ಬೀಸು ಕಂಸಾಳೆ ಕಲೆಯನ್ನು ಸುಮಾರು ಐದು ದಶಕಗಳಿಂದಲೂ ಪ್ರದರ್ಶಿಸುತ್ತಾ ಬಂದಿರುವ ಹಿರಿಯ ಕಲಾವಿದ ಚಿಕ್ಕಮರಿಯಪ್ಪ, ನಾಡಿನುದ್ದಕ್ಕೂ ಬೀಸುಕಂಸಾಳೆ ಪ್ರದರ್ಶನದಲ್ಲಿ ಹೆಸರು ಪಡೆದಿದ್ದಾರೆ. ಹಲವಾರು ರಾಜ್ಯ ಹಾಗೂ ರಾಷ್ಟ್ರಮಟ್ಟದ ಪ್ರತಿಷ್ಠಿತ ಉತ್ಸವಗಳಲ್ಲಿ ಭಾಗವಹಿಸಿದ್ದಾರೆ.
ಜಾನಪದ ಕಲೆಯನ್ನು ಜೀವಂತವಾಗಿಟ್ಟು ಅದರಲ್ಲಿ ಹಲವಾರು ಉತ್ಕೃಷ್ಟ ಬದಲಾವಣೆಗಳನ್ನು ತರುವಲ್ಲಿ ಚಿಕ್ಕಮರಿಯಪ್ಪ ಅವರು ಶ್ರಮಿಸಿದ್ದು ಇವರಿಗೆ ಕರ್ನಾಟಕ ಜಾನಪದ ಅಕಾಡೆಮಿ ಪ್ರಶಸ್ತಿ, ಜಾನಪದ ಲೋಕೋತ್ಸವ ಪುರಸ್ಕಾರಗಳು ಸೇರಿದಂತೆ ಹಲವು ಪ್ರತಿಷ್ಠಿತ ಪುರಸ್ಕಾರಗಳು ಸಂದಿವೆ.
