ಹೊ. ರಾ. ಸತ್ಯನಾರಾಯಣರಾವ್

Home/Birthday/ಹೊ. ರಾ. ಸತ್ಯನಾರಾಯಣರಾವ್
Loading Events
This event has passed.

೨೮-೨-೧೯೩೦ ಹುಟ್ಟಿದ್ದು ಕೋಲಾರ ಜಿಲ್ಲೆಯ ಬಂಗಾರಪೇಟೆ. ತಂದೆ ಎಚ್.ಸಿ.ರಾಮರಾವ್, ತಾಯಿ ಜಾನಕೀಬಾಯಿ. ಪ್ರಾಥಮಿಕ ಮತ್ತು ಮಾಧ್ಯಮಿಕ ಶಿಕ್ಷಣ-ಬಂಗಾರು ಪೇಟೆ, ಚಿಂತಾಮಣಿಗಳಲ್ಲಿ. ನಂತರ ಮೈಸೂರಿನ ಶಾರದ ವಿಲಾಸ ಹೈಸ್ಕೂಲು. ಶಾರದಾ ವಿಲಾಸ್ ಕಾಲೇಜಿನಲ್ಲಿ ಇಂಟರ್ ಮೀಡಿಯೆಟ್. ಬೆಂಗಳೂರಿನ ಸೆಂಟ್ರಲ್ ಕಾಲೇಜಿನಲ್ಲಿ ಬಿ.ಎಸ್‌ಸಿ. ಪದವಿ. ಕರ್ನಾಟಕ ವಿಶ್ವ ವಿದ್ಯಾಲಯದಿಂದ ಕನ್ನಡ ಎಂ.ಎ. ಭಾರತೀಯ ದೂರವಾಣಿ ಕಾರ್ಖಾನೆಯಲ್ಲಿ ವೃತ್ತಿ ಆರಂಭ. ಸೆಂಟ್ರಲ್ ಕಾಲೇಜಿನಲ್ಲಿದ್ದಾಗ ಶ್ರೀ ವಿ.ಸೀ., ಕ್ಷೀರಸಾಗರ, ಎಲ್.ಎಸ್. ಶೇಷಗಿರಿರಾವ್, ರಾಜರತ್ನಂ ಮುಂತಾದವರ ಮಾರ್ಗದರ್ಶನ, ಸಾಹಿತ್ಯಾಸಕ್ತಿ. ವಿನೋದ, ತರಂಗ, ಮಂಗಳಾ, ಸುಧಾ ಮುಂತಾದ ಪತ್ರಿಕೆಗಳಿಗೆ ಬರೆದ ಲೇಖನಗಳು ಪ್ರಕಟಿತ. ಸ್ನೇಹಿತರೊಡಗೂಡಿ ಹುಟ್ಟು ಹಾಕಿದ್ದು ‘ಹೊಂಬೆಳಗು’, ಧ್ರುವ ಪತ್ರಿಕೆಗಳು, ವನಸುಮ ಪ್ರಕಾಶನ ಸಂಸ್ಥೆ, ಸಾಹಿತ್ಯ ಪರಿಷತ್ತಿನ ಒಡನಾಟ, ಜಿ.ನಾರಾಯಣರ ನೇತೃತ್ವದಲ್ಲಿ ಮನೆಮನೆಗೂ ಸರಸ್ವತಿ ಕಾರ‍್ಯಕ್ರಮದಡಿ ಇಡೀ ಬೆಂಗಳೂರಿನ ಪಾದಯಾತ್ರೆ, ಪುಸ್ತಕ ಮಾರಾಟ. ಭ್ರಮರ, ಮೂರು ಹೆಣ್ಣು ನೂರು ತೆರ, ಗಾಜಿನ ಮನೆ, ಅಪರಾಜಿತೆ, ಸಾವಿತ್ರಿ, ಪ್ರೇಮ ನಕ್ಷತ್ರ, ವಸಂತ ಚಂದ್ರ-ಇವು ತೆಲುಗಿನಿಂದ ಅನುವಾದಿತ ಕಾದಂಬರಿಗಳು. ‘ವೀರೇಶಲಿಂಗಂ ಪಂತುಲು’, ‘ಪೋತನ’-ಮಕ್ಕಳಿಗಾಗಿ ಬರೆದ ಪುಸ್ತಕಗಳು. ಮೇಡಂ ಕ್ಯೂರಿ, ಚಂದ್ರಶೇಖರ ಆಜಾದ್, ಎಂ.ಆರ್.ಶ್ರೀ. ಜೀವನ ಮತ್ತು ಕಾರ‍್ಯ-ಜೀವನ ಚರಿತ್ರೆಗಳು. ‘ಕನ್ನಡ ತಾಯಿಗೆ ನುಡಿನಮನ’ ಶ್ರೀ ಎಲ್.ಎಸ್.ಶೇಷಗಿರಿರಾಯರೊಡನೆ (ಹಂಪಿ ವಿಶ್ವವಿದ್ಯಾಲಯದಿಂದ ಸುಮಾರು ೨೦೦೦೦ ಪ್ರತಿ ಮುದ್ರಿತ). ಕನ್ನಡ ನುಡಿಮಲ್ಲಿಗೆ-ಸಂಪಾದಿತ. ಕನಕದಾಸರ, ಪುರಂದರದಾಸರ ಜನಪ್ರಿಯ ಹಾಡುಗಳು, ಕಿತಾಪತಿ-ಹರಟೆಯ ಸಂಗ್ರಹ ಪ್ರಕಟಿತ. ದೇವುಡು ದರ್ಶನ, ಹರಿದಾಸರು ಕಂಡ ಶ್ರೀನಿವಾಸ, ದಾರ್ಶನಿಕರು ಕಂಡ ಆಂಜನೇಯ, ಒಬ್ಬ ಕವಿಯ ಬಗ್ಗೆ ಮತ್ತೊಬ್ಬ ಕವಿ ಬರೆದ ಕವಿತೆಗಳ ಸಂಗ್ರಹ, ‘ಕವಿಕಂಡ ಕವಿ’ ಕವನ ಸಂಗ್ರಹ ಮುಂತಾದುವು ಇತರರೊಡನೆ ಸಂಪಾದಿಸಿದ ಕೃತಿಗಳು.   ಇದೇ ದಿನ ಹುಟ್ಟಿದ ಸಾಹಿತಿಗಳು : ಸರಸ್ವತಿ ಗೌಡರ್ – ೧೯೨೩-೧.೭.೭೩ ಬಾಗಲೋಡಿ ದೇವರಾಯರು – ೧೯೨೭-೨೫.೭.೧೯೮೫ ಸಂಪಟೂರು ವಿಶ್ವನಾಥ – ೧೯೩೮

ಸಂಪರ್ಕ ಮಾಹಿತಿ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
ಇ-ಕನ್ನಡ ವಿಭಾಗ
ಮೊದಲನೆಯ ಮಹಡಿ, ಕನ್ನಡ ಭವನ
ಜಯಚಾಮರಾಜೇಂದ್ರ ಒಡೆಯರ್ ರಸ್ತೆ
ಬೆಂಗಳೂರು- ೫೬೦ ೦೦೨

Phone: ೦೮೦-೨೨೨೨೭೪೭೮

Fax: ೦೮೦-೨೨೨೧೪೩೭೯

Web: http://www.kanaja.karnataka.gov.in

ಕಣಜ – ಅಂತರಜಾಲ ಕನ್ನಡ ಜ್ಞಾನಕೋಶ

ಕಣಜವು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗದ ಪರಿಕಲ್ಪನೆಯಂತೆ ರೂಪಿಸಿ, ಪ್ರಸಕ್ತ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಾರಿಗೊಳಿಸುತ್ತಿರುವ ಅಂತರಜಾಲ ಕನ್ನಡ ಜ್ಞಾನಕೋಶವಾಗಿದೆ. ಎಲ್ಲ ಬಗೆಯ ಜ್ಞಾನ ಸಾಹಿತ್ಯವನ್ನೂ ಕಲಿಕೆಗಾಗಿ ಕನ್ನಡದಲ್ಲಿ ಸಾರ್ವಜನಿಕರಿಗೆ ನೀಡುವುದು ಯೋಜನೆಯ ಉದ್ದೇಶವಾಗಿದೆ.
‘ಕಣಜದಲ್ಲಿ ನೀವೂ ಬರೆಯಬಹುದು. ಈ ಲೇಖನಗಳ ಹಕ್ಕುಸ್ವಾಮ್ಯದ ವಿವರಕ್ಕಾಗಿ ಈ ಕೊಂಡಿಗೆ ಬನ್ನಿ.

ಇತ್ತೀಚಿನ ಕೃತಿಗಳು

Go to Top