ಅಮೆರಿಕದ ಪ್ರತಿಷ್ಠಿತ ಸಿಲಿಕಾನ್ ವ್ಯಾಲಿಯಲ್ಲಿ ಕಳೆದ ಒಂದೂವರೆ ದಶಕದಿಂದ ನೆಲೆಸಿ ಅಮೆರಿಕದ ಕಂಪ್ಯೂಟರ್ ಇತಿಹಾಸದಲ್ಲಿ ಮೊಟ್ಟ ಮೊದಲ ಬಾರಿಗೆ ಥಂಡರ್ ಅನ್ನುವ ಅತಿ ಹೆಚ್ಚು ವೇಗದ ಸೂಪರ್ ಕಂಪ್ಯೂಟರನ್ನು ಕಂಡುಹಿಡಿದ ಅನಿವಾಸಿ ಭಾರತೀಯ ಶ್ರೀ ಬಿ.ಜೆ. ಅರುಣ್ ಅವರು.
ಬೆಂಗಳೂರು ವಿಶ್ವವಿದ್ಯಾಲಯದ ಕಂಪ್ಯೂಟರ್ ವಿಜ್ಞಾನದಲ್ಲಿ ಪದವಿ ಪಡೆದಿರುವ ಶ್ರೀಯುತರು ತಾಂತ್ರಿಕ ಕಂಪ್ಯೂಟರ್ ಉದ್ದಿಮೆಯಲ್ಲಿ ೨೦ ವರ್ಷಗಳ ಅನುಭವ ಹೊಂದಿದ್ದಾರೆ. ಕ್ಯಾಲಿಫೋರ್ನಿಯಾ ಡಿಜಿಟಲ್ನಲ್ಲಿ ಸಹಸ್ಥಾಪಕರಾಗಿ ಕಂಪನಿಯನ್ನು ಲಾಭದಾಯಕವಾಗಿ ಮುನ್ನಡೆಸಿದವರು. ಬೈನ್ ಚಾರ್ಟರ್ ಸದಸ್ಯರಾಗಿರುವ ಶ್ರೀ ಬಿ.ಜೆ.ಅರುಣ್ ಪ್ರಸಕ್ತ ಇಚಿಡೆಲ್ ಕಾರ್ಪೊರೇಷನ್ಸ್ನ ಪ್ರೀಮಿಯರ್ ಪ್ರೊವೈಡರ್ ನ ಸಲಹಾ ಮಂಡಳಿಯ ಸದಸ್ಯರು.
ಶ್ರೀ ಬಿ.ಜೆ. ಅರುಣ್ ಅವರ ಸಾಧನೆಯನ್ನು ಅಮೆರಿಕದ ಪತ್ರಿಕೆಗಳು ಮುಕ್ತಕಂಠದಿಂದ ಪ್ರಶಂಸಿಸಿವೆ. ಅನಿವಾಸಿ ಭಾರತೀಯನೊಬ್ಬನು ಎರಡನೆಯ ಅತಿ ವೇಗದ ಕಂಪ್ಯೂಟರನ್ನು ಅಭಿವೃದ್ಧಿಪಡಿಸಿರುವುದು ವಿಶ್ವದ ತಾಂತ್ರಿಕ ಕ್ಷೇತ್ರದಲ್ಲಿ ಅದ್ಭುತ ಸಾಧನೆಯಾಗಿದ್ದು, ಇದು ಕರ್ನಾಟಕದ ಹೆಮ್ಮೆಯಾಗಿದೆ. ಕರ್ನಾಟಕಕ್ಕೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿಯನ್ನು ತಂದುಕೊಟ್ಟವರು ಶ್ರೀ ಬಿ.ಜೆ. ಅರುಣ್ ಅವರು.
Categories
