ಸಾಹುಕಾರ್ ಜಾನಕಿ

ಕನ್ನಡ ಚಿತ್ರರಂಗದ ಮೂಲಕ ಚಲನಚಿತ್ರ ಜಗತ್ತಿಗೆ ಕಾಲಿಟ್ಟ ಸಾಹುಕಾರ್ ಜಾನಕಿ ೧೯೫೦ ಹಾಗೂ ೬೦ ನೇ ದಶಕಗಳಲ್ಲಿ ಕನ್ನಡದ ಅನೇಕ ಚಿತ್ರಗಳ ನಾಯಕ ನಟಿಯಾಗಿದ್ದವರು. ಮದರಾಸ್ ನಲ್ಲಿ ದಕ್ಷಿಣ ಭಾರತದ ಚಲನಚಿತ್ರ ಉದ್ಯಮ ನೆಲೆನಿಂತಿದ್ದ ಸಂದರ್ಭದಲ್ಲಿ ಸಾಹುಕಾರ್ ಜಾನಕಿ ತಮಿಳು ಹಾಗೂ ತೆಲುಗು ಚಿತ್ರಗಳ ಜನಪ್ರಿಯ ಕಲಾವಿದೆಯಾಗಿ ಹೊರಹೊಮ್ಮಿದರು.
ಕನ್ನಡದ ಡಾ|| ರಾಜ್ಕುಮಾರ್, ತಮಿಳಿನ ಎಮ್.ಜಿ. ರಾಮಚಂದ್ರನ್, ಶಿವಾಜಿ ಗಣೇಶನ್ ತೆಲುಗಿನ ಎನ್. ಟಿ. ರಾಮರಾವ್, ಆರ್. ನಾಗೇಶ್ವರರಾವ್. ಸೇರಿದಂತೆ ಎಲ್ಲಾ ದಕ್ಷಿಣ ಭಾಷೆಗಳ ಪ್ರಮುಖ ನಾಯಕನಟರೊಂದಿಗೆ ಅಭಿನಯಿಸಿರುವ ಖ್ಯಾತಿ ಸಾಹುಕಾರ್ ಜಾನಕಿಯವರದು.
ಮುನ್ನೂರಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ಪೋಷಕ ನಟಿಯಾಗಿ ಪಾತ್ರನಿರ್ವಹಿಸಿರುವ ಸಾಹುಕಾರ್ ಜಾನಕಿಯವರು ಚಲನಚಿತ್ರ ಉದ್ಯಮದಿಂದ ಪಡೆದಿರುವ ಪ್ರಶಸ್ತಿ ಪುರಸ್ಕಾರಗಳು ಹಲವಾರು.