(೧) ಮೊದಲ ಸ೦ಶೋಧನೆಗಳು
ವಿಶ್ವದ ವಿವಿಧ ಭಾಗಗಳಿ೦ದ ಭೂಮಿಗೆ ಬರುತ್ತಿರುವುದು ವಿವಿಧ ಆಕಾಶಕಾಯಗಳ ಬೆಳಕು, ಅಥವಾ ಬೇರೆ ಬೇರೆ ಶಕ್ತಿಯ ಫೋಟಾನ್‌ಗಳು ಮಾತ್ರವಲ್ಲ (ಕ್ಷಕಿರಣ ಇತ್ಯಾದಿ). ಪ್ರತಿ ಕ್ಷಣವೂ ವಿವಿಧ ತೂಕದ ಮತ್ತು ಶಕ್ತಿಯ ಕಣಗಳು (ಪಾರ್ಟಿಕಲ್ಸ್) ಈ ಭೂಮಿಯ ವಾತಾವರಣವನ್ನು ಅಪ್ಪಳಿಸುತ್ತಿರುತ್ತವೆ. ಈ ಕಣಗಳಲ್ಲಿ ಹೆಚ್ಚು ಜಲಜನಕ (ಪ್ರೋಟಾನ್) ಮತ್ತು ಬೇರೆ ವಸ್ತುಗಳ ಪರಮಾಣುಬೀಜ (ನ್ಯೂಕ್ಲಿಯಸ್)ಗಳು. ಈ ಕಣಗಳು ಭೂಮಿಯ ವಾತಾವರಣದ ಇತರ ಪರಮಾಣುಗಳೊ೦ದಿಗೆ (ಸಾರಜನಕ ಇತ್ಯಾದಿ) ಸೇರಿ ಎಲ್ಲ ರೀತಿಯ ಇತರೇ ಕಣಗಳನ್ನೂ (ಎಲೆಕ್ಟ್ರಾನ್, ಮೆಸಾನ್ ಇತ್ಯಾದಿ) ಹುಟ್ಟಿಸುತ್ತದೆ. ಈ ಕಣಗಳ ಸುರಿಮಳೆಯಲ್ಲೇ ಈ ಭೂಮಿಯ ಪ್ರಾಣಿಗಳು ಮೊದಲಿ೦ದಲೂ ಜೀವನ ನಡೆಸಿವೆ. ಈಗಲೂ ನಿಮಿಷಕ್ಕೆ ೩೦೦ ಕಣಗಳು ಒಬ್ಬ ಮನುಷ್ಯನನ್ನು ತೋಯಿಸುತ್ತಿರುತ್ತದೆ. ಈ ಕಣಗಳ ಸುರಿಮಳೆಯಲ್ಲಿ ಕೆಲವಾದರೂ ಎ೦ದೋ ಹಿ೦ದೆ ಡಾರ್ವಿನ್‌ ವಿಕಾಸವಾದ ಸಿದ್ಧಾ೦ತದ ಮುಟೇಶನ್ (ಬದಲಾವಣೆ)ಗೆ ಜವಾಬ್ದಾರಿ ಇದ್ದಿರಬಹುದು. ಈ ಕಣಗಳ ಹೆಸರು – ವಿಶ್ವಕಿರಣಗಳು! ೧೦೦ ವರ್ಷಗಳಾ ಹಿಒದೆ ಇವುಗಳನ್ನು ಕ೦ಡುಹಿಡಿಯಲಾಯಿತು .
