ವಿವಿಧ ವಿಶ್ವವಿದ್ಯಾಲಯಗಳಲ್ಲಿ ಜೈವಿಕ ರಸಾಯನಶಾಸ್ತ್ರದ ಪ್ರೊಫೆಸರ್ ಹಾಗೂ ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆ ನಿರ್ದೇಶಕರಾಗಿ ವೈಜ್ಞಾನಿಕ ಕ್ಷೇತ್ರದಲ್ಲಿ ಅಪೂರ್ವ ಸಾಧನೆ ಮಾಡಿರುವವರು ಶ್ರೀ ಗೋವರ್ಧನ್ ಮೆಹ್ರಾಅವರು.
ಜೂನ್ ೨೬, ೧೯೪೩ರಲ್ಲಿ ಜೋದ್ಪುರದಲ್ಲಿ ಜನನ. ೧೯೬೩ರಲ್ಲಿ ರಾಜಾಸ್ತಾನ ವಿಶ್ವವಿದ್ಯಾಲಯದಿಂದ ಎಂ.ಎಸ್ಸಿ., ೧೯೬೬ರಲ್ಲಿ ಪೂನಾ ವಿಶ್ವವಿದ್ಯಾಲಯದಿಂದ ಪಿಎಚ್.ಡಿ, ೧೯೬೭ – ೬೯ರಲ್ಲಿ ಮಿಚಿಗನ್ ಸ್ಟೇಟ್ ಮತ್ತು ದಿ ಓಹಿಯಾ ಸ್ಟೇಟ್ ವಿಶ್ವವಿದ್ಯಾಲಯದಿಂದ ಡಿ.ಎಸ್ (ಪೋಸ್ಟ್ ಡಾಕ್ಟರಲ್ ರೀಸರ್ಚ್ ಪದವಿ). ೧೯೬೯ರಿಂದ ಇಲ್ಲಿಯವರೆಗೆ ವಿವಿಧ ವಿಶ್ವವಿದ್ಯಾಲಯಗಳಲ್ಲಿ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿರುವುದರ ಜೊತೆಗೆ ಹೈದರಾಬಾದ್ ವಿಶ್ವವಿದ್ಯಾಲಯದಲ್ಲಿ ಕುಲಪತಿಗಳಾಗಿಯೂ, ಯುಎಸ್ಎ, ಫ್ರಾನ್ಸ್, ತೈವಾನ್, ಯುಕೆ, ಪ್ಯಾರಿಸ್, ಫ್ಲೋರಿಡಾ, ಜಪಾನ್, ಜರ್ಮನಿ ಮುಂತಾದ ವಿಶ್ವವಿದ್ಯಾಲಯಗಳಿಗೆ ಸಂದರ್ಶಕ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದ್ದಾರೆ.
ಅಂತರ ರಾಷ್ಟ್ರೀಯ ಪತ್ರಿಕೆಗಳಲ್ಲಿ ೩೮೦ ಸಂಶೋಧನಾ ಲೇಖನಗಳನ್ನು ಪ್ರಕಟಿಸಿದ್ದಾರೆ. ವಿಶ್ವಾದ್ಯಂತ ವಿವಿಧ ಕಡೆಗಳಲ್ಲಿ ೨೦೦ ಉಪನ್ಯಾಸಗಳನ್ನು ನೀಡಿದ್ದಾರೆ.
೧೯೭೮ ರಿಂದ ೨೦೦೪ರವರೆಗೆ ಇವರನ್ನು ಅರಸಿ ಬಂದಿರುವ ಪದಕ, ಪ್ರಶಸ್ತಿ ಮತ್ತು ಬಹುಮಾನಗಳು ಅಸಂಖ್ಯಾತ, ಎಫ್.ಎನ್.ಎ., ಎಫ್.ಎ.ಎಸ್ಸಿ, ಎಫ್.ಎನ್.ಎ.ಎಸ್ಸಿ, ಎಫ್.ಆರ್.ಎಸ್.ಸಿ, ಟಿ.ಡಬ್ಲ್ಯು.ಎ.ಎಸ್, ಫೆಲೋಶಿಫ್ ಗಳು ಡಾ. ಗೋವರ್ಧನ್ ಮೆಹ್ವಾ ಅವರನ್ನರಸಿ ಬಂದಿದೆ.
ಶ್ರೀಯುತರು ಹಲವು ಪತ್ರಿಕೆಗಳ ಸಂಪಾದಕ ಮಂಡಳಿಯಲ್ಲಿದ್ದು ಜೈವಿಕ ರಸಾಯನ ವಿಜ್ಞಾನದ ಅಧ್ಯಾಪಕರಾಗಿ ವಿದ್ಯಾರ್ಥಿಗಳ ಮೆಚ್ಚುಗೆಗೆ ಪಾತ್ರರಾದವರು ಶ್ರೀ ಗೋವರ್ಧನ್ ಮೆಹ್ರಾ ಅವರು
Categories
