ಪೇತ್ರಿ ಮಾಧವನಾಯ್ಕ

ತನ್ನ ಹದಿನಾಲ್ಕನೆಯ ವಯಸ್ಸಿನಲ್ಲಿಯೇ ಯಕ್ಷಗಾನ ರಂಗ ಪ್ರವೇಶಿಸಿದ ಪೇತ್ರಿ ಮಾಧವ ನಾಯ್ಕ ಅವರು ಯಕ್ಷಗಾನದಲ್ಲಿ ಎಲ್ಲ ಬಗೆಯ ಪಾತ್ರಗಳನ್ನು ಸಮರ್ಥವಾಗಿ
ನಿರ್ವಹಿಸಿರುವ ಕಲಾವಿದರು.
ಶಿವರಾಮ ಕಾರಂತರ ಯಕ್ಷಗಾನ ಬ್ಯಾಲೆಗೆ ಸೇರ್ಪಡೆಯಾದ ಮಾಧವ ನಾಯ್ಕರು ಮುಖ್ಯ ವೇಷಗಳಲ್ಲಿ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರರಾದವರು. ವೃತ್ತಿ ಯಕ್ಷ ರಂಗಭೂಮಿಯಲ್ಲಿ ರಾಕ್ಷಸ ಪಾತ್ರಗಳಲ್ಲಿ ಜನಮೆಚ್ಚುಗೆ ಪಡೆದ ಮಾಧವ ನಾಯ್ಕ ಅವರು ಘಟೋತ್ಕಚ ಪಾತ್ರ ಮಾತ್ರವಲ್ಲದೆ ಹಿಡಿಂಬಿ, ಶೂರ್ಪನಖಿ ಪಾತ್ರಗಳನ್ನು ಸಹ ಸೊಗಸಾಗಿ ಮೂಡಿಸಿದ್ದಾರೆ.
ಕರ್ನಾಟಕದ ಬಹತೇಕ ಎಲ್ಲ ಯಕ್ಷಗಾನ ಮೇಳಗಳಲ್ಲಿ ಕೆಲಸ ಮಾಡಿರುವ ಪೇತ್ರಿ ಮಾಧವ ನಾಯ್ಕ ಅವರಿಗೆ ಪ್ರತಿಷ್ಠಿತ ಕು.ಶಿ. ಹರಿದಾಸ ಭಟ್ ಪ್ರಶಸ್ತಿಯೂ ಸೇರಿದಂತೆ ಹಲವು ಗೌರವ ಪುರಸ್ಕಾರಗಳು ಸಂದಿವೆ. ಉಡುಪಿಯ ಎಂ.ಜಿ.ಎಂ ಯಕ್ಷಗಾನ ಕೇಂದ್ರದಲ್ಲಿ ಮೂರು ದಶಕಗಳ ಕಾಲ ಕಲಾವಿದರಾಗಿ ಹಾಗೂ ಮಾರ್ಗದರ್ಶಕರಾಗಿ ಕೆಲಸ ಮಾಡಿದ್ದಾರೆ.