ವಿಜಯರಾವ್‌ ಎಚ್‌.ಕೆ.

Home/Birthday/ವಿಜಯರಾವ್‌ ಎಚ್‌.ಕೆ.
Loading Events

೨೮.೧೦.೧೯೫೩ ರಂಗಭೂಮಿಯ ನಾಟಕ ಸ್ಪರ್ಧೆಗಳ ಮೂಲಕ ನಿರಂತರ ನಾಟಕಗಳನ್ನೇರ‍್ಪಡಿಸಿ ಗಿನ್ನಿಸ್‌ ದಾಖಲೆಗೆ ಪ್ರಯತ್ನಿಸಿದ ವಿಜಯರಾವ್‌ ಹುಟ್ಟಿದ್ದು ಹೊಸಕೋಟೆಯಲ್ಲಿ. ಪ್ರಾರಂಭಿಕ ಶಿಕ್ಷಣ ಹೊಸಕೋಟೆ. ನಂತರ ಸೇರಿದ್ದು ಎಸ್‌.ಜೆ.ಪಾಲಿಟೆಕ್ನಿಕ್‌. ಶಾಲೆಯಲ್ಲಿದ್ದಾಗಲೇ ನಾಟಕದ ಹುಚ್ಚಿಗೆ ಒಳಗಾಗಿ ‘ತ್ಯಾಗಿ’ ನಾಟಕದಲ್ಲಿ ಹುಡುಗಿಯ ಪಾತ್ರದ ಮೂಲಕ ರಂಗಭೂಮಿ ಪ್ರವೇಶ. ಡಿಪ್ಲೊಮ ಪಡೆದು ಉದ್ಯೋಗಕ್ಕೆ ಸೇರಿದ್ದು ಮೈಕೊ ಕಾರ್ಖಾನೆ. ಕಾರ್ಖಾನೆಯ ಲಲಿತ ಕಲಾ ಸಂಘದ ಸದಸ್ಯರಾಗಿ ಹಲವಾರು ಕಾರ್ಯಕ್ರಮಗಳಲ್ಲಿ ಭಾಗಿ. ಪ್ರಖ್ಯಾತ ರಂಗ ನಿರ್ದೇಶಕ ನಾಗಾಭರಣರ ಗಮನಕ್ಕೆ ಬಂದು ಮೃಚ್ಛಕಟಿಕ ನಾಟಕದಲ್ಲಿ ದೊರೆತ ಪಾತ್ರ. ಇಲ್ಲಿಂದ ಏರು ಮೆಟ್ಟಲಾಗಿ ಹಲವಾರು ಪ್ರಸಿದ್ಧ ನಿರ್ದೇಶಕರ ನಾಟಕಗಳಲ್ಲಿ ದೊರೆತ ಪಾತ್ರ. ಸಿ.ಜಿ.ಕೃಷ್ಣಸ್ವಾಮಿಯವರ ನಿರ್ದೇಶನದ ಭುಟ್ಟೋ, ಆರ್‌. ನಾಗೇಶ್‌ ನಿರ್ದೇಶನದ ಆಸ್ಫೋಟ, ಬೆನಕ ತಂಡಕ್ಕೆ ಸೇರಿ ಸತ್ತವರ ನೆರಳು, ಜೋಕುಮಾರಸ್ವಾಮಿ, ತದ್ರೂಪಿ ನಾಟಕಗಳಲ್ಲಿ ದೊರೆತ ಪಾತ್ರಗಳು, ಹಲವಾರು ತಂಡಗಳೊಂದಿಗೆ ಸಂಪರ್ಕ. ಸೂತ್ರಧಾರ ತಂಡದೊಂದಿಗೆ ಹಲವಾರು ನಾಟಕಗಳಲ್ಲಿ ಅಭಿನಯ. ಚೈತ್ರಕಲಾ ನಿಕೇತನ ತಂಡದ ಸ್ಥಾಪನೆ. ರಂಗ ಗಂಗೋತ್ರಿ ತಂಡದೊಂದಿಗೆ ಭಾರತದ ಪ್ರಮುಖ ನಗರಗಳಲ್ಲಿ ಪ್ರದರ್ಶನಗೊಂಡ ಜೋಕುಮಾರಸ್ವಾಮಿ, ಈಡಿಪಸ್‌, ಅಲಾಮನ ಅದ್ಭುತ ನ್ಯಾಯ ಮುಂತಾದ ನಾಟಕಗಳಲ್ಲಿ ನಟ. ೧೯೯೦ ರಲ್ಲಿ ಚೈತ್ರ ಕಲಾ ಕೇತನ ತಂಡದ ಮೂಲಕ ರಾಜ್ಯಮಟ್ಟದ ನಾಟಕ ಸ್ಫರ್ಧೆಗಳ ಆಯೋಜನೆ. ರಾಜಧಾನಿ ದೆಹಲಿಯಲ್ಲಿ ಕನ್ನಡ ಸಂಘದ ಆಶ್ರಯದಲ್ಲಿ ೩೦ ಘಂಟೆಗಳ ನಿರಂತರ ನಾಟಕಗಳನ್ನು ಪ್ರದರ್ಶಿಸಿ ಗಿನ್ನಿಸ್‌ ದಾಖಲೆಗಾಗಿ ಮಾಡಿದ ಪ್ರಯತ್ನ. ಇದೊಂದು ರಂಗ ಭೂಮಿಯ ಅನನ್ಯ ಪ್ರಯತ್ನ. ಹಲವಾರು  ಸಂಘ ಸಂಸ್ಥೆಗಳಿಂದ ದೊರೆತ ಸನ್ಮಾನ.     ಇದೇದಿನಹುಟ್ಟಿದಕಲಾವಿದ: ಭೀಮಪ್ಪಚೆಟ್ಟಿ – ೧೯೨೨

* * *

ಸಂಪರ್ಕ ಮಾಹಿತಿ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
ಇ-ಕನ್ನಡ ವಿಭಾಗ
ಮೊದಲನೆಯ ಮಹಡಿ, ಕನ್ನಡ ಭವನ
ಜಯಚಾಮರಾಜೇಂದ್ರ ಒಡೆಯರ್ ರಸ್ತೆ
ಬೆಂಗಳೂರು- ೫೬೦ ೦೦೨

Phone: ೦೮೦-೨೨೨೨೭೪೭೮

Fax: ೦೮೦-೨೨೨೧೪೩೭೯

Web: http://www.kanaja.karnataka.gov.in

ಕಣಜ – ಅಂತರಜಾಲ ಕನ್ನಡ ಜ್ಞಾನಕೋಶ

ಕಣಜವು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗದ ಪರಿಕಲ್ಪನೆಯಂತೆ ರೂಪಿಸಿ, ಪ್ರಸಕ್ತ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಾರಿಗೊಳಿಸುತ್ತಿರುವ ಅಂತರಜಾಲ ಕನ್ನಡ ಜ್ಞಾನಕೋಶವಾಗಿದೆ. ಎಲ್ಲ ಬಗೆಯ ಜ್ಞಾನ ಸಾಹಿತ್ಯವನ್ನೂ ಕಲಿಕೆಗಾಗಿ ಕನ್ನಡದಲ್ಲಿ ಸಾರ್ವಜನಿಕರಿಗೆ ನೀಡುವುದು ಯೋಜನೆಯ ಉದ್ದೇಶವಾಗಿದೆ.
‘ಕಣಜದಲ್ಲಿ ನೀವೂ ಬರೆಯಬಹುದು. ಈ ಲೇಖನಗಳ ಹಕ್ಕುಸ್ವಾಮ್ಯದ ವಿವರಕ್ಕಾಗಿ ಈ ಕೊಂಡಿಗೆ ಬನ್ನಿ.

ಇತ್ತೀಚಿನ ಕೃತಿಗಳು

ಕೇಂದ್ರ ಸರ್ಕಾರದ ಜಾಲತಾಣಗಳು

ತಾಂತ್ರಿಕ‌ ಜಾಲತಾಣಗಳು

ಕನ್ನಡ ಸಂಬಂಧಿ ಜಾಲತಾಣಗಳು

ಆಯೋಗಗಳು

ನ್ಯಾಯಾಲಯಗಳು

ಡೌನ್‌ಲೋಡ್‌ಗಳು

Go to Top