ನರಸಿಂಹಮೂರ್ತಿ

Home/Birthday/ನರಸಿಂಹಮೂರ್ತಿ
Loading Events
This event has passed.

೦೨.೦೭.೧೯೭೧ ತಮ್ಮ ಅಭಿವ್ಯಕ್ತಿಗಾಗಿ ಚಿತ್ರಕಲೆಯನ್ನು ಸಮರ್ಥವಾಗಿ ದುಡಿಸಿಕೊಳ್ಳುತ್ತಿರುವ ನರಸಿಂಹಮೂರ್ತಿಯವರು ಹುಟ್ಟಿದ್ದು ತುಮಕೂರು ಜಿಲ್ಲೆಯ ಕೆಂಪನದೊಡ್ಡಗ್ರಾಮ. ತಂದೆ ಆನಂದಮೂರ್ತಿ, ತಾಯಿ ಸರೋಜಮ್ಮ. ಚಿತ್ರಕಲೆಯಿಂದ ಆಸಕ್ತರಾಗಿ ರವೀಂದ್ರಕಲಾ ನಿಕೇತನದಿಂದ ಪಡೆದ ಡಿಪ್ಲೊಮ. ಪೂರ್ಣಪ್ರಮಾಣದ ಕಲಾವಿದರಾಗಿ ಉದ್ಯೋಗ. ರಾಜ್ಯಮಟ್ಟದ ಕಲಾವಿದರ ಶಿಬಿರ – ವಿಜಾಪುರ, ಜಗಳೂರು, ದಕ್ಷಿಣವಲಯದ ಸಾಂಸ್ಕೃತಿಕ ಕೇಂದ್ರದ ಕಲಾ ಶಿಬಿರ, ತಂಜಾವೂರು ಮತ್ತು ಲಲಿತ ಕಲಾ ಅಕಾಡೆಮಿ ಸಹಯೋಗದ ಕಲಾ ಶಿಬಿರಗಳಲ್ಲಿ ಭಾಗಿ. ರಾಷ್ಟ್ರೀಯ ಮಟ್ಟದ ಕಲಾ ಶಿಬಿರಗಳಾದ ಹತ್ತನೆಯ ರಾಷ್ಟ್ರೀಯ ಕಲಾಮೇಳ-ನವದೆಹಲಿ, ಏಳನೆಯ ಕರ್ನಾಟಕ ಕಲಾಮೇಳ-ಬೆಂಗಳೂರು ಮತ್ತು ನವದೆಹಲಿ, ಕಲ್ಪಕುಂಚ ಆರ್ಟ್‌ಗ್ಯಾಲರಿ – ತುಮಕೂರು, ವೆಂಕಟಪ್ಪ ಆರ್ಟ್ ಗ್ಯಾಲರಿ-ಬೆಂಗಳೂರು, ಟು ಡೇಸ್‌ ಆರ್ಟ್ ಎಕ್ಸಿಬಿಷನ್‌, ತುಮಕೂರು, ಶಾಂತಿನಿಕೇತನ ಚಿತ್ರಕಲಾಶಾಲೆ-ಚಿಕ್ಕಮಗಳೂರು, ದಕ್ಷಿಣ ವಲಯ ಸಾಂಸ್ಕೃತಿಕ ಕಲಾಪ್ರದರ್ಶನ-ನಾಗಪುರ, ಭರಣ ಆರ್ಟ್‌ಗ್ಯಾಲರಿ-ಮೈಸೂರು, ಮೈಸೂರು ದಸರಾ ಚಿತ್ರಕಲಾ ಪ್ರದರ್ಶನ, ಸುವರ್ಣ ಸ್ವಾತಂತ್ರೋತ್ಸವ ಕಲಾ ಪ್ರದರ್ಶನ ಮುಂತಾದವುಗಳಲ್ಲಿ ಪ್ರದರ್ಶನಗಳು. ದೆಹಲಿಯ ಆರ್ಟ್‌ ಟುಡೇ ಗ್ಯಾಲರಿ, ಮೈಸೂರಿನ ಭರಣ ಆರ್ಟ್ ಗ್ಯಾಲರಿ, ದಾವಣಗೆರೆಯ ಕುವೆಂಪು ವಿಶ್ವವಿದ್ಯಾಲಯ, ರವೀಂದ್ರಕಾಲೇಜ್‌ ಆಫ್‌ಫೈನ್‌ಆರ್ಟ್ಸ್- ತುಮಕೂರು, ವಿಜಾಪುರದ ಬಿ.ಎಲ್‌.ಡಿ.ಇ ಎಜುಕೇಷನ್‌ ಸೊಸೈಟಿ ಮುಂತಾದೆಡೆಯ ಸಂಗ್ರಹಗಳಲ್ಲಿ ಚಿತ್ರಕಲೆಗಳು ಸಂಗ್ರಹೀತ. ಸಂದ ಪ್ರಶಸ್ತಿ ಗೌರವಗಳು – ಬಿಜಾಪುರದಲ್ಲಿ ನಡೆದ ಕಲಾ ಮಹೋತ್ಸವದಲ್ಲಿ ರಾಜ್ಯಪ್ರಶಸ್ತಿ, ದಕ್ಷಿಣ ವಲಯ ಕ್ಯಾಮ್ಲಿನ್‌ಆರ್ಟ್ ಫೌಂಡೇಷನ್ನಿನಿಂದ ಚೆನ್ನೈನಲ್ಲಿ ನಡೆದ ಸಮಾರಂಭದಲ್ಲಿ ಪಡೆದ ಪ್ರಶಸ್ತಿ ಪ್ರಮುಖವಾದುವುಗಳು.   ಇದೇ ದಿನ ಹುಟ್ಟಿದ ಕಲಾವಿದೆ: ಪ್ರಮೀಳ. ಎ.ಎಸ್‌- ೧೯೭೦

* * *

ಸಂಪರ್ಕ ಮಾಹಿತಿ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
ಇ-ಕನ್ನಡ ವಿಭಾಗ
ಮೊದಲನೆಯ ಮಹಡಿ, ಕನ್ನಡ ಭವನ
ಜಯಚಾಮರಾಜೇಂದ್ರ ಒಡೆಯರ್ ರಸ್ತೆ
ಬೆಂಗಳೂರು- ೫೬೦ ೦೦೨

Phone: ೦೮೦-೨೨೨೨೭೪೭೮

Fax: ೦೮೦-೨೨೨೧೪೩೭೯

Web: http://www.kanaja.karnataka.gov.in

ಕಣಜ – ಅಂತರಜಾಲ ಕನ್ನಡ ಜ್ಞಾನಕೋಶ

ಕಣಜವು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗದ ಪರಿಕಲ್ಪನೆಯಂತೆ ರೂಪಿಸಿ, ಪ್ರಸಕ್ತ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಾರಿಗೊಳಿಸುತ್ತಿರುವ ಅಂತರಜಾಲ ಕನ್ನಡ ಜ್ಞಾನಕೋಶವಾಗಿದೆ. ಎಲ್ಲ ಬಗೆಯ ಜ್ಞಾನ ಸಾಹಿತ್ಯವನ್ನೂ ಕಲಿಕೆಗಾಗಿ ಕನ್ನಡದಲ್ಲಿ ಸಾರ್ವಜನಿಕರಿಗೆ ನೀಡುವುದು ಯೋಜನೆಯ ಉದ್ದೇಶವಾಗಿದೆ.
‘ಕಣಜದಲ್ಲಿ ನೀವೂ ಬರೆಯಬಹುದು. ಈ ಲೇಖನಗಳ ಹಕ್ಕುಸ್ವಾಮ್ಯದ ವಿವರಕ್ಕಾಗಿ ಈ ಕೊಂಡಿಗೆ ಬನ್ನಿ.

ಇತ್ತೀಚಿನ ಕೃತಿಗಳು

Go to Top