ಜೆ.ಲೋಕೇಶ್‌

Home/Birthday/ಜೆ.ಲೋಕೇಶ್‌
Loading Events

೦೧.೦೯.೧೯೫೦ ರಂಗ ಚಟುವಟಿಕೆಗಳಲ್ಲಿ ಸದಾ ಕ್ರಿಯಾಶೀಲರಾಗಿ ’ರಂಗಸಂಪದ’ ನಾಟಕ ಸಂಸ್ಥೆಯನ್ನು ಕಟ್ಟಿಬೆಳೆಸಿದವರಲ್ಲೊಬ್ಬರಾದ ಲೋಕೇಶ್‌ರವರು ಹುಟ್ಟಿದ್ದು ಬೆಂಗಳೂರು. ತಂದೆ ಜಯದೇವಯ್ಯ. ತಾಯಿ ಸಂಗೀತ ವಿದುಷಿ ಬಿ.ಎಸ್‌. ಚಂದ್ರಕಲಾ. ತಾಯಿಯಿಂದ ರಕ್ತದಲ್ಲಿ ಹರಿದು ಬಂದ ಸಾಹಿತ್ಯ ಪ್ರಜ್ಞೆ. ಶಾಲಾಕಾಲೇಜು ದಿನಗಳಿಂದಲೇ ಬೆಳೆದ ರಂಗಾಸಕ್ತಿ. ಬ್ಯಾಂಕಿನಲ್ಲಿ ಉದ್ಯೋಗ. ಉದ್ಯೋಗಿಗಳಲ್ಲೂ ಬೆಳೆಸಿದ ರಂಗಚಟುವಟಿಕೆ. ಶಕಶೈಲೂಷರು ಶಿಬಿರಾರ್ಥಿಗಳ ತಂಡಕಟ್ಟಿ ಜಸ್ಮಓಡನ್‌, ಸತ್ತವನ ನೆರಳು, ಸಂಧ್ಯಾಕಾಲ ನಾಟಕಗಳ ಪ್ರಯೋಗ. ೧೯೭೨ರಲ್ಲಿ ಕಟ್ಟಿದ ರಂಗಕಲಾಸಂಪದ. ಹೊಸ ಹೊಸ ನಾಟಕಗಳ ಪ್ರಯೋಗಗಳಿಗೆ ಕೊಟ್ಟ ಪ್ರಾಮುಖ್ಯತೆ. ಅನೇಕ ಬರಹಗಾರರಿಂದ ಬರೆಸಿದ ಹೊಸ ನಾಟಕಗಳು. ಇವರ ನೇತೃತ್ವದಲ್ಲಿ ಪ್ರದರ್ಶಿಸಿದ ನಾಟಕಗಳು ಹಲವಾರು. ಯಯಾತಿ, ಕದಡಿದ ನೀರು, ತ್ರಿಶಂಕು, ಅದೇ ಅಧೂರೆ, ಸಮಗ್ರ ಮಂಥನ, ಮಹಾಪ್ರಸ್ಥಾನ, ಗುಲಾಮನ ಸ್ವಾತಂತ್ರ್ಯ ಯಾತ್ರೆ, ಒಡಲಾಳ, ಮಹಾಚೈತ್ರ, ಸುಲ್ತಾನ ಟಿಪ್ಪು ಮುಂತಾದ ಚಿಂತನೆಗೆ ಹಚ್ಚಿದ ನಾಟಕಗಳು. ರಂಗಸಂಪದದ ಮೂಲಕ ಹಲವಾರು ನಾಟಕಗಳಿಗೆ ನಿರ್ದೇಶನ, ಬೆಳಕು ವಿನ್ಯಾಸ, ರಂಗ ವಿನ್ಯಾಸ, ಹಲವಾರು ಯುವ ಕಲಾವಿದರನ್ನು ಬೆಳಕಿಗೆ ತಂದ ಕೀರ್ತಿ. ರಂಗಭೂಮಿಯ ಕ್ರಿಯಾ ಸಮಿತಿಯ ಸಂಚಾಲಕರಾಗಿ ಕರ್ನಾಟಕದಾದ್ಯಂತ ನಾಟಕೋತ್ಸವ  ಏರ್ಪಡಿಸಿ ತಾಲ್ಲೂಕು ಕೇಂದ್ರ, ಹಳ್ಳಿ ಹಳ್ಳಿಗಳಿಗೂ ಹಬ್ಬಿಸಿದ ನಾಟಕಾಭಿರುಚಿ. ಸಾಹಿತ್ಯ ರಚನೆ, ಪ್ರಕಟಣೆ, ಪ್ರಯೋಗ, ಸಂಕಿರಣ, ಪ್ರದರ್ಶನ ಸಮ್ಮೇಳನ ಚಳುವಳಿಗಳ ರೂವಾರಿಗಳಲ್ಲೊಬ್ಬರು. ಕರ್ನಾಟಕ ನಾಟಕ ಅಕಾಡೆಮಿಯ ಸದಸ್ಯರಾಗಿ (ಎರಡು ಬಾರಿ) ನಾಮಕರಣ. ಕಾರ್ಯಗತಗೊಳಿಸಿದ ಹಲವಾರು ಯೋಜನೆಗಳು. ಕೆನಡಾದಲ್ಲಿ ನಡೆದ ೨೧ನೇ ಅಂತಾರಾಷ್ಟ್ರೀಯ ರಂಗಸಮ್ಮೇಳನದಲ್ಲಿ ಭಾರತದ ಪ್ರತಿನಿಧಿಯಾಗಿ ಭಾಗಿ. ೧೯೯೨ ರಲ್ಲಿ ಕರ್ನಾಟಕ ನಾಟಕ ಅಕಾಡೆಮಿಯ ಪ್ರಶಸ್ತಿ. ಹಲವಾರು ಸಂಘ ಸಂಸ್ಥೆಗಳಿಂದ ಸನ್ಮಾನ.   ಇದೇ ದಿನ ಹುಟ್ಟಿದ ಕಲಾವಿದರು ಪುರಾಣಿಕ ಜಿ.ಜಿ. – ೧೯೦೯ ಸಂಗಮೇಶ್ ಆರ್‌.  ಗುರವ – ೧೯೪೯ ಪಿ. ರಮಾ – ೧೯೫೪ ಶಶಿಧರ ಅಡಪ – ೧೯೫೮ ಕರಿಬಸವಯ್ಯ – ೧೯೫೯ ರಾಜಕುಮಾರ್ ಎಸ್‌. – ೧೯೬೯

* * *

ಸಂಪರ್ಕ ಮಾಹಿತಿ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
ಇ-ಕನ್ನಡ ವಿಭಾಗ
ಮೊದಲನೆಯ ಮಹಡಿ, ಕನ್ನಡ ಭವನ
ಜಯಚಾಮರಾಜೇಂದ್ರ ಒಡೆಯರ್ ರಸ್ತೆ
ಬೆಂಗಳೂರು- ೫೬೦ ೦೦೨

Phone: ೦೮೦-೨೨೨೨೭೪೭೮

Fax: ೦೮೦-೨೨೨೧೪೩೭೯

Web: http://www.kanaja.karnataka.gov.in

ಕಣಜ – ಅಂತರಜಾಲ ಕನ್ನಡ ಜ್ಞಾನಕೋಶ

ಕಣಜವು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗದ ಪರಿಕಲ್ಪನೆಯಂತೆ ರೂಪಿಸಿ, ಪ್ರಸಕ್ತ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಾರಿಗೊಳಿಸುತ್ತಿರುವ ಅಂತರಜಾಲ ಕನ್ನಡ ಜ್ಞಾನಕೋಶವಾಗಿದೆ. ಎಲ್ಲ ಬಗೆಯ ಜ್ಞಾನ ಸಾಹಿತ್ಯವನ್ನೂ ಕಲಿಕೆಗಾಗಿ ಕನ್ನಡದಲ್ಲಿ ಸಾರ್ವಜನಿಕರಿಗೆ ನೀಡುವುದು ಯೋಜನೆಯ ಉದ್ದೇಶವಾಗಿದೆ.
‘ಕಣಜದಲ್ಲಿ ನೀವೂ ಬರೆಯಬಹುದು. ಈ ಲೇಖನಗಳ ಹಕ್ಕುಸ್ವಾಮ್ಯದ ವಿವರಕ್ಕಾಗಿ ಈ ಕೊಂಡಿಗೆ ಬನ್ನಿ.

ಇತ್ತೀಚಿನ ಕೃತಿಗಳು

ಕೇಂದ್ರ ಸರ್ಕಾರದ ಜಾಲತಾಣಗಳು

ತಾಂತ್ರಿಕ‌ ಜಾಲತಾಣಗಳು

ಕನ್ನಡ ಸಂಬಂಧಿ ಜಾಲತಾಣಗಳು

ಆಯೋಗಗಳು

ನ್ಯಾಯಾಲಯಗಳು

ಡೌನ್‌ಲೋಡ್‌ಗಳು

Go to Top