ನೇತ್ರದಾನ ಮಹಾದಾನ – Kanaja

	ಕಣ್ಣುಗಳು ಪಕೃತಿಯು ನಮಗೆ ನೀಡಿರುವ ಅತ್ಯಮೂಲ್ಯ ಕೊಡುಗೆ. ಅತ್ಯಂತ ಸೂಕ್ಷ್ಮವಾದ ಈ ಅಂಗ ನಮ್ಮ ಮನದೊಳಗೆ ಹರ್ಷ, ಕೋಪ, ಬೇಸರ, ದುಃಖದಂತಹ ಭಾವನೆಗಳನ್ನಷ್ಟೇ ಅಲ್ಲ, ನಮ್ಮ ದೇಹಕ್ಕೆ ಬರುವ ಹಲವಾರು ಕಾಯಿಲೆಗಳನ್ನೂ ಸಹ ಯಥಾವತ್ತಾಗಿ ಬಿಂಬಿಸುವ ಕನ್ನಡಿ. ಪ್ರಕೃತಿಯ ಅದ್ಭುತ ಜೀವಜಾಲವನ್ನು ಅದರ ಎಲ್ಲಾ ಬಣ್ಣ-ಬೆಡಗು, ಚಲನೆಯೊಂದಿಗೆ ಕಾಣುವ ಭಾಗ್ಯ ಮನುಕುಲಕ್ಕೆ ಸಾಧ್ಯವಾಗಿರುವುದು ಕಣ್ಣೆಂಬ ತಂಪನೆಯ ಬೆಳಕಿನ ದೀಪಗಳಿಂದ. ಇಂತಹ ಭಾಗ್ಯದಿಂದ ವಂಚಿತರಾದವರಿಗೆ ನೇತ್ರದಾನದ ಮೂಲಕ ದೃಷ್ಟಿ ಬೆಳಕು ಲಭಿಸುವಂತಾದರೆ ಅಂತಹ ದಾನ ಅತ್ಯಂತ ಸಾರ್ಥಕವಾದುದು.