ಮಂಗೋಲಿಯಾ

[fusion_builder_container hundred_percent=”no” equal_height_columns=”no” menu_anchor=”” hide_on_mobile=”small-visibility,medium-visibility,large-visibility” class=”” id=”” background_color=”” background_image=”” background_position=”center center” background_repeat=”no-repeat” fade=”no” background_parallax=”none” enable_mobile=”no” parallax_speed=”0.3″ video_mp4=”” video_webm=”” video_ogv=”” video_url=”” video_aspect_ratio=”16:9″ video_loop=”yes” video_mute=”yes” video_preview_image=”” border_color=”” border_style=”solid” margin_top=”” margin_bottom=”” padding_top=”” padding_right=”” padding_bottom=”” padding_left=”” type=”legacy”][fusion_builder_row][fusion_builder_column type=”1_1″ layout=”1_1″ spacing=”” center_content=”no” hover_type=”none” link=”” min_height=”” hide_on_mobile=”small-visibility,medium-visibility,large-visibility” class=”” id=”” background_color=”” background_image=”” background_position=”left top” background_repeat=”no-repeat” border_color=”” border_style=”solid” border_position=”all” padding_top=”” padding_right=”” padding_bottom=”” padding_left=”” margin_top=”” margin_bottom=”” animation_type=”” animation_direction=”left” animation_speed=”0.3″ animation_offset=”” last=”true” border_sizes_top=”0″ border_sizes_bottom=”0″ border_sizes_left=”0″ border_sizes_right=”0″ first=”true” type=”1_1″][fusion_text columns=”” column_min_width=”” column_spacing=”” rule_style=”default” rule_size=”” rule_color=”” content_alignment_medium=”” content_alignment_small=”” content_alignment=”” hide_on_mobile=”small-visibility,medium-visibility,large-visibility” sticky_display=”normal,sticky” class=”” id=”” font_size=”” fusion_font_family_text_font=”” fusion_font_variant_text_font=”” line_height=”” letter_spacing=”” text_color=”” animation_type=”” animation_direction=”left” animation_speed=”0.3″ animation_offset=””]

ಒಂದು ಕಾಲದಲ್ಲಿ ಅತ್ಯಂತ ದೊಡ್ಡ ಸಾಮ್ರಾಜ್ಯ ಕಟ್ಟಿದ್ದ, ಹಿಮಾಲಯದ ತಪ್ಪಲಲ್ಲಿರುವ ದೇಶ ಮಂಗೋಲಿಯಾ. 15,64,116 ಚ.ಕಿ.ಮೀ ವಿಸ್ತೀರ್ಣ ಹೊಂದಿರುವ ಮಂಗೋಲಿಯಾ, ಏಷ್ಯಾದಲ್ಲಿ ಆರನೇ ಮತ್ತು ವಿಶ್ವದ 19ನೇ ಅತಿ ದೊಡ್ಡ ದೇಶ. 2016ರಲ್ಲಿ ಈ ದೇಶದ ಅಂದಾಜು ಜನಸಂಖ್ಯೆ ಕೇವಲ 30ಲಕ್ಷ. ಅಂದರೆ ಜನಸಾಂದ್ರತೆ ಇಲ್ಲಿ ಪ್ರತಿ ಚ.ಕಿ ಗೆ ಕೇವಲ 1.9 ಮಾತ್ರ. ಸುಮಾರು 13 ಲಕ್ಷ ಜನ ರಾಜಧಾನಿಯಲ್ಲೇ ವಾಸ ಮಾಡುತ್ತಾರೆ. ಇದರ ರಾಜಧಾನಿ ಉಲಾನ್ ಬಟಾರ್, ಕರೆನ್ಸಿ ಟುಗ್ರಿಕ್ (ಎಂಎನ್ ಟಿ), ಅಧಿಕೃತ ಭಾಷೆ ಖಾಲ್ಖಾ ಮಂಗೋಲ್. ಭಾರತ, ಚೈನಾ, ರಷ್ಯಾ, ಕಜಕಸ್ತಾನಗಳಿಂದ ಇದು ಸುತ್ತುವರಿದಿದೆ.

ಶಮನ್ ಸಿದ್ಧಾಂತದ ಅನುಯಾಯಿಗಳು, ಟಿಬೆಟ್ ನ ವಜ್ರಯಾನ ಬೌದ್ಧಮತಾವಲಂಬಿಗಳು ಮಂಗೋಲಿಯಾದಲ್ಲಿ ಹೆಚ್ಚಾಗಿದ್ದಾರೆ. ದಲಾಯಿಲಾಮರನ್ನು ಮಂಗೋಲಿಯಾ ಜನ ಅತ್ಯಂತ ಗೌರವಿಸುತ್ತಾರೆ. ಪಶ್ಚಿಮ ಭಾಗದಲ್ಲಿ ಹೆಚ್ಚಾಗಿರುವ ಅಲ್ಪಸಂಖ್ಯಾತ ಕಜಾಕ್ ಜನಾಂಗದವರು ಸುನ್ನಿ ಮುಸ್ಲಿಂ ಧರ್ಮಾನುಯಾಯಿಗಳು.ಹಿಮಾಲಯ ಪರ್ವತ ಪ್ರದೇಶದ ತಪ್ಪಲಲ್ಲಿರುವ ಮಂಗೋಲಿಯಾ ಪ್ರದೇಶದಲ್ಲಿ ಪುರಾತನ ಕಾಲದಿಂದಲೂ ಜನ ವಾಸ ಮಾಡುತ್ತಿದ್ದರು. ಸುಮಾರು ಎಂಟು ಲಕ್ಷ ವರ್ಷಗಳ ಹಿಂದೆ ಹೋಮೋ ಎರೆಕ್ಟಸ್ (ಈಗಿನ ಮನ್ಯಷ್ಯ ಹೋಮೋ ಸೆಪಿಯನ್ಸ್ ಪೂರ್ವಜ) ವಾಸವಾಗಿದ್ದ ಬಗ್ಗೆ ಆಧಾರಗಳು ದೊರೆತಿವೆ. ಹೋಮೋ ಎರೆಕ್ಟಸ್ ಪಳಯುಳಿಕೆಗಳು ದೊರೆತಿಲ್ಲವಾದರೂ, ಈ ಕುರಿತು ಕೆಲವು ಆಧಾರಗಳು ದೊರೆತಿವೆ.ಗೋಬಿ ಮರಳುಗಾಡಿನ ಬಾಯನ್ ಜಾಗ್ ಮತ್ತು ನೆಮೆಟ್ ನಲ್ಲಿ ಡೈನೋಸಾರ್ ಗಳ ಪಳೆಯುಳಿಕೆಗಳು ದೊರೆತಿವೆ.
ಉತ್ತರ ಮತ್ತು ಪಶ್ಚಿಮ ದಿಕ್ಕಿನಲ್ಲಿರುವ ವ್ಯಾಪಕ ಪರ್ವತ ಶ್ರೇಣಿಗಳಿಂದಾಗಿ ಮಂಗೋಲಿಯಾದಲ್ಲಿ ಭೂಕಂಪ ಸರ್ವೇ ಸಾಮಾನ್ಯ. ಆದರೆ ಜನಸಂಖ್ಯೆ ಕಡಿಮೆ ಇರುವ ಕಾರಣ ಅದರ ಸಾವುನೋವುಗಳು ಹೆಚ್ಚಿಗೆ ಆಗಿಲ್ಲ.ಕ್ರಿ.ಪೂ.8ನೇ ಶತಮಾನದ ಹೊತ್ತಿಗೆ ಮಂಗೋಲಿಯಾದ ಪಶ್ಚಿಮ ಭಾಗದಲ್ಲಿ ಇಂಡೋ-ಯೂರೋಪಿಯನ್ (ಸ್ಕೇಥಿಯಾನ್ ಅಥವಾ ಯುಎಜಿ) ಅಲೆಮಾರಿ ಜನಾಂಗ ಅಲ್ಲಿ ವಾಸ ಮಾಡುತ್ತಿತ್ತು. ಮಂಗೋಲಿಯಾದ ಉಳಿದ ಭಾಗಗಳಲ್ಲಿ ಮಂಗೋಲಿಯಾ ಮೂಲದ ಬುಡಕಟ್ಟು ಜನ ವಾಸ ಮಾಡುತ್ತಿದ್ದರು.ಉತ್ತರದಲ್ಲಿ ಹಿಮಗಟ್ಟುವ ಸೈಬೀರಿಯಾದ ಪ್ರದೇಶಗಳು, ಪಶ್ಚಿಮದಲ್ಲಿ ಅಲ್ಟಾಯ್ ಪರ್ವತ ಪ್ರದೇಶ ಮತ್ತು ದಕ್ಷಿಣದಲ್ಲಿ ಗೋಬಿ ಮರುಭೂಮಿಯಿಂದಾಗಿ ಅಲ್ಲಿಗೆ ವಲಸೆಗಾರರ ಸಂಖ್ಯೆ ತುಂಬ ಕಡಿಮೆ ಸಂಖ್ಯೆಯಲ್ಲಿತ್ತು. ಹೀಗಾಗಿ ಮಂಗೋಲಿಯಾ ರಾಜಮನೆತನಗಳವರು ಒಂದೇ ಭಾಷೆ ಸಂಸ್ಕೃತಿಯನ್ನು ಹೊಂದಿದ್ದರು. ಇದರ ಪರಿಣಾಮ ಮುಂದೆ ಚೈನಾದ ದಾಳಿಯಾದಾಗ ಇಡೀ ಮಂಗೋಲಿಯಾ ಒಗ್ಗೂಡುವಲ್ಲಿ ಇದು ನೆರವಾಯಿತು.
ಇಲ್ಲಿನ ಪುರಾತನ ರಾಜಮನೆತನವೆಂದರೆ, ಗ್ಸಿಯಾಂಗ್ನು ರಾಜ್ಯಮನೆತನ. ಕ್ರಿ.ಪೂ.3ನೇ ಶತಮಾನದಲ್ಲಿ ಆರಂಭವಾದ ಈ ರಾಜಮನೆತನದ ಆಡಳಿತ ಸುಮಾರು 300 ವರ್ಷಗಳ ಕಾಲ ನಡೆಯಿತು. ಕ್ರಿ.ಶ.48ರಲ್ಲಿ ಗ್ಸಿಯಾಂಗ್ನು ರಾಜ್ಯ ಉತ್ತರ ಮತ್ತು ದಕ್ಷಿಣಗಳಾಗಿ ವಿಭಜನೆಗೊಂಡವು. ಕ್ರಿ.ಶ.93ರ ಹೊತ್ತಿಗೆ ಅದರ ಅರಸೊತ್ತಿಗೆ ಕೊನೆಗೊಂಡು, ಗ್ಸಿಯಾನ್ಬಿ ಆಡಳಿತ ಪ್ರಾರಂಭವಾಯಿತು. ನಂತರ ಮಂಗೋಲಿಯಾದ ಆಡಳಿತ ಚುಕ್ಕಾಣಿ ರೌರನ್ರ ಖಾನ್ ಸಂಸ್ಥಾನದ ಕೈಗೆ ಹೋಯಿತು. ಅದಾದ ನಂತರ ಟರ್ಕಿಕ್ ಖನಾಟೆ ಮತ್ತು ಚೈನಾದ ಟಾಂಗ್ ಅರಸೊತ್ತಿಗೆ, ಉಯ್ಘುರ್ ಖನಾಟೆ, ಖಿಟನ್ ರಾಜ್ಯ ಮಂಗೋಲಿಯಾವನ್ನು ಆಳಿದವು.13 ಮತ್ತು 14 ನೇ ಶತಮಾನದ ಪ್ರಪಂಚದ ಚರಿತ್ರೆಯ ಪುಟಗಳಲ್ಲಿ ಬಹಳ ಮಹತ್ವದ ಪಾತ್ರ ವಹಿಸಿದ್ದು, ಮಂಗೋಲಿಯದ ಜೆಂಘಿಸ್ ಖಾನ್ ನೇತೃತ್ವದ ಪಡೆಗಳು. ಜೆಂಘಿಸ್ ಖಾನ್ ಮತ್ತು ಆತನ ನಂತರ ಬಂದವರು ಬಹುತೇಕ ಏಷಿಯಾ, ಯೂರೋಪಿಯನ್ ರಷ್ಯಾವನ್ನು ಗೆದ್ದುಕೊಂಡರು.
ಜೆಂಘಿಸ್ ಖಾನ್ ಮಂಗೋಲಿಯಾವನ್ನು ಯೋಧರ ಸಂಖ್ಯೆ ಆಧಾರದ ಮೇಲೆ 95 ಮಿಂಗಟ್ಸ್ ಗಳಾಗಿ ವಿಂಗಡಿಸಿದ. ಹತ್ತು ಯೋಧರನ್ನು ಸಂಘಟಿಸಬಲ್ಲ ಮನೆಗಳನ್ನು ಒಂದು ಅರ್ಬಟು ಎಂತಲೂ, 10 ಅರ್ಬಟುಗಳನ್ನು ಒಂದು ಜಗಟು ಎಂತಲೂ, 10 ಜಗಟುಗಳನ್ನು ಒಂದು ಮಿಂಗಟ್ (1000 ಯೋಧರಿರುವ ಸ್ಥಳ) ಎಂದು ಹಾಗೂ ಹತ್ತು ಸಾವಿರ ಯೋಧರಿರುವ ಸ್ಥಳವನ್ನು ಒಂದು ಟುಮೆಟು ಎಂದು ವಿಂಗಡಿಸಲಾಯಿತು. ಆ ಸಮಯದಲ್ಲಿ ಮಂಗೋಲಿಯಾ ಏಳೂವರೆ ಲಕ್ಷ ಜನಸಂಖ್ಯೆಯನ್ನು ಹೊಂದಿದ್ದು, 95 ಸಾವಿರ ಯೋಧರು ಅಥವಾ ಅಶ್ವ ಯೋಧರು ಇದ್ದರೆಂದು ಅಂದಾಜು ಮಾಡಲಾಗಿದೆ. ಚೈನಾದ ಮಹಾಗೋಡೆ ದಾಟಿಕೊಂಡು 1214ರಲ್ಲಿ ಜೆಂಘಿಸ್ ಖಾನ್ ಸೇನೆ ಷಾಂಗ್ಸಿ ಮತ್ತು ಷಾಂಡೊಂಗ್ ಪ್ರಾಂತ್ಯಗಳನ್ನು ಗೆದ್ದುಕೊಂಡ. ಆಗ ಅಲ್ಟಾನ್ ದೊರೆ ತನ್ನ ಮಗಳನ್ನು ಜೆಂಘಿಸ್ ಖಾನ್ ಗೆ ಕೊಟ್ಟು ಮದುವೆ ಮಾಡಿದ. ತನ್ನ ಸೇನಾಪತಿಗಳಿಗೆ ಚೈನಾದ ಜಿನ್ ಅರಸೊತ್ತಿಗೆ ಮೇಲಿನ ದಾಳಿ ಮುಂದುವರಿಸಲು ಸೂಚನೆ ನೀಡಿ ಮಂಗೋಲಿಯಾಗೆ ಹಿಂದಿರುಗಿದ. 1221ರಲ್ಲಿ ಜೆಂಘಿಸ್ ಖಾನ್ ಸೇನೆ ಇರಾಕ್, ಅಜರ್ ಬೈಜಾನ್, ಆರ್ಮೇನಿಯ, ಜಾರ್ಜಿಯಾಗಳ ಮೇಲೆ ದಾಳಿ ನಡೆಸಿದ. ಕ್ರಿಮಿಯದಲ್ಲಿನ ಕಿಪ್ಚಕ್ ಖನಾಟೆಯನ್ನು ಆತನ ಪಡೆಗಳು ಪ್ರವೇಶಿಸಿದವು.
ಜೆಂಘಿಸ್ ಖಾನ್ ಸಂಶಯಾಸ್ಪದ ಸಾವಿನ ನಂತರ, ಜೆಂಘಿಸ್ ತಮ್ಮ ಒಗಡೈ ಈ ದಂಡಯಾತ್ರೆಯನ್ನು ಮುಂದುವರಿಸಿದ. 1220ರವರೆಗೆ ಜೆಂಘಿಸ್ ಖಾನ್ ಶಸ್ತ್ರಾಸ್ತ್ರ ಸಂಗ್ರಹಣೆಯ ಸ್ಥಳವಾಗಿದ್ದ ಕ್ಯಾರಾಕೋರಂನ್ನು ಮುಂದೆ ಜೆಂಘಿಸ್ ಖಾನ್ ತಮ್ಮ ಒಗೆಡೈ ಖಾನ್ ರಾಜಧಾನಿಯನ್ನಾಗಿ ಮಾಡಿಕೊಂಡ. ಒಗೆಡೈ ಖಾನ್ 1231-34ರವರೆಗೆ ಚೈನಾದ ಜಿನ್ ರಾಜ್ಯದ ಮೇಲೆ ದಾಳಿ ನಡೆಸಿ, ಅದನ್ನು ಪೂರ್ಣಗೊಳಿಸಿದ. ರಷ್ಯಾದ ಬಲ್ಗಾರ್ ಸಾಮ್ರಾಜ್ಯವನ್ನು ಗೆದ್ದುಕೊಂಡ. ಪೋಲಂಡ್, ಹಂಗೆರಿ, ಮಾಲ್ಡೋವಿಯ, ರೋಮ್ ಸಾಮ್ರಾಜ್ಯದ ಭಾಗವಾಗಿದ್ದ ಮೊರಾವಿಯಾಗಳ ಮೇಲೆ 1241-42ರಲ್ಲಿ ದಾಳಿ ನಡೆಸಿದ. ಮುಂದೆ ಮಂಗೋಲಿಯನ್ ಪಡೆಗಳು ಬಾಗ್ಧಾದ್, ಕಾರಾಕಸ್ ಮತ್ತು ಸಿರಿಯಾಗಳನ್ನು ಗೆದ್ದುಕೊಂಡಿತು. ಹೀಗೆ ಮಂಗೋಲಿಯನ್ ಪಡೆ ಚರಿತ್ರೆಯ ಅತಿ ದೊಡ್ಡ ಸಾಮ್ರಾಜ್ಯವನ್ನು ಸ್ಥಾಪಿಸಿತು. ಕ್ರಿ.ಶ.1368ರಲ್ಲಿ ಈ ವಿಶಾಲ ಸಾಮ್ರಾಜ್ಯ ನಾಲ್ಕು ಭಾಗಗಳಾಗಿ ವಿಭಜನೆಗೊಂಡಿತು.
ಒಗೆಡಾಯ್ ಮೊಮ್ಮಗ ಕುಬುಲಾಯ್ ಕಾಲದಲ್ಲಿ ಅಲ್ಲಿ ಎರಡನೇ ಬಾರಿಗೆ ಬೌದ್ಧ ಧರ್ಮದ ಪ್ರಚಾರ ನಡೆಯಿತು. ಟಿಬೆಟಿಯನ್ ಧರ್ಮಗುರು ಲಾಮಾ ಡ್ರೋಗೋನ್ ಚೋಗ್ಯಾಲ್ ಫಗ್ಪರನ್ನು ಕರೆಸಿ, ಬೌದ್ಧಮತದ ಪ್ರಚಾರ ನಡೆಸಲಾಯಿತು. 1585ರಲ್ಲಿ ಮತ್ತೊಮ್ಮೆ, ಮೂರನೇ ಬಾರಿಗೆ ಟಿಬಿಟ್ ನ ಬೌದ್ಧಗುರುಗಳನ್ನು ಕರೆಸಿ ಪ್ರಚಾರ ಮಾಡಲಾಯಿತು. ಆ ಸಮಯದಲ್ಲಿ ಬಹುತೇಕ ರಾಜರು ಬೌದ್ಧರಾಗಿ, ತಮ್ಮ ಹಿಂದಿನ ಧರ್ಮಕ್ಕೆ ಮರಳಿದರು.
ಅದಾದ ನಂತರ ಅಲ್ಲಿ ಸಾಂಸ್ಕೃತಿಕ ಪುನರುತ್ಥಾನವೂ ಆಯಿತು. ಇದೇ ಸಂದರ್ಭದಲ್ಲಿ ಮಿಂಗಟು ಎನ್ನುವ ಗಣಿತಶಾಸ್ತ್ರಜ್ಞ ಮತ್ತು ಖಭೌತ ಶಾಸ್ತ್ರಜ್ಞ ಟ್ರಿಗ್ನಾಮೆಂಟ್ರಿಯ ಸಮೀಕರಣಗಳನ್ನು ಕಂಡುಹಿಡಿದು, ಅವುಗಳನ್ನು (ಅದರ ಇಂಗ್ಲಿಷ್ ಅನುವಾದ: ದಿ ರೂಟ್ಸ್ ಆಫ್ ರೆಗ್ಯುಲಾರಿಟೀಸ್) 52 ಭಾಗಗಳಲ್ಲಿ ಪ್ರಕಟಿಸಿದ. ಜಯಾ ಪಂಡಿತ ಎನ್ನುವ ವ್ಯಕ್ತಿ ಮಂಗೋಲಿಯನ್ ಲಿಪಿಯನ್ನು ಪರಿಷ್ಕರಿಸಿದ.ಆದರೆ 1691ರಲ್ಲಿ ದಕ್ಷಿಣ ಮಂಗೋಲಿಯಾ (ಔಟರ್ ಮಂಗೋಲಿಯಾ) ಚೈನಾದ ಚಿಂಗ್ ರಾಜ್ಯದ ಪ್ರಾಂತ್ಯವಾಯಿತು. 1911ರಲ್ಲಿ ನಡೆದ ಔಟರ್ ಮಂಗೋಲಿಯಾ ಸ್ವಾಯುತ್ತ ಪ್ರದೇಶವಾಯಿತು. ಸೋವಿಯತ್ ನೆರವಿನಿಂದ ಚೀನಾದ ಚಿಂಗ್ ಸೇನೆಯನ್ನು ಓಡಿಸಿ, 1924ರಲ್ಲಿ ಗಣತಂತ್ರ ದೇಶವಾಯಿತು.1931ರಲ್ಲಿ ಚೈನಾದ ಮಂಚೂರಿಯಾ ಪ್ರದೇಶವನ್ನು ಜಪಾನ್ ಗೆದ್ದುಕೊಂಡು, ಔಟರ್ ಮಂಗೋಲಿಯಾ ಅದಕ್ಕೆ ಸೇರಿದ ಪ್ರದೇಶ ಎಂದು ಘೋಷಿಸಿತು. ನಂತರ ಮಂಗೋಲಿಯಾ ಒಳನಾಡಿನ ಜೆಹೋಲ್ ಪ್ರಾಂತ್ಯವನ್ನೂ ಗೆದ್ದುಕೊಂಡಿತು.
ಯಾಲ್ಟಾ ಸಮ್ಮೇಳನದ ಒಪ್ಪಂದದಂತೆ, 1945ರಲ್ಲಿ ವಿಶ್ವಸಂಸ್ಥೆ ಮಧ್ಯಸ್ತಿಕೆ ಸಹಿತ ಮಂಗೋಲಿಯಾದಲ್ಲಿ ಜನಾಭಿಪ್ರಾಯ ಸಂಗ್ರಹವಾಯಿತು. ಸ್ವಾಯುತ್ತತೆಗಿಂತ ಸ್ವಾತಂತ್ರ್ಯಕ್ಕೆ ಹೆಚ್ಚು ಒಲವು ಕಂಡುಬಂತು. ಜನವರಿ 1946ರಲ್ಲಿ ಮಂಗೋಲಿಯಾಗೆ ಚೈನಾದಿಂದ ಸ್ವತಂತ್ರ ದೇಶದ ಮಾನ್ಯತೆಯೂ ದೊರೆಯಿತು. ಭಾರತ, ಉತ್ತರ ಕೊರಿಯಾ, ಪೂರ್ವ ಮತ್ತು ಮಧ್ಯ ಯೂರೋಪ್ ದೇಶಗಳು ಮಂಗೋಲಿಯಾ ಜೊತೆ ರಾಯಭಾರ ಸಂಬಂಧಗಳನ್ನು ಬೆಳೆಸಿದವು. 1961ರಲ್ಲಿ ವಿಶ್ವಸಂಸ್ಥೆ ಮಾನ್ಯತೆಯೂ ದೊರೆಯಿತು.
ಮಂಗೋಲಿಯಾದ ನಿವ್ವಳ ಸ್ಥಳೀಯ ಉತ್ಪಾದನೆ 2010ರಲ್ಲಿ 7180 ದಶಲಕ್ಷ ಅಮೇರಿಕನ್ ಡಾಲರ್ ಗಳಷ್ಟಿದ್ದು, 2014ರಲ್ಲಿ 12067 ದಶಲಕ್ಷ ಅಮೇರಿಕನ್ ಡಾಲರ್ ಗಳಿಗೇರಿತ್ತು. ಜಿಡಿಪಿ ಬೆಳವಣಿಗೆ ದರ 2010ರಲ್ಲಿ 6.9ರಷ್ಟಿದ್ದು, 2014ರಲ್ಲಿ 7.8ರಷ್ಟಾಗಿತ್ತು. ಮಂಗೋಲಿಯಾ ಅಭಿವೃದ್ಧಿ ಪಥದಲ್ಲಿದೆ ಎನ್ನುವುದನ್ನು ಇದು ಸೂಚಿಸುತ್ತದೆ. 2014ರಲ್ಲಿ, ಶೇ.15.6, ಕೈಗಾರಿಕೆಯ ಪಾಲು ಶೆ.36.2, ಸೇವಾವಲಯದ ಪಾಲು ಶೇ.48. ಆರ್ಥಿಕತೆಯಲ್ಲಿ ಕೃಷಿಯ ನಿವ್ವಳ ಮೌಲ್ಯವರ್ಧನೆ ಶೇ.48.2ರಷ್ಟಿತ್ತು. ಕೃಷಿ ವಲಯದಲ್ಲಿ ಶೇ.35, ಕೈಗಾರಿಕೆಯಲ್ಲಿ 18.2 ಮತ್ತು ಸೇವಾ ವಲಯದಲ್ಲಿ 46.8ರಷ್ಟು ಕಾರ್ಮಿಕರು ಭಾಗಿಯಾಗಿದ್ದರು. ಅಂದಾಜು ಶೇ.7.3ರಷ್ಟು ನಿರುದ್ಯೋಗ ದೇಶವನ್ನು ಕಾಡುತ್ತಿತ್ತು. ಅಂದರೆ ದೇಶದಲ್ಲಿ ಕೈಗಾರಿಕೀಕರಣಕ್ಕೆ ವಿಫುಲ ಅವಕಾಶ ಇದೆ ಎಂದಾಯಿತು.2015ರಲ್ಲಿ ನಗರ ಜನಸಂಖ್ಯೆ ಶೇ.73ರಷ್ಟಿತ್ತು. ಅವಲಂಬಿತರ ಅನುಪಾತ, ಅಂದರೆ 15ರಿಂದ64 ವರ್ಷ ವಯಸ್ಸಿನ ಪ್ರತಿ 100 ಜನಕ್ಕೆ, 14 ವರ್ಷ ವಯಸ್ಸಿಗೂ ಕಡಿಮೆ ಮತ್ತು 65ಕ್ಕೆ ಮೇಲ್ಪಟ್ಟವರ ಸಂಖ್ಯೆ 48. 2014ರ ಅಂದಾಜಿನಂತೆ ಆರೋಗ್ಯ ಜಿಡಿಪಿಯ ಶೇ.4,7ರಷ್ಟು, ಶಿಕ್ಷಣಕ್ಕೆ ಶೇ.4.6ರಷ್ಟು ವೆಚ್ಚ ಮಾಡಲಾಗುತ್ತಿದೆ. ರಾಷ್ಟ್ರೀಯ ಸಂಸತ್ತಿನಲ್ಲಿ ಮಹಿಳೆಯರ ಪಾಲು ಶೇ.14.5ರಷ್ಟು ಮಾತ್ರ. ಶೇ.27ರಷ್ಟು ಜನ ಅಂತರ್ಜಾಲ ಸೌಲಭ್ಯ ಹೊಂದಿದ್ದಾರೆ. ಇಷ್ಟೊಂದು ವಿಶಾಲ ದೇಶ ಹಾಗೂ ಕಡಿಮೆ ಜನಸಂಖ್ಯೆ ಹೊಂದಿದ್ದರೂ, 2015ರ ಅಂದಾಜಿನಂತೆ, ಇಲ್ಲಿನ ಅರಣ್ಯ ಪ್ರದೇಶ ಶೇ.8.2ರಷ್ಟು ಮಾತ್ರ, ಶುದ್ಧ ಕುಡಿಯುವ ನೀರು ಉಪಯೋಗಿಸುವ ನಗರ ಜನ ಶೇ.6.5 ಮತ್ತು ಗ್ರಾಮೀಣ ಜನ ಶೇ.59.2ರಷ್ಟು ಮಾತ್ರ.ವಿಶಾಲ ಭೂಪ್ರದೇಶವನ್ನು ಅಚ್ಚುಕಟ್ಟಾಗಿ ಬಳಸಿಕೊಂಡಲ್ಲಿ, ಮಂಗೋಲಿಯಾಗೆ ಮತ್ತೊಮ್ಮೆ ಭವ್ಯ ಭವಿಷ್ಯವಿದೆ.

[/fusion_text][/fusion_builder_column][/fusion_builder_row][/fusion_builder_container]