ಮೌಲಾಸಾಬ್ ಇಮಾಂಸಾಬ್ ನದಾಫ್ (ಅಣ್ಣಿಗೇರಿ)

ನಾಟಕಗಳ ತಾಲೀಮು ನೋಡುತ್ತ ರಂಗಭೂಮಿಯಲ್ಲಿ ಆಸಕ್ತಿ ಬೆಳೆಸಿಕೊಂಡ ಮೌಲಾಸಾಬ್ ಇಮಾಂಸಾಬ್ ನದಾಫ್ ಆಕಸ್ಮಿಕವಾಗಿ ಬಣ್ಣದ ಬದುಕಿಗೆ ಕಾಲಿಟ್ಟವರು. ಮುಂದಿನ ನಾಲ್ಕು ದಶಕಗಳ ಕಾಲ ರಂಗಭೂಮಿಯಲ್ಲಿಯೇ ಬದುಕನ್ನು
ಕಂಡುಕೊಂಡವರು.
ಹಲವಾರು ನಾಟಕ ಕಂಪೆನಿಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ ನದಾಫ್ ಅವರು ಪ್ರಸಿದ್ಧಿ ಪಡೆದದ್ದು ಸಾಮಾಜಿಕ ನಾಟಕಗಳಲ್ಲಿ, ಪೋಲೀಸನ ಮಗಳು ನಾಟಕದಲ್ಲಿನ ಅಭಿನಯಕ್ಕಾಗಿ ವಿಶೇಷ ಪ್ರಶಂಸೆ ಪಡೆದ ಮೌಲಾಸಾಬ್ ನದಾಫ್ ಅವರಿಗೆ ಈ ನಾಟಕ ಅಭಿನಯ ಪ್ರಶಸ್ತಿಗಳನ್ನು ದೊರಕಿಸಿಕೊಟ್ಟಿತು.
ವೃತ್ತಿ ರಂಗಭೂಮಿಯಲ್ಲಿ ಅನೇಕ ಪಾತ್ರಗಳಿಗೆ ಜೀವ ತುಂಬಿದ ಅಪರೂಪದ ಕಲಾವಿದರು ಮೌಲಾಸಾಬ್. ಇವರಿಗೆ ನಾಟಕ ಅಕಾಡೆಮಿ ಗೌರವ ಪುರಸ್ಕಾರ ಸಹ ದೊರೆತಿದೆ.