ಅಕೈ ಪದ್ಮಶಾಲಿ

ಗಂಡಾಗಿದ್ದು ನಂತರ ಹೆಣ್ಣಾದ ಅಕೈ ಪದ್ಮಶಾಲಿ ಇಂದು ತೃತೀಯ ಲಿಂಗಿಗಳ ಹಕ್ಕುಗಳ ಹೋರಾಟದ ಮುಂಚೂಣಿಯಲ್ಲಿರುವ ಸಂಗಮ ಸಂಸ್ಥೆಯ ಪದಾಧಿಕಾರಿಗಳಲ್ಲೊಬ್ಬರು. ಸಮಾಜ ತೃತೀಯ ಲಿಂಗಿಗಳ ಬಗ್ಗೆ ತೋರುತ್ತಿರುವ ಅನಾದರಣೆಯನ್ನು ಹೋಗಲಾಡಿಸುವ ನಿಟ್ಟಿನಲ್ಲಿ ಅನೇಕ ಕಾರ್ಯಕ್ರಮಗಳನ್ನು ಅನುಷ್ಠಾನಗೊಳಿಸುತ್ತಿರುವ ಸಂಗಮ ಸಂಸ್ಥೆಯಿಂದ ತೃತೀಯ ಲಿಂಗಿಗಳ ಸಂಘಟನೆ ಮಾಡುವ ಹೊಣೆ ಹೊತ್ತುಕೊಂಡಿರುವ ಅಕೈ ಪದ್ಮಶಾಲಿ ರಾಜ್ಯ ಹಾಗೂ ರಾಷ್ಟ್ರದ ತೃತೀಯ ಲಿಂಗಿಗಳ ಸಂಘಟನೆಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ.
ದೇಶದಲ್ಲಿಯೇ ಮೊಟ್ಟಮೊದಲ ಮೋಟಾರು ಚಾಲನಾ ಪರವಾನಗಿಯನ್ನು ಹೆಣ್ಣೆಂದು ಪಡೆದುಕೊಂಡ ಅಕೈ ಪದ್ಮಶಾಲಿ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿಯೂ ಭಾಗವಹಿಸಿ ಉತ್ತಮ ಗಾಯಕಿ ಎನಿಸಿಕೊಂಡಿದ್ದಾರೆ.