7.6.2 ಪೀಡೆಯ ಹಾಡುಗಳು

1. ಹೋರಿ ಹಾಡು

ಕಾಶಾಳ ಕಾಶಿ ಮಾಶಾಳಮಾಸಿ
ಕಾಶಿಗಿ ಹೋಗಾದು ಯ್ಯ ಹೋರಿ
ಹೋರಿ ಹೆಸರ ಚಾಮಚಾಮಕ
ಬಸವಪ್ಪ ಅವನ ಹೆಸರ

ರಾಂತರಾಗಿತ್ತು ಕಂದನ ಸಾಕ
ಹೇಳಲಿಕೇನು ? ಕೇಳಲಿಕೇನು ?
ಕಾಲಿಗಿ ನಾಲ ಬೆನ್ನಿಗಿ ಧೂಲಾ
ಮೋತಿಗಿ ಹಾಕ್ಯಾರ ಯಾತರ ಮಗಡ
ಬೆಳ್ಳಿ ತಗಡಿನ ಭಾಸಿಂಗ ಮಗಡ
ಮ್ಯಾಲ ಕುಂತಾಳ ಪಾರ್ವತಿ
ಹಿಂದ ಹೊಡಿತಾನ ಪರಮೇಶ್ವರ

ಲಕ್ಕಪ್ಪ ಲಕ್ಕಪ್ಪ ಲಾಲೊ
ಲಕ್ಕಿ ಕಂಟ್ಯಾಗ ಜೇನೊ
ಜೇನು ಬಿಡಿಸಾಂವ ಜಾಣಿರಬೇಕು
ಜಾಣ್ಗೊಂದು ಅಂಗಿರಬೇಕು
ಅಂಗಿಗೊಂದು ಕಿಸೆಯಿರಬೇಕು
ಕಿಸ್ಯಾದಾಗೊಂದು ದುಡ್ಡಿರಬೇಕು
ದುಡ್ಡಿನ ಬೆಲ್ಲ ತರಸಿರಬೇಕು
ಆಕಳ ಗಿಣ್ಣ ಕಾಸಿರಬೇಕು
ಫರಕ ಫುರಕ್ ಸುರದಿರಬೇಕು
ಅಡಕಲ ಸಂದ್ಯಾಗ ಹೇತಿರಬೇಕು
ಅತ್ತಿ ಕೈಲೆ ಬಳಸಿರಬೇಕು.
ಮಾವನ ತಲಿಮ್ಯಾಲ ಹೊರಸಿರಬೇಕು.
ಆಣಿಪೀಣಿ ನಮ್ಮ ಆಕಳ ಮ್ಯಾಲ ಚೆಕ್ಕೋ20

ಹಂಡಕಾಳೋ ಭಂಡಾಕಳೊ
ಕಲಬುರಗಿ ಕಾಶಾಕಳೊ
ಕಳ್ಳರ ಕೈಯ್ಯಗ ಬೆಳ್ಳಿಯ ಕುಡ್ಗೋಲು
ಬೆಳ್ಳಿಯ ಕುಡ್ಗೋಲಿಗಿ ಮಾರಮಾರಹುಲ್ಲು
ಮಾರ ಮಾರ ಹುಲ್ಲಿಗಿ ಬೋರ ಬೋರೆ ಹಾಲು
ಬೋರ ಬೋರ ಹಾಲಿಗಿ ಘಟ್ಟಿ ಘಟ್ಟಿ ಮಸರ
ಘಟ್ಟಿ ಘಟ್ಟಿ ಮಸರೀಗಿ ಕಳ್ ಕಳ್ ತುಪ್ಪ
ಕಳ್ ಕಳ್ ತುಪ್ಪಿಗಿ ಬಳ್ ಬಳ್ ರೊಕ್ಕ
ಆಣಿಪೀಣಿ ನಮ್ಮ ಆಕಳ ಪೀಡಾವಳಿಚಿಕ್ಕೋ21*

ಆಕಳ ಆಕಳ ಇದಿರಬೇಕು
ಆಕಳ ಗಿಣ್ಣ ಕಾಸಿರಬೇಕು
ಫರಕs ಫುರಕs ಸುರದಿರಬೇಕು
ಮೂಲ್ಯಾಗ ಕುಂತು ಹೇತಿರಬೇಕು
ಅತ್ತಿಕೈಲೆ ಬಳಸಿರಬೇಕು
ಮಾವನ ತಲಿಮ್ಯಾಲ ಹೊರಸಿರಬೇಕೊ
ಆಣಿಪೀಣಿ ನಮ್ಮ ಆಕಳ ಪೀಡಾವಳಿ ಚೆಕ್ಕೋ22