ಎಂ.ಪ್ರಭಾಕರ್

Home/Birthday/ಎಂ.ಪ್ರಭಾಕರ್
Loading Events

೧೫.೦೪.೧೯೨೨ ಕವನದ ಪ್ರತಿಯೊಂದು ಸಾಲನ್ನೂ ಆಸ್ವಾದಿಸಿ, ಅಂತರ್ಮುಖಿಯಾಗಿ ಹೃದಯದಾಳದಿಂದ ಹಾಡುವ ಗಾಯಕರಾದ ಪ್ರಭಾಕರ ರವರು ಹುಟ್ಟಿದ್ದು ಭಟ್ಕಳದಲ್ಲಿ. ತಂದೆ ಎಂ. ರಂಗರಾವ್, ಸಂಗೀತ, ಸಾಹಿತ್ಯ, ಅಭಿನಯ, ಚಿತ್ರಕಲೆಯಲ್ಲಿ ಪರಿಣಿತರು. ತಾಯಿ ಶಿಕ್ಷಕಿಯಾಗಿದ್ದ ಕಾವೇರಿ ಬಾಯಿ. ಕೀರ್ತನಕಾರ, ಸಂಗೀತಗಾರರ ಮನೆತನ. ಅಣ್ಣ ತಮ್ಮಂದಿರೆಲ್ಲರೂ ಒಂದಲ್ಲ ಒಂದು ರೀತಿ ಸಂಗೀತ ವಾದ್ಯದಲ್ಲಿ ಪರಿಣತರೆ. ಸಹೋದರಿಯರಾದ ಪಂಢರಿಬಾಯಿ, ಮೈನಾವತಿಯವರು ಚಿತ್ರಲೋಕದ ತಾರೆಯರು. ಸಂಚಾರಿ ನಾಟಕ ಮಂಡಳಿಯೊಂದು ಊರಿಗೆ ಬಂದಾಗ ಅದರೊಡನೆ ಸೇರಿ  ರಂಗಗೀತೆಗಳು, ದೇವರ ನಾಮಗಳು, ಕೀರ್ತನೆಗಳನ್ನು ಹಾಡುತ್ತಾ ಊರೂರು ಸುತ್ತಿದರು. ಸುತ್ತಾಟ ಬೇಸರವೆನಿಸಿ ಒಂದು ರೀತಿ ವ್ಯವಸ್ಥಿತವಾಗಿ ಸಂಗೀತ ಶಿಕ್ಷಣ ಕಲಿತದ್ದು ಬಿ.ಎಸ್. ರಾಮಯ್ಯನವರ ಬಳಿ. ನಂತರ ಎಲ್.ಎಸ್. ನಾರಾಯಣ ಸ್ವಾಮಿ ಭಾಗವತರ ಬಳಿ ಪ್ರೌಢ ಶಿಕ್ಷಣ. ಇವರ ಭಾವಪೂರ್ಣ ಹಾಡುಗಾರಿಕೆ, ಸಿರಿಕಂಠಕ್ಕೆ ಮಾರು ಹೋಗದವರೇ ಇಲ್ಲ. ಆಕಾಶವಾಣಿ ಕಲಾವಿದರಾಗಿ ಕೀರ್ತನೆಗಳು, ದೇವರ ನಾಮಗಳನ್ನು ಹಾಡಿ ನಡೆಸಿಕೊಟ್ಟ ಕಾರ್ಯಕ್ರಮಗಳು. ರಾಜ್ಯದಲ್ಲೇ ಅಲ್ಲದೆ ಮುಂಬಯಿ, ಚೆನ್ನೈ, ಆಂಧ್ರ ಪ್ರದೇಶ, ಕೇರಳ ಮುಂತಾದೆಡೆ ಸಂಚರಿಸಿ ನೀಡಿದ ಹಲವಾರು ಕಾರ್ಯಕ್ರಮಗಳು. ದೊರೆಸ್ವಾಮಿ ಅಯ್ಯಂಗಾರ್‌, ಎಂ.ಡಿ. ಪಾರ್ಥಸಾರಥಿ, ಎ.ವಿ. ಕೃಷ್ಣಮಾಚಾರ್‌, ಎಚ್.ಆರ್‌.ಲೀಲಾವತಿ ಮುಂತಾದವರ ಸಂಗೀತ ನಿರ್ದೇಶನದಲ್ಲೂ ಹಾಡುಗಾರಿಕೆ. ಕುವೆಂಪುರವರ ಪದ್ಯಗಳಿಗೆ ಸ್ವತಃ ರಾಗ ಸಂಯೋಜಿನೆ ಮಾಡಿ ಹಾಡಿದರು. ಎಚ್.ಆರ್‌.ಲೀಲಾವತಿ, ಎನ್ಕೆಯವರ ಕವನಗಳನ್ನಾಧರಿಸಿ ’ನವತಾರಾಮಂಡಲ’ ಎಂಬ ಸಂಗೀತ ರೂಪಕ, ಮಂಗಳೂರು ಆಕಾಶವಾಣಿಯಿಂದ ಬಿತ್ತರಗೊಂಡು ’ವರ್ಷ ವೈಭವ’ ಇವರಿಗೆ ಪ್ರಸಿದ್ಧ ತಂದುಕೊಟ್ಟ ಕಾರ್ಯಕ್ರಮಗಳು. ಹಲವಾರು ಶಿಷ್ಯರಿಗೆ ಸಂಗೀತ ವಿದ್ಯೆಯ ಧಾರೆ. ಬಿ.ಕೆ.ಸುಮಿತ್ರ, ಆರ್‌. ರಮಾದೇವಿ, ಕಸ್ತೂರಿ ಶಂಕರ್‌, ಶಿವಮೊಗ್ಗ ಸುಬ್ಬಣ್ಣ ಇವರೆಲ್ಲರೂ ಪ್ರಭಾಕರ್‌ ರವರ ಶಿಷ್ಯವರ್ಗದವರೆ. ಶಿವಮೊಗ್ಗೆಯಲ್ಲಿ ನಡೆದ ಕರ್ನಾಟಕ ಗಾನಕಲಾ ಪರಿಷತ್ತಿನ ಸಂಗೀತ ವಿದ್ವಾಂಸರ ಸಮ್ಮೇಳನದಲ್ಲಿ ಸನ್ಮಾನ. ಕರ್ನಾಟಕ ಸಂಗೀತ, ನೃತ್ಯ ಅಕಾಡೆಮಿಯ ಕರ್ನಾಟಕ ಕಲಾತಿಲಕ ಪ್ರಶಸ್ತಿ, ಸುಗಮ ಸಂಗೀತ ಕ್ಷೇತ್ರದ ಅತ್ಯುನ್ನತ ಪ್ರತಿಷ್ಠಿತ ಪ್ರಶಸ್ತಿ ಎನಿಸಿದ ಸಂತ ಶಿಶುನಾಳ ಪ್ರಶಸ್ತಿ ಮುಂತಾದ ಹಲವಾರು ಗೌರವ ಸನ್ಮಾನಗಳು.   ಇದೇದಿನಹುಟ್ಟಿದಕಲಾವಿದರು: ಜೆ.ಹುಸೇನ್ ಸಾಬ್- ೧೯೪೬ ಮ. ನರಸಿಂಹಮೂರ್ತಿ – ೧೯೫೫ ಸದಾಶಿವಪಾಟೀಲ – ೧೯೬೨ ಬಿ.ಜಿ. ವಿನುತ – ೧೯೭೫ ಡಾ. ಜಿ. ಥಾಮಸ್ – ೧೯೦೭

* * *

ಸಂಪರ್ಕ ಮಾಹಿತಿ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
ಇ-ಕನ್ನಡ ವಿಭಾಗ
ಮೊದಲನೆಯ ಮಹಡಿ, ಕನ್ನಡ ಭವನ
ಜಯಚಾಮರಾಜೇಂದ್ರ ಒಡೆಯರ್ ರಸ್ತೆ
ಬೆಂಗಳೂರು- ೫೬೦ ೦೦೨

Phone: ೦೮೦-೨೨೨೨೭೪೭೮

Fax: ೦೮೦-೨೨೨೧೪೩೭೯

Web: http://www.kanaja.karnataka.gov.in

ಕಣಜ – ಅಂತರಜಾಲ ಕನ್ನಡ ಜ್ಞಾನಕೋಶ

ಕಣಜವು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗದ ಪರಿಕಲ್ಪನೆಯಂತೆ ರೂಪಿಸಿ, ಪ್ರಸಕ್ತ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಾರಿಗೊಳಿಸುತ್ತಿರುವ ಅಂತರಜಾಲ ಕನ್ನಡ ಜ್ಞಾನಕೋಶವಾಗಿದೆ. ಎಲ್ಲ ಬಗೆಯ ಜ್ಞಾನ ಸಾಹಿತ್ಯವನ್ನೂ ಕಲಿಕೆಗಾಗಿ ಕನ್ನಡದಲ್ಲಿ ಸಾರ್ವಜನಿಕರಿಗೆ ನೀಡುವುದು ಯೋಜನೆಯ ಉದ್ದೇಶವಾಗಿದೆ.
‘ಕಣಜದಲ್ಲಿ ನೀವೂ ಬರೆಯಬಹುದು. ಈ ಲೇಖನಗಳ ಹಕ್ಕುಸ್ವಾಮ್ಯದ ವಿವರಕ್ಕಾಗಿ ಈ ಕೊಂಡಿಗೆ ಬನ್ನಿ.

ಇತ್ತೀಚಿನ ಕೃತಿಗಳು

ಕೇಂದ್ರ ಸರ್ಕಾರದ ಜಾಲತಾಣಗಳು

ತಾಂತ್ರಿಕ‌ ಜಾಲತಾಣಗಳು

ಕನ್ನಡ ಸಂಬಂಧಿ ಜಾಲತಾಣಗಳು

ಆಯೋಗಗಳು

ನ್ಯಾಯಾಲಯಗಳು

ಡೌನ್‌ಲೋಡ್‌ಗಳು

Go to Top