ಪ್ರಮುಖಘಟನಾವಳಿಗಳು:
ಕ್ರಿಸ್ತ ಪೂರ್ವ 46: ಥಾಪ್ಸಸ್ ಕದನದಲ್ಲಿ ಜೂಲಿಯಸ್ ಸೀಸರನು ಕ್ಯಾಸಿಲಿಯಸ್ ಮೆಟೆಲ್ಲಸ್ ಸ್ಕಿಪಿಯೋ ಮತ್ತು ಮಾರ್ಕಸ್ ಪೋರ್ಷಿಯಸ್ ಕ್ಯಾಟೋ ಅವರನ್ನು ಸೋಲಿಸಿದ.
1808: ಜಾಕಬ್ ಆಸ್ಟರ್ ‘ಅಮೆರಿಕನ್ ಫರ್ ಸಂಸ್ಥೆ’ ಸ್ಥಾಪಿಸಿದರು. ಈ ತುಪ್ಪಳದ ಉದ್ಯಮದ ಯಶಸ್ಸಿನ ಮುಖೇನ ಇವರು ಅಮೆರಿಕದ ಪ್ರಪ್ರಥಮ ಮಿಲಿಯನೇರ್ ಎನಿಸಿದರು.
1861: ಪ್ರಖ್ಯಾತ ಸಂಗೀತ ಸಂಯೋಜಕ ಆರ್ಥರ್ ಸುಲ್ಲಿವಾನ್ ಅವರ ಚೊಚ್ಚಲ ಸಂಯೋಜನೆ ‘ದಿ ಟೆಂಪೆಸ್ಟ್’ ನೆರವೇರಿತು. ಮುಂದೆ ಇವರ ಗಿಲ್ಬರ್ಟ್ ಅಂಡ್ ಸುಲ್ಲಿವಾನ್ ಒಪೇರಾ ಬಹಳ ಜನಪ್ರಿಯಗೊಂಡಿತು.
1869: ಸೆಲ್ಯೂಲಾಯ್ಡಿಗೆ ಪೇಟೆಂಟ್ ನೀಡಲಾಯಿತು
1895: ಆಸ್ಕರ್ ವೈಲ್ಡ್ ಅವರು ಮಾರ್ಕೆಸ್ ಆಫ್ ಕ್ವೀನ್ಬೆರ್ರಿ ಅವರ ವಿರುದ್ಧ ಕಾನೂನು ಸಮರದಲ್ಲಿ ಹಿನ್ನೆಡೆ ಅನುಭವಿಸಿ ಕಾಡೋಗನ್ ಹೋಟೆಲಿನಲ್ಲಿ ಬಂಧಿತರಾದರು.
1896: ಆಧುನಿಕ ಕಾಲದ ಮೊತ್ತ ಮೊದಲ ಒಲಿಂಪಿಕ್ಸ್ ಕ್ರೀಡೆಗಳು ಅಥೆನ್ಸಿನಲ್ಲಿ ಆರಂಭಗೊಂಡವು. 1572 ವರ್ಷಗಳ ಹಿಂದೆ ರೋಮನ್ ಚಕ್ರವರ್ತಿ ಥಿಯೋಡಿಯಸ್ ಒಲಿಂಪಿಕ್ಸ್ ಕ್ರೀಡೆಗಳ ಮೇಲೆ ನಿಷೇದ ಹೇರಿದ ನಂತರದಲ್ಲಿ ಇದೇ ಪ್ರಥಮ ಬಾರಿಗೆ ಈ ಕ್ರೀಡೆಗಳು ಆರಂಭಗೊಂಡವು. ಅಮೆರಿಕದ ಜೇಮ್ಸ್ ಕೊನ್ನೋಲಿ ಮೊದಲ ಒಲಿಂಪಿಕ್ಸ್ ಚಾಂಪಿಯನ್ ಎನ್ನಿಸಿಕೊಂಡರು.
1909:ಅಮೆರಿಕನ್ ಅನ್ವೇಷಕರಾದ ರಾಬರ್ಟ್ ಪೀರಿ ಮತ್ತು ಮ್ಯಾಥ್ಯೂ ಹೆನ್ಸನ್ ಉತ್ತರ ಧ್ರುವವನ್ನು ತಲುಪಿದರು.
1917: ಅಮೆರಿಕವು ಜರ್ಮನಿಯ ವಿರುದ್ಧ ಯುದ್ಧವನ್ನು ಸಾರುವುದರೊಂದಿಗೆ ಮೊದಲನೆಯ ವಿಶ್ವ ಮಹಾಯುದ್ಧಕ್ಕೆ ಪ್ರಾರಂಭ ದೊರಕಿದಂತಾಯಿತು.
1919: ಮಹಾತ್ಮಾ ಗಾಂಧಿಯವರು ಸಾರ್ವಜನಿಕ ಮುಷ್ಕರಕ್ಕೆ ಕರೆಕೊಟ್ಟರು.
1930: ಬ್ರಿಟಿಷ್ ಸರ್ಕಾರವು ಉಪ್ಪಿನ ಮೇಲೆ ಕರ ವಿಧಿಸಿದ್ದನ್ನು ಪ್ರತಿಭಟಿಸಿ ಬೆಳಿಗ್ಗೆ 8.30ರ ವೇಳೆಗೆ ಮಹಾತ್ಮಾ ಗಾಂಧೀಜಿಯವರು ದಂಡಿ ಸಮುದ್ರತೀರದಲ್ಲಿ ಸಾಂಕೇತಿಕವಾಗಿ ಉಪ್ಪು ತಯಾರಿಸಿದರು. ಅಹಮದಾಬಾದಿನ ಸಾಬರಮತಿ ಆಶ್ರಮದಿಂದ ತಮ್ಮ 79 ಮಂದಿ ಅನುಯಾಯಿಗಳೊಂದಿಗೆ ಮಾರ್ಚ್ 12ರಿಂದ ಪಾದಯಾತ್ರೆ ನಡೆಸಿ ಅವರು ಇಲ್ಲಿಗೆ ಆಗಮಿಸಿದರು. ಒಂದು ಹಿಡಿ ಮಣ್ಣು ಮತ್ತು ಉಪ್ಪನ್ನು ಕೈಯಲ್ಲಿ ತೆಗೆದುಕೊಂಡು ಮೇಲೆತ್ತಿದ ಅವರು “ಇದರೊಂದಿಗೆ ನಾನು ಬ್ರಿಟಿಷ್ ಸಾಮ್ರಾಜ್ಯದ ಅಡಿಪಾಯವನ್ನು ಅಲುಗಾಡಿಸುತ್ತಿದ್ದೇನೆ” ಎಂದು ಘೋಷಿಸಿದರು.
1980: ಅಟಲ್ ಬಿಹಾರಿ ವಾಜಪೇಯಿ ಅವರ ಅಧ್ಯಕ್ಷತೆಯಲ್ಲಿ ಭಾರತೀಯ ಜನತಾ ಪಕ್ಷವು ಸ್ಥಾಪನೆಗೊಂಡಿತು.
2001: ಸಚಿನ್ ತೆಂಡೂಲ್ಕರ್ ಅವರು ಆಸ್ಟ್ರೇಲಿಯಾ ವಿರುದ್ಧ ನಡೆದ ಐದನೆಯ ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ಟೆಸ್ಟ್ ಪಂದ್ಯದಲ್ಲಿ ತಮ್ಮ 100ನೇ ವಿಕೆಟ್ ಗಳಿಸಿದ್ದಲ್ಲದೆ, 10,000 ರನ್ ಗಳಿಸಿದ ಮೊದಲ ಆಟಗಾರನೆಂಬ ಹೆಗ್ಗಳಿಕೆಗೆ ಪಾತ್ರರಾದರು.
2008: ಅಕ್ರಮ ಆಸ್ತಿ ಸಂಪಾದನೆ ಆರೋಪಕ್ಕೆ ಗುರಿಯಾದ ಸರ್ಕಾರಿ ನೌಕರರನ್ನು ಸೇವೆಯಿಂದ ಅಮಾನತು ಮಾಡುವುದನ್ನು ಕಡ್ಡಾಯಗೊಳಿಸಿ ರಾಜ್ಯ ಸರ್ಕಾರಿ ನೌಕರರ ಸೇವಾ ನಿಯಮಕ್ಕೆ ತಿದ್ದುಪಡಿ ತರಲಾಯಿತು.
2008: ಮಹಿಳೆಯರನ್ನು ಅವರ ಬಣ್ಣದ ಆಧಾರದಲ್ಲಿ ‘ಕಪ್ಪು ಮಹಿಳೆ’ ಎಂದು ಜರಿದರೆ, ಅಥವಾ ‘ಕುರೂಪಿ’ ಎಂದು ಹಳಿದರೆ, ಅದು ಮಾನಸಿಕ ಮತ್ತು ಭಾವನಾತ್ಮಕ ಹಿಂಸೆಯಾಗುತ್ತದೆ. ಇಂತಹ ವರ್ತನೆ ಶಿಕ್ಷಾರ್ಹ ಅಪರಾಧ ಎಂಬ ಮಹತ್ವದ ತೀರ್ಪನ್ನು ಸುಪ್ರೀಂಕೋರ್ಟ್ ನೀಡಿತು.
2009: ರಾಹುಲ್ ದ್ರಾವಿಡ್ ಅವರು ವೆಲಿಂಗ್ಟನ್‌ನಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದಲ್ಲಿ 182ನೇ ಕ್ಯಾಚ್ ಹಿಡಿಯುವುದರ ಮೂಲಕ, ಆಸ್ಟ್ರೇಲಿಯಾದ ಮಾರ್ಕ್ ವಾ ಅವರ ಹೆಸರಿನಲ್ಲಿದ್ದ 181 ಟೆಸ್ಟ್ ಕ್ಯಾಚ್‌ಗಳ ವಿಶ್ವ ದಾಖಲೆಯನ್ನು ಮುರಿದರು.
ಪ್ರಮುಖಜನನ/ಮರಣ:
1911: ಜರ್ಮನ್ ಜೈವಿಕ ವಿಜ್ಞಾನಿ ಫಿಯೋಡೋರ್ ಫೆಲಿಕ್ಸ್ ಲಿನೆನ್ ಮ್ಯೂನಿಚ್ ನಗರದಲ್ಲಿ ಜನಿಸಿದರು. ಕೊಲೆಸ್ಟೆರೋಲ್ ಮತ್ತು ಫ್ಯಾಟಿ ಆಸಿಡ್ ಮೆಟಬಾಲಿಸಮ್ ಕುರಿತಾದ ಸಂಶೋಧನೆ ಮತ್ತು ನಿಯಂತ್ರಣಗಳಿಗಾಗಿ ಇವರಿಗೆ 1964 ವರ್ಷದ ನೊಬೆಲ್ ವೈದ್ಯ ಶಾಸ್ತ್ರದ ಪುರಸ್ಕಾರ ಸಂದಿತ್ತು.
1911: ಸ್ವಿಸ್ ಜೈವಿಕ ವಿಜ್ಞಾನಿ ಎಡ್ಮಂಡ್ ಹೆಚ್ ಫಿಷರ್ ಚೀನಾದ ಶಾಂಘೈ ನಗರದಲ್ಲಿ ಜನಿಸಿದರು. ಪ್ಹಾಸ್ಫೋರಿಲೇಶನ್ ಕುರಿತಾದ ಸಂಶೋಧನೆಗಾಗಿ ಇವರಿಗೆ 1992 ವರ್ಷದ ನೊಬೆಲ್ ವೈದ್ಯ ಶಾಸ್ತ್ರದ ಪುರಸ್ಕಾರ ಸಂದಿತ್ತು.
1928: ಅಮೆರಿಕದ ಜೀವವಿಜ್ಞಾನಿ ಜೇಮ್ಸ್ ಡೆವಿ ವಾಟ್ಸನ್ ಅವರು ಚಿಕಾಗೋ ನಗರದಲ್ಲಿ ಜನಿಸಿದರು. ನ್ಯೂಕ್ಲಿಯಿಕ್ ಆಸಿಡ್ಸ್ ಕುರಿತಾದ ಸಂಶೋಧನೆಗಾಗಿ ಇವರಿಗೆ 1962 ವರ್ಷದ ನೊಬೆಲ್ ವೈದ್ಯ ಶಾಸ್ತ್ರದ ಪುರಸ್ಕಾರ ಸಂದಿತ್ತು.
1949: ಜರ್ಮನಿಯ ಭೌತವಿಜ್ಞಾನಿ ಹೊರ್ಸ್ಟ್ ಲುಡ್ವಿಗ್ ಸ್ಟಾರ್ಮರ್ ಅವರು ಫ್ರಾಂಕ್ ಫ಼ರ್ಟ್ ನಗರದಲ್ಲಿ ಜನಿಸಿದರು. ನೂತನ ಕ್ವಾಂಟಮ್ ಫ್ಲ್ಯೂಯಿಡ್ಸ್ ಸಂಶೋಧನೆಗಾಗಿ ಇವರಿಗೆ 1998 ವರ್ಷದ ನೊಬೆಲ್ ವೈದ್ಯ ಶಾಸ್ತ್ರದ ಪುರಸ್ಕಾರ ಸಂದಿತ್ತು.
1956: ಭಾರತ ಕ್ರಿಕೆಟ್ ತಂಡದ ಕ್ಯಾಪ್ಟನ್, ಕೋಚ್ ಮತ್ತು ಆಯ್ಕೆದಾರರಾಗಿದ್ದ ದಿಲೀಪ್ ವೆಂಗ್ಸರ್ಕರ್ ಅವರು ಮಹಾರಾಷ್ಟ್ರದ ರಾಜ್ಪುರ್ ಎಂಬಲ್ಲಿ ಜನಿಸಿದರು.
1961: ಬೆಲ್ಜಿಯನ್ ವೈದ್ಯವಿಜ್ಞಾನಿ ಜೂಲ್ಸ್ ಬಾರ್ಡೆಟ್ ಬ್ರಸ್ಸೆಲ್ಸ್ ನಗರದಲ್ಲಿ ನಿಧನರಾದರು. ಇಮ್ಯ್ಯೂನಿಟಿ ಕುರಿತಾದ ಇವರ ಸಂಶೋಧನೆಗೆ 1919 ವರ್ಷದ ನೊಬೆಲ್ ಪುರಸ್ಕಾರ ಸಂದಿತ್ತು.
1983: 1962-66 ಅವಧಿಯಲ್ಲಿ ಭಾರತದ ಸೇನಾ ಮುಖ್ಯಸ್ಥರಾಗಿದ್ದ ಜಯಂತೋ ನಾಥ್ ಚೌಧುರಿ ನಿಧನರಾದರು. ಇವರಿಗೆ ಆರ್ಡರ್ ಆಫ್ ದಿ ಬ್ರಿಟಿಷ್ ಎಂಪೈರ್ ಮತ್ತು ಭಾರತ ಸರ್ಕಾರದ ಪದ್ಮಭೂಷಣ ಗೌ: ಮಹಾನಟ ಚಾರ್ಲಟನ್ ಹೆಸ್ಟನ್ ಅವರು ಲಾಸ್ ಏಂಜಲಿಸ್ ನಗರದಲ್ಲಿ ತಮ್ಮ 84ನೆಯ ವಯಸ್ಸಿನಲ್ಲಿ ನಿಧನರಾದರು. ಟೆನ್ ಕಮಾಂಡ್ಮೆಂಟ್ಸ್ ಚಿತ್ರದಲ್ಲಿ ಇವರ ಮೊಸೆಸ್ ಪಾತ್ರ ಪ್ರಖ್ಯಾತಿ ಪಡೆದಿತ್ತು. ಇದಲ್ಲದೆ 1950ರ ದಶಕದಲ್ಲಿ ತೆರೆಗೆ ಬಂದ ಬೆನ್ಹರ್ ಚಿತ್ರದಲ್ಲಿ ನೀಡಿದ ಇವರ ಅಭಿನಯಕ್ಕೆ ಆಸ್ಕರ್ ಗೌರವ ಸಂದಿತ್ತು.ರವಗಳು ಸಂದಿದ್ದವು.
2008: ಮಹಾನಟ ಚಾರ್ಲಟನ್ ಹೆಸ್ಟನ್ ಅವರು ಲಾಸ್ ಏಂಜಲಿಸ್ ನಗರದಲ್ಲಿ ತಮ್ಮ 84ನೆಯ ವಯಸ್ಸಿನಲ್ಲಿ ನಿಧನರಾದರು. ಟೆನ್ ಕಮಾಂಡ್ಮೆಂಟ್ಸ್ ಚಿತ್ರದಲ್ಲಿ ಇವರ ಮೊಸೆಸ್ ಪಾತ್ರ ಪ್ರಖ್ಯಾತಿ ಪಡೆದಿತ್ತು. ಇದಲ್ಲದೆ 1950ರ ದಶಕದಲ್ಲಿ ತೆರೆಗೆ ಬಂದ ಬೆನ್ಹರ್ ಚಿತ್ರದಲ್ಲಿ ನೀಡಿದ ಇವರ ಅಭಿನಯಕ್ಕೆ ಆಸ್ಕರ್ ಗೌರವ ಸಂದಿತ್ತು.
