ಪಂಡಿತ ಸೋಮನಾಥ ಮರಡೂರ

ವೃತ್ತಿ ಪ್ರವೃತ್ತಿಗಳಿಂದ ಪ್ರಸಿದ್ಧರಾಗಿರುವ ಹಿಂದೂಸ್ತಾನಿ ಗಾಯಕ ಪಂಡಿತ ಸೋಮನಾಥ ಮರಡೂರ ಅವರು.
೧೯೪೪ರಲ್ಲಿ ಹಾವೇರಿ ಜಿಲ್ಲೆಯ ಮರಡೂರಿನಲ್ಲಿ ಜನನ. ಬಾಲ್ಯದಿಂದಲೆ ಸಂಗೀತಾಭ್ಯಾಸ ಆರಂಭವಾಗಿ ಗದಗಿನ ಶ್ರೀ ಪುಟ್ಟರಾಜ ಗವಾಯಿಗಳವರ ಬಳಿ ಶಿಕ್ಷಣದ ಮುಂದುವರಿಕೆ. ಪಂಡಿತ ಬಸವರಾಜ ರಾಜಗುರುಗಳಲ್ಲಿ ಹಿಂದೂಸ್ತಾನಿ ಸಂಗೀತದಲ್ಲಿ ಉನ್ನತಾಭ್ಯಾಸ.
ನಾಡಿನ ಅನೇಕ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಮತ್ತು ಮುಂಬೈ, ದಿಲ್ಲಿ, ಭೂಪಾಲ, ಗೋವಾ ಮುಂತಾದ ಕಡೆಗಳಲ್ಲಿ ಯಶಸ್ವೀ ಕಾರ್ಯಕ್ರಮಗಳನ್ನು ನೀಡಿದ್ದಾರೆ. ಪ್ರತಿಭಾವಂತ ಗಾಯಕರಾದ ಶ್ರೀ ಮರಡೂರ ತಮ್ಮ ಹದಿನೇಳನೇ ವಯಸ್ಸಿನಲ್ಲಿ ಅಖಿಲ ಭಾರತ ಆಕಾಶವಾಣಿ, ಸಂಗೀತ ಸ್ಪರ್ಧೆಯಲ್ಲಿ ರಾಷ್ಟ್ರಪತಿಗಳಿಂದ ಚಿನ್ನದ ಪದಕ ಪಡೆದಿದ್ದಾರೆ. ಮುಂಬಯಿ ಸೂರಸಿಂಗಾರ ಸಂಸದ್ನ ಸುರ್ಮಣಿ ಹಾಗೂ ಕರ್ನಾಟಕ ಸಂಗೀತ ನೃತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತರು.
ಕಿರಾಣ ಪರಂಪರೆಯ ಗಾಯಕರು ಪಂಡಿತ ಸೋಮನಾಥ ಮರಡೂರ ಅವರು.