ಹಿರಿಯ ಪತ್ರಕರ್ತರಾದ ಲಕ್ಷ್ಮಣ ಕೊಡಸೆ ಪ್ರಜಾವಾಣಿ ಪತ್ರಿಕೆಯ ಸಹಾಯಕ ಸಂಪಾದಕರಾಗಿ ನಿವೃತ್ತರಾಗಿದ್ದಾರೆ. ಪ್ರಜಾವಾಣಿಯ ಸುದ್ದಿ ವಿಭಾಗ, ಪುರವಣಿ ವಿಭಾಗ, ಚಲನಚಿತ್ರ ವಿಭಾಗಗಳ ಮುಖ್ಯಸ್ಥರಾಗಿ ಕಾರ್ಯ ನಿರ್ವಹಿಸಿರುವ ಕೊಡಸೆ ಜನಪ್ರಿಯ ಅಂಕಣಕಾರರೂ ಹೌದು.
ಪತ್ರಿಕೋದ್ಯಮವಲ್ಲದೆ, ಸಾಹಿತ್ಯದಲ್ಲೂ ಹೆಸರು ಮಾಡಿರುವ ಲಕ್ಷ್ಮಣ ಕೊಡಸೆ ಅವರು ಹಲವಾರು ಕಥಾ ಸಂಕಲನಗಳನ್ನು ಹೊರತಂದಿದ್ದು, ಪತ್ರಿಕೋದ್ಯಮದಲ್ಲಿ ವಿಶಿಷ್ಟ ಬರವಣಿಗೆಯ ಮೂಲಕ ಹೆಸರು ಮಾಡಿದ್ದಾರೆ. ಅನೇಕ ಚಲನಚಿತ್ರೋತ್ಸವಗಳಿಗೆ ವಿಶೇಷ ಪ್ರತಿನಿಧಿಯಾಗಿ ಪಾಲುಗೊಂಡಿರುವ ಲಕ್ಷ್ಮಣ ಕೊಡಸೆ ಈಗಲೂ ಬರವಣಿಗೆಯಲ್ಲಿ ಸಕ್ರಿಯರು
