ಹೆಚ್.ಸಿ. ತಮ್ಮಣ್ಣಾಚಾರ್

ಎಚ್.ಸಿ.ತಮ್ಮಣ್ಣಾಚಾರ್ ಅವರು ಕಳೆದ ಆರು ದಶಕಗಳಿಂದಲೂ ಸೂತ್ರದ ಗೊಂಬೆ ಕಲಾ ಪ್ರದರ್ಶನದಲ್ಲಿ ನಿರಂತರವಾಗಿ ತೊಡಗಿಕೊಂಡಿದ್ದಾರೆ. ಅವರು ತಮ್ಮ ತಂದೆಯವರಿಂದ ಪರಂಪರಾನುಗತವಾಗಿ ಬಂದ ಸೂತ್ರದ ಗೊಂಬೆ ಕಲೆಯನ್ನು ಮುಂದಿನ ಪೀಳಿಗೆಗೆ ಉಳಿಸಿ ಬೆಳೆಸುವ ಕಾರ್ಯದಲ್ಲಿ ನಿರತರಾಗಿದ್ದು, ಅದರಲ್ಲಿ ವಿಶೇಷ ಪರಿಣತಿಯನ್ನು ಸಾಧಿಸಿದ್ದಾರೆ.
ಸೂತ್ರದ ಗೊಂಬೆ ನಾಟಕಗಳನ್ನು ತಯಾರಿಸಿ ಪ್ರದರ್ಶನಗಳಿಗೆ ಅಣಿಗೊಳಿಸುವ ಕಾಯಕದಲ್ಲಿ ತೊಡಗಿರುವ ತಮ್ಮಣ್ಣಾಚಾರ್ ಬಣ್ಣ ಬಣ್ಣದ ಗೊಂಬೆಗಳನ್ನು ಸೃಷ್ಟಿಸುವಲ್ಲಿ ನಿರತರಾಗಿದ್ದಾರೆ. ಅವರ ಸಾಧನೆಯನ್ನು ಗುರುತಿಸಿ ಹಲವು ಸಂಘ-ಸಂಸ್ಥೆಗಳು ಗೌರವಿಸಿವೆ.