ಕೆ. ಮುರಳೀಧರರಾವ್

ಯಕ್ಷಗಾನ ಕಲಾವಿದರ ಮನೆತನದವರಾದ ಕೆ.ಮುರಳೀಧರರಾವ್ ಮೈಸೂರಿನಲ್ಲಿ ನಾಟ್ಯಾಚಾರ್ಯರಾಗಿ ಪ್ರಸಿದ್ಧರು. ಪಂದಾನಲ್ಲೂರು ಶೈಲಿಯ ಭರತನಾಟ್ಯ ಶಿಕ್ಷಣವನ್ನು ಪಡೆದು ನಂತರ ಕಥಕ್ಕಳಿ ನೃತ್ಯವನ್ನೂ ಅಭ್ಯಸಿಸಿದ ಮುರಳೀಧರರಾವ್ ನಾಡಿನುದ್ದಕ್ಕೂ ಹಲವಾರು ನೃತ್ಯ ಕಾರ್ಯಕ್ರಮಗಳನ್ನು ನೀಡಿದ್ದಾರೆ.
ಉಭಯ ನೃತ್ಯ ಪ್ರಕಾರಗಳಲ್ಲಿ ಹಲವು ಮಂದಿಗೆ ಶಿಕ್ಷಣ ನೀಡಿರುವ ಮುರಳೀಧರರಾವ್ ಅವರಿಗೆ ಸಂಗೀತ-ನೃತ್ಯ ಅಕಾಡೆಮಿ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿ ಗೌರವಗಳು ಸಂದಿವೆ.