ವೃತ್ತಿ ಹಾಗೂ ಹವ್ಯಾಸ ರಂಗಭೂಮಿಯಲ್ಲಿ ಅಭಿನಯಿಸುತ್ತಿರುವ ಮಮತಾ ಗೂಡೂರು ತಮ್ಮ ಐದನೆಯ ವಯಸ್ಸಿನಲ್ಲಿಯೇ ಬಣ್ಣ ಹಚ್ಚಿದವರು. ಉತ್ತರ ಕರ್ನಾಟಕದ ಬಹುತೇಕ ವೃತ್ತಿ ನಾಟಕ ಕಂಪನಿಗಳಲ್ಲಿ ಕೆಲಸ ಮಾಡಿರುವ ಇವರು ಬಹುತೇಕ ಎಲ್ಲ ನಾಟಕಗಳಲ್ಲಿಯೂ ಪ್ರಧಾನ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಗರೀಬಿ ಹಟಾವೋ, ವಿಧಿಯ ಕೈವಾಡ, ಇಳಕಲ್ ಸೀರೆ, ಪೋಲೀಸನ ಮಗಳು, ರಕ್ತರಾತ್ರಿ ಮೊದಲಾದ ನಾಟಕಗಳಲ್ಲಿ ಮಮತಾ ಅವರು ವಹಿಸಿದ ಪಾತ್ರಗಳು ಪ್ರೇಕ್ಷಕರ ಮನಸೂರೆಗೊಂಡಿದೆ. ಸಾಮಾಜಿಕ, ಐತಿಹಾಸಿಕ, ಭಕ್ತಿ ಪ್ರಧಾನ ಹೀಗೆ ಎಲ್ಲ ಪ್ರಕಾರದ ನಾಟಕಗಳಲ್ಲಿ ಪಾತ್ರ ನಿರ್ವಹಿಸಿರುವ ಅಭಿಜಾತ ಕಲಾವಿದೆ ಮಮತಾ ಅವರು ಹವ್ಯಾಸಿ ನಾಟಕಗಗಳಲ್ಲಿಯೂ ಅಭಿನಯಿಸಿದ್ದಾರೆ.
ಅನೇಕ ಚಲನಚಿತ್ರಗಳಲ್ಲಿಯೂ ಅಭಿನಯಿಸಿರುವ ಮಮತಾ ಅವರಿಗೆ ಎಸ್.ಪಿ.ವರದರಾಜ್ ಗೌರವ ಪ್ರಶಸ್ತಿ, ಅಭಿನಯ ಚತುರೆ ನಾಟ್ಯ ಸರಸ್ವತಿ ಮೊದಲಾದ ಬಿರುದುಗಳು ಲಭಿಸಿವೆ.
