ಹನೀಫಾ ಎಂ.ಶೇಖ್

ಕಲಬುರ್ಗಿ ಜಿಲ್ಲೆಯವರಾದ ಹನೀಫಾ ಶೇಖ್ ಜಾನಪದ, ತತ್ವಪದ ಹಾಗೂ ವಚನಗಳ ಹಾಡುಗಾರಿಕೆಗೆ ಪ್ರಸಿದ್ದರು. ಬಾಲ್ಯದಲ್ಲಿ ಹತ್ತು ವರ್ಷಗಳ ಕಾಲ ಸಂಗೀತಾಭ್ಯಾಸ ಮಾಡಿ ನಂತರ ಹಿಂದೂಸ್ಥಾನಿ ಗುರುಗಳಲ್ಲಿಯೂ ಕಲಿತ ಹನೀಫಾ ಅವರು ಜಾನಪದ ಗೀತೆಗಳ ಗಾಯನ ಕಾಯಕವನ್ನು ಆಯ್ಕೆ ಮಾಡಿಕೊಂಡರು.
ಮೂರು ದಶಕಗಳಿಂದ ಜನಪದ ಕಲೆಯನ್ನು ಬದುಕಾಗಿಸಿಕೊಂಡಿರುವ ಈ ಕಲಾವಿದೆ ಸಾಮಾಜಿಕ ಪಿಡುಗುಗಳ ಬಗ್ಗೆ ಜನರಿಗೆ ಅರಿವು ಮೂಡಿಸುವ ಹಾಡುಗಳನ್ನು ಹಳ್ಳಿಗಾಡಿನಲ್ಲಿ ಹಾಡುವ ಪರಿಪಾಠವಿಟ್ಟುಕೊಂಡಿದ್ದಾರೆ.
ಜಾನಪದ ಕೋಗಿಲೆ ಎಂದೇ ಖ್ಯಾತರಾಗಿರುವ ಹನೀಫಾ ಶೇಖ್ ಅವರಿಗೆ ಅನೇಕ ಸಂಘ-ಸಂಸ್ಥೆಗಳು ಪ್ರಶಸ್ತಿ ಗೌರವಗಳನ್ನಿತ್ತು ಗೌರವಿಸಿದೆ.