ಪುತ್ತೂರು ನರಸಿಂಹನಾಯಕ್

Home/Birthday/ಪುತ್ತೂರು ನರಸಿಂಹನಾಯಕ್
Loading Events

೧೯೫೮ ದಾಸವಾಣಿ-ಭಕ್ತಿ ಗೀತೆಗಳ ವಿಶಿಷ್ಟ ಗಾಯಕರೆನಿಸಿರುವ ನರಸಿಂಹನಾಯಕ್ ರವರು ಹುಟ್ಟಿದ್ದು ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು. ತಂದೆ ಹರಿಹರ ನಾಯಕ್, ತಾಯಿ ವರಲಕ್ಷ್ಮೀನಾಯಕ್. ದೇವದಾಸ ನಾಯಕರ ಮಾರ್ಗದರ್ಶನದಲ್ಲಿ ಪಡೆದ ಸಂಗೀತ ಶಿಕ್ಷಣ. ರಾಷ್ಟ್ರಾದ್ಯಂತ ನೀಡಿದ ಸುಗಮ ಸಂಗೀತ ಕಚೇರಿಗಳು. ದಾಸವಾಣಿಯ ಭಕ್ತಿ ಗೀತೆಗಳ ಗಾಯನದಲ್ಲಿ ಪಡೆದ ಪರಿಶ್ರಮ. ನೂರು ಸಂಪುಟಗಳಲ್ಲಿ ದಾಸರ ಪದಗಳ ಧ್ವನಿಮುದ್ರಿಕೆ, ಸಿಡಿ ಬಿಡುಗಡೆ. ಸುಮಾರು ೧೫೦ಕ್ಕು ಹೆಚ್ಚು ಸಿಡಿಗಳ ಹಾಡುಗಳಿಗೆ ಇವರು ನೀಡಿದ ಸಂಗೀತ ನಿರ್ದೇಶನದಲ್ಲಿ ಅನೂಪ್ ಜಲೋಟ್, ಸಾಧನ ಸರಗಮ್, ರೂಪಕುಮಾರ್ ರಾಥೋಡ್, ಸಿ. ಅಶ್ವತ್ಥ್, ವಾಣಿ ಜಯರಾಂ ಮುಂತಾದ ಪ್ರಖ್ಯಾತ ಗಾಯಕರ ಹಾಡುಗಾರಿಕೆ. ತುಳು, ಕೊಂಕಣಿ, ತೆಲುಗು, ತಮಿಳು, ಮರಾಠಿ, ಹಿಂದಿ ಭಾಷೆಗಳ ಆಲ್ಬಮ್‌ಗಳಿಗೆ ಹಾಡುಗಾರಿಕೆ. ಹತ್ತು ಸಾವಿರಕ್ಕು ಹೆಚ್ಚು ಹಾಡುಗಳ ಅತ್ಯಧಿಕ ಆಲ್ಬಮ್ ತಂದಿರುವ ಗಾಯಕರೆಂಬ ಹೆಗ್ಗಳಿಕೆ, ಜಿ.ಕೆ. ವೆಂಕಟೇಶ್, ಎಂ. ರಂಗರಾವ್, ಸತ್ಯಮ್, ವಿಜಯಭಾಸ್ಕರ್, ರಾಜನ್‌ ನಾಗೇಂದ್ರ, ಟಿ.ಜಿ. ಲಿಂಗಪ್ಪ, ಹಂಸಲೇಖ ಮುಂತಾದವರ ನಿರ್ದೇಶನದಲ್ಲಿ ೩೦ಕ್ಕು ಹೆಚ್ಚು ಚಲನಚಿತ್ರದ ಹಿನ್ನೆಲೆ ಗಾಯಕರು, ದೂರದರ್ಶನದ “ಈಶ್ವರ ಅಲ್ಲಾ ನೀನೇ ಎಲ್ಲಾ” ಧಾರವಾಹಿಗಾಗಿ ಶಿಶುನಾಳ ಷರೀಫರ ೬೦ ಹಾಡುಗಳ ಗಾಯನ. ಮೂರು ಬಾರಿ ಅಮೆರಿಕಾದಲ್ಲಿ, ಕೆನಡ, ಯು.ಎ.ಇ., ಬೆಹರೇನ್ ಮುಂತಾದೆಡೆ ನಡೆಸಿಕೊಟ್ಟ ಕಾರ್ಯಕ್ರಮಗಳು. ಕೆಂಡದ ಮಳೆ, ಗೌರಿಗಣೇಶ ಚಿತ್ರದ ಉತ್ತಮ ಹಿನ್ನೆಲೆಗಾಯನಕ್ಕೆ ರಾಜ್ಯ ಸರಕಾರದ ಪ್ರಶಸ್ತಿ, ಆರ್ಯಭಟ ಪ್ರಶಸ್ತಿ, ಕರಾವಳಿ ರತ್ನ ಪ್ರಶಸ್ತಿ, ವಾಷಿಂಗ್‌ಟನ್ ಡಿ.ಸಿ. ವಿಶ್ವಮಾಧ್ವ ಸಂಘದಿಂದ ಪ್ರಶಸ್ತಿ, ಮಂತ್ರಾಲಯ ಸಂಸ್ಥಾನದಿಂದ ವಿಜಯ ದುಂದುಬಿ ಪ್ರಶಸ್ತಿ, ಕರ್ನಾಟಕ ಸಂಗೀತ ನೃತ್ಯ ಅಕಾಡಮಿ, ರಾಜ್ಯೋತ್ಸವ ಪ್ರಶಸ್ತಿ ಮುಂತಾದ ಪ್ರಶಸ್ತಿಗಳು.   ಇದೇ ದಿನ ಹುಟ್ಟಿದ ಕಲಾವಿದರು : ರಾಮು ಎಸ್. – ೧೯೪೯ ವೀರಯ್ಯಸ್ವಾಮಿ – ೧೯೪೯ ಚಂದ್ರಿಕಾ ಆರ್. – ೧೯೫೮ ಸುನಂದ ಕಂದಗಲ್ – ೧೯೪೯ ಪ್ರಕಾಶ್ ಆರ್.ಎನ್. – ೧೯೬೫

* * *

ಸಂಪರ್ಕ ಮಾಹಿತಿ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
ಇ-ಕನ್ನಡ ವಿಭಾಗ
ಮೊದಲನೆಯ ಮಹಡಿ, ಕನ್ನಡ ಭವನ
ಜಯಚಾಮರಾಜೇಂದ್ರ ಒಡೆಯರ್ ರಸ್ತೆ
ಬೆಂಗಳೂರು- ೫೬೦ ೦೦೨

Phone: ೦೮೦-೨೨೨೨೭೪೭೮

Fax: ೦೮೦-೨೨೨೧೪೩೭೯

Web: http://www.kanaja.karnataka.gov.in

ಕಣಜ – ಅಂತರಜಾಲ ಕನ್ನಡ ಜ್ಞಾನಕೋಶ

ಕಣಜವು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗದ ಪರಿಕಲ್ಪನೆಯಂತೆ ರೂಪಿಸಿ, ಪ್ರಸಕ್ತ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಾರಿಗೊಳಿಸುತ್ತಿರುವ ಅಂತರಜಾಲ ಕನ್ನಡ ಜ್ಞಾನಕೋಶವಾಗಿದೆ. ಎಲ್ಲ ಬಗೆಯ ಜ್ಞಾನ ಸಾಹಿತ್ಯವನ್ನೂ ಕಲಿಕೆಗಾಗಿ ಕನ್ನಡದಲ್ಲಿ ಸಾರ್ವಜನಿಕರಿಗೆ ನೀಡುವುದು ಯೋಜನೆಯ ಉದ್ದೇಶವಾಗಿದೆ.
‘ಕಣಜದಲ್ಲಿ ನೀವೂ ಬರೆಯಬಹುದು. ಈ ಲೇಖನಗಳ ಹಕ್ಕುಸ್ವಾಮ್ಯದ ವಿವರಕ್ಕಾಗಿ ಈ ಕೊಂಡಿಗೆ ಬನ್ನಿ.

ಇತ್ತೀಚಿನ ಕೃತಿಗಳು

Go to Top