತ್ರ ಅಧ್ಯಾಪಕ, ಪ್ರವಾಚಕ, ಮುಖ್ಯಸ್ಥರಾಗಿ, ಸಂದರ್ಶಕ ಪ್ರಾಧ್ಯಾಪಕರಾಗಿ, ಡೀನ್ ಆಗಿ ಯು.ಜಿ.ಸಿ. ಎಮರೇಟಸ್ ಫೆಲೋ ಆಗಿ ಮೈಸೂರು, ಕೊಮೇನಿಯನ್, ಜಪಾನ್, ಸಿಂಗಪೂರ್, ಅಹಮದಾಬಾದ್, ವಿಶ್ವವಿದ್ಯಾಲಯಗಳಲ್ಲಿ ಸುದೀರ್ಘ ಸೇವೆ ಸಲ್ಲಿಸಿದ ಸರ್ಕಾರ್ ಅವರು ವಿಜ್ಞಾನ ಸಂಸ್ಥೆಗಳ ಸದಸ್ಯರಾಗಿ, ವಿಜ್ಞಾನ ಪತ್ರಿಕೆಗಳ ಸಂಪಾದಕರಾಗಿ, ವಿಜ್ಞಾನ ಪಠ್ಯಪುಸ್ತಕ ಸಮಿತಿ ಸದಸ್ಯರಾಗಿ ವಿಜ್ಞಾನ ಶಿಬಿರಗಳ ಸಂಘಟಕರಾಗಿ, ಸಂಶೋಧಕರಾಗಿಯೂ ದುಡಿದ ಮೇಧಾವಿ, ಜೀವಶಾಸ್ತ್ರ, ಪ್ರಾಣಿಶಾಸ್ತ್ರದ ಕುರಿತು ಇಪ್ಪತ್ತಕ್ಕೂ ಹೆಚ್ಚು ಕೃತಿಗಳನ್ನು ಪ್ರಕಟಿಸಿರುವ ಶ್ರೀ ಎಚ್.ಬಿ. ದೇವರಾಜ ಸರ್ಕಾರ್ ಅವರು ಕನ್ನಡ ನಾಡಿನ ಹೆಮ್ಮೆಯ ಶಿಕ್ಷಣ ತಜ್ಞರು.