ಸಂಗಮೇಶ್ವರ ಗುರವ

Home/Birthday/ಸಂಗಮೇಶ್ವರ ಗುರವ
Loading Events

೧೯೩೧ ಶುದ್ಧ ಕಿರಾಣ ಶೈಲಿಯಲ್ಲಿ ಹಾಡುವ ವಿರಳ ಗಾಯಕರಾದ ಸಂಗಮೇಶ್ವರ ಗುರವ ರವರು ಹುಟ್ಟಿದ್ದು ಜಮಖಂಡಿಯಲ್ಲಿ. ತಂದೆ ಗಣಪತಿರಾವ್ ಗುರವ, ತಾಯಿ ನಂದೆವ್ವ. ಪ್ರಾರಂಭದಲ್ಲಿ ಅಬ್ದುಲ್ ಕರೀಂಖಾನರ ಗಾಯನದ ಅನುಕರಣೆ, ಜಮಖಂಡಿ ಸಂಸ್ಥಾನದ ಆಸ್ಥಾನ ಗಾಯಕರಾಗಿದ್ದ ತಂದೆಯಿಂದಲೇ ಸಂಗೀತದ ಪ್ರಥಮ ಪಾಠ. ಉದ್ಯೋಗ ಸೇರಿದ್ದು ಗಂಜೀ ಫ್ರಾಕ್ ಕಾರ್ಖಾನೆ. ಕೆಲಸ ಮುಗಿದ ತಕ್ಷಣ ಸಂಗೀತ ಕಲಿಕೆ. ಧಾರವಾಡದ ಆಕಾಶವಾಣಿ ಕಲಾವಿದರಾಗಿ ಹಲವಾರು ಕೇಂದ್ರಗಳಿಂದ ಹಾಡುಗಾರಿಕೆಯ ಪ್ರಸಾರ. ಕರ್ನಾಟಕ ವಿಶ್ವವಿದ್ಯಾಲಯದ ಸ್ನಾತಕೋತ್ತರ ಸಂಗೀತ ವಿಭಾಗದ ನಿರ್ದೇಶಕರಾಗಿದ ಮಲ್ಲಿಕಾರ್ಜುನ ಮನಸೂರರಿಂದ ಸಂಗೀತದ ಅಧ್ಯಾಪಕರಾಗಿ ನೇಮಕ, ಸಾವಿರಾರು ವಿದ್ಯಾರ್ಥಿಗಳಿಗೆ ನೀಡಿದ ಸಂಗೀತ ಶಿಕ್ಷಣ. ಸುಪ್ರಸಿದ್ಧ ಮರಾಠಿ ಸಾಹಿತಿ ರಣಜಿತ್ ದೇಸಾಯಿಯವರು ತಮ್ಮ ಮನೆಯಲ್ಲಿ ಸೇರಿದ ಬೈಠರ್ ಸಂದರ್ಭದಲ್ಲಿ ಇವರ ಗಾಯನಮಟ್ಟಿ ಬೆರಳಲ್ಲಿದ್ದ ಉಂಗುರವನ್ನು ಇವರಿಗೆ ತೊಡಿಸಿ ಗಾಯಕನಿಗೆ ತೋರಿದ ಗೌರವ. ಭೀಮಸೇನ ಜೋಶಿ, ಗಂಗೂಬಾಯಿ ಹಾನಗಲ್, ಹಿರಾಬಾಯಿ ಬಡೋದಕರ ಮುಂತಾದವರಿಂದ ಪಡೆದ ಪ್ರಶಂಸೆ. ಭಕ್ತಿಪ್ರಧಾನವಾದ ಸಂಗೀತವೆಂದರೆ ಅಚ್ಚುಮೆಚ್ಚು. ವಚನಗಳು, ಅಭಂಗಗಳು, ಕಬೀರರ ಭಜನೆಗಳು, ದಾಸರ ಪದಗಳು ಎಲ್ಲದರಲ್ಲೂ ಹೊಮ್ಮುವ ಭಕ್ತಿರಸ. ಪುಣೆಯ ಸಂಗೀತ ಸಂಸ್ಥೆಯಿಂದ ಸೂರಸೇನ ಪ್ರಶಸ್ತಿ, ಕರ್ನಾಟಕ ಸಂಗೀತ ನೃತ್ಯ ಅಕಾಡಮಿ ಪ್ರಶಸ್ತಿ, ಕರ್ನಾಟಕ ರಾಜ್ಯ ಸಂಗೀತ ವಿದ್ವಾನ್ ಪದವಿ, ಕೇಂದ್ರ ಸಂಗೀತ ನಾಟಕ ಅಕಾಡಮಿ ಪ್ರಶಸ್ತಿ ಮುಂತಾದ ಪ್ರಶಸ್ತಿ ಪುರಸ್ಕೃತರು.   ಇದೇ ದಿನ ಹುಟ್ಟಿದ ಕಲಾವಿದರು : ಅಶ್ವತ್ಥಾಚಾರಿ ಬಿ.ಕೆ. – ೧೯೩೨ ಆಚಾರ್ಯ ಪಿ.ಆರ್. – ೧೯೪೫ ರಾಘವ ನಂಬಿಯಾರ್ ಕೆ.ಎಂ. – ೧೯೩೨

* * *

ಸಂಪರ್ಕ ಮಾಹಿತಿ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
ಇ-ಕನ್ನಡ ವಿಭಾಗ
ಮೊದಲನೆಯ ಮಹಡಿ, ಕನ್ನಡ ಭವನ
ಜಯಚಾಮರಾಜೇಂದ್ರ ಒಡೆಯರ್ ರಸ್ತೆ
ಬೆಂಗಳೂರು- ೫೬೦ ೦೦೨

Phone: ೦೮೦-೨೨೨೨೭೪೭೮

Fax: ೦೮೦-೨೨೨೧೪೩೭೯

Web: http://www.kanaja.karnataka.gov.in

ಕಣಜ – ಅಂತರಜಾಲ ಕನ್ನಡ ಜ್ಞಾನಕೋಶ

ಕಣಜವು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗದ ಪರಿಕಲ್ಪನೆಯಂತೆ ರೂಪಿಸಿ, ಪ್ರಸಕ್ತ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಾರಿಗೊಳಿಸುತ್ತಿರುವ ಅಂತರಜಾಲ ಕನ್ನಡ ಜ್ಞಾನಕೋಶವಾಗಿದೆ. ಎಲ್ಲ ಬಗೆಯ ಜ್ಞಾನ ಸಾಹಿತ್ಯವನ್ನೂ ಕಲಿಕೆಗಾಗಿ ಕನ್ನಡದಲ್ಲಿ ಸಾರ್ವಜನಿಕರಿಗೆ ನೀಡುವುದು ಯೋಜನೆಯ ಉದ್ದೇಶವಾಗಿದೆ.
‘ಕಣಜದಲ್ಲಿ ನೀವೂ ಬರೆಯಬಹುದು. ಈ ಲೇಖನಗಳ ಹಕ್ಕುಸ್ವಾಮ್ಯದ ವಿವರಕ್ಕಾಗಿ ಈ ಕೊಂಡಿಗೆ ಬನ್ನಿ.

ಇತ್ತೀಚಿನ ಕೃತಿಗಳು

Go to Top